Jonás 4:9 - Li Santil hu

⁹ Ut li Ka̱cuaꞌ Dios quixye re: —¿Ma nacacꞌoxla nak us nacaba̱nu nak nacatpoꞌ xban nak xchakic li cꞌum? chan li Dios re. Ut laj Jonás quichakꞌoc ut quixye: —Ya̱l. Us ninba̱nu nak ninjoskꞌoꞌ. Cuan xya̱lal nak ninpoꞌ toj retal nacuaj raj ca̱mc, chan.

Q'eqchi Bible

⁹ Toja' naq li Yos kixpatz' re laj Jonás: “Ma us naq nakatjosq'o'k sa' xk'ab'a' naq xchaqik li jun toon chi che'kenq'?”, chan re. Kichaq'ok laj Jonás ut kixye: “Us ninb'aanu naq ninjosq'o'k. Wank xyaalal naq ninpo'k toj reetal nawaj raj kamk!”.

Jonás 4:9 ပူးပေါင်းရင်းမြစ်များ

Li xHu LAJ JOB 18:4

La̱at yo̱cat chixsachbal a̱cuib a̱junes xban a̱joskꞌil. ¿Ma ta̱cana̱k ta biꞌ chi ma̱cꞌaꞌ cristian li ruchichꞌochꞌ? Ut eb li sako̱nac, ¿ma teꞌxjal ta biꞌ xnaꞌajeb yal xban nak yo̱ a̱joskꞌil la̱at?

Li xHu LAJ JOB 5:2

La̱at nacanau nak li incꞌaꞌ useb xnaꞌleb, aꞌ ajcuiꞌ lix joskꞌil nacamsin reheb. Ut li ani nacakalin, aꞌan ajcuiꞌ lix cakal naqꞌuehoc re chi osocꞌ.

Jueces 16:16

Lix Dalila rajlal yo̱ chixchꞌiꞌchꞌiꞌinquil laj Sansón ut yo̱ chixpatzꞌbal re nak tixye re chanru nak cuan xmetzꞌe̱u toj retal quititzꞌ rabinquil ut incꞌaꞌ chic quixcuy.

Apocalipsis 9:6

Saꞌ eb li cutan aꞌan, eb li cristian teꞌxsicꞌ raj xcamiqueb xban li raylal yo̱keb chixcꞌulbal. Teꞌxra raj ru ca̱mc, abanan incꞌaꞌ teꞌca̱mk.

2 Corintios 7:10

Cui junak narahoꞌ xchꞌo̱l xban li incꞌaꞌ us naxba̱nu, li jun aꞌan naxtau lix colbal xban nak nayotꞌeꞌ xchꞌo̱l ut naxjal xcꞌaꞌux joꞌ naraj li Dios. Ut ma̱ ani narahoꞌ xchꞌo̱l xban li colba-ib. Abanan cui junak narahoꞌ xchꞌo̱l xban li incꞌaꞌ us naxba̱nu ut incꞌaꞌ nayotꞌeꞌ xchꞌo̱l, li jun aꞌan incꞌaꞌ naxtau li colba-ib.

San Mateo 26:38

Ut quixye reheb: —Cuan jun raylal saꞌ inchꞌo̱l ut yo̱ chinyotꞌbal. Incꞌaꞌ chic nincuy nak nacuecꞌa. Cana̱kex arin ut yoꞌlenkex cuochben, chan.

Li xHu LAJ JOB 36:18

Ba̱nu cue̱nt. Ma̱qꞌue a̱cuib chixbalakꞌi li biomal ut ma̱qꞌue a̱cuib re nak teꞌxtumina a̱cuu.

Jonás 4:1

Incꞌaꞌ quicuulac chiru laj Jonás nak li Dios incꞌaꞌ quixrahobtesiheb laj Nínive. Cꞌajoꞌ nak quipoꞌ.

Jonás 4:8

Ut nak quitikcuoꞌ li sakꞌe, li Dios quixtakla chak jun li tikcual ikꞌ yo̱ chi cha̱lc saꞌ releb sakꞌe. Ut laj Jonás quicꞌateꞌ xban li sakꞌe ut quichal xlubic. Qui-oc xtzꞌa̱manquil xcamic ut quixye: —Kꞌaxal us raj chokꞌ cue li ca̱mc chiru nak yoꞌyo̱kin arin saꞌ ruchichꞌochꞌ, chan.

Jonás 4:10

Ut li Dios quixye re: —La̱at ra xacuecꞌa nak xchakic li jun to̱n chi cꞌum li moco xatcꞌanjelac ta re raubal, chi moco la̱at ta xatqꞌuehoc re chi mokc. Chiru jun kꞌojyi̱n quichamoꞌ ut chiru jun kꞌojyi̱n quichakic.

1 Reyes 21:4

Laj Acab co̱ saꞌ xpalacio chi ra saꞌ xchꞌo̱l ut chi yo̱ xjoskꞌil xban nak laj Nabot quixye re nak incꞌaꞌ tixqꞌue re li naꞌajej li quire̱chani riqꞌuin lix xeꞌto̱nil xyucuaꞌ. Nak quicuulac saꞌ rochoch, quixyocob rib saꞌ xcuarib ut yo̱ chi iloc chiru li tzꞌac ut incꞌaꞌ quiraj cuaꞌac.