Jonás 4:2 - Li Santil hu

² Joꞌcan nak quitijoc chiru li Dios ut quixye re: —At Ka̱cuaꞌ, ¿ma ma̱cuaꞌ ta biꞌ aꞌin quincꞌoxla nak toj cuanquin chak saꞌ lin tenamit? Joꞌcan nak quine̱lelic raj cha̱cuu ut co̱in raj Tarsis. Ninnau nak la̱at jun Dios nim a̱cuyum. Nacat-uxta̱nan u ut nacattokꞌoban u. Elajic nacatjoskꞌoꞌ ut incꞌaꞌ nacaba̱nu li raylal li nacacꞌoxla xba̱nunquil.

Q'eqchi Bible

² Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Jonás 4:2 ပူးပေါင်းရင်းမြစ်များ

Salmos 86:15

Abanan la̱at, at Ka̱cuaꞌ, at inDios, nim la̱ cuuxta̱n ut nim la̱ cuyum. La̱at incꞌaꞌ nacatjoskꞌoꞌ saꞌ junpa̱t. Kꞌaxal nim ban la̱ cuusilal. La̱at aj rahonel ut la̱at li ya̱l.

Salmos 145:8

Li nimajcual Dios, aꞌan cha̱bil ut junelic na-uxta̱nan u. Incꞌaꞌ najoskꞌoꞌ saꞌ junpa̱t. Kꞌaxal nim ban li ruxta̱n.

Salmos 86:5

At Ka̱cuaꞌ, kꞌaxal cha̱bilat ut nacatcuyuc ma̱c. Kꞌaxal nim la̱ cuusilal saꞌ xbe̱neb chixjunileb li nequeꞌxtzꞌa̱ma xtenkꞌanquileb a̱cue.

Miqueas 7:18

Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

Jeremías 18:8

Abanan cui eb li tenamit aꞌin teꞌxjal xcꞌaꞌux ut teꞌxcanab xba̱nunquil li ma̱usilal, la̱in tincuil xtokꞌoba̱l ruheb ut incꞌaꞌ chic tinrahobtesiheb joꞌ xincꞌoxla xba̱nunquil reheb.

Éxodo 32:14

Ut li Ka̱cuaꞌ Dios quixjal xcꞌaꞌux ut incꞌaꞌ quixsacheb lix tenamit.

Salmos 78:38

Abanan junelic quixtokꞌoba ruheb. Quixcuy xma̱queb. Nabal sut quijoskꞌoꞌ saꞌ xbe̱neb; abanan quixcuy rib. Joꞌcan nak incꞌaꞌ quixsach ruheb xban xjoskꞌil.

Amós 7:3

Ut li Ka̱cuaꞌ quixjal xcꞌaꞌux. —Incꞌaꞌ texinsach, chan.

Jonás 3:10

Li Dios quiril nak queꞌxjal xcꞌaꞌuxeb ut queꞌxcanab xba̱nunquil li ma̱usilal li queꞌxba̱nu. Joꞌcan nak li Dios quixjal xcꞌaꞌux ut incꞌaꞌ quixqꞌue li raylal saꞌ xbe̱neb li quixcꞌoxla xba̱nunquil reheb.

Jonás 1:3

Abanan laj Jonás incꞌaꞌ qui-abin chiru li Ka̱cuaꞌ. Quie̱lelic ban chiru. Co̱ saꞌ li tenamit Jope li cuan chire li palau. Aran quixtau jun li nimla jucub ac xic re Tarsis. Quixtoj re nak ta̱xic chi najt saꞌ li tenamit Tarsis ut qui-oc saꞌ li jucub. Saꞌ xchꞌo̱l aꞌan nak yo̱ chixmukbal rib chiru li Ka̱cuaꞌ.

1 Reyes 19:4

Ut laj Elías co̱ xjunes saꞌ li chaki chꞌochꞌ. Jun cutan quibe̱c. Nak yo̱ chi ecuu̱c, qui-oc chi hila̱nc rubel jun to̱n li cheꞌ enebro xcꞌabaꞌ. Quiraj raj ca̱mc ut xban xrahil xchꞌo̱l quixye re li Dios: —At Ka̱cuaꞌ, tzꞌakal li raylal ac xincꞌul. Us raj cui tina̱qꞌue chi ca̱mc. La̱in moco kꞌaxal cha̱bilin ta chiruheb lin xeꞌto̱nil yucuaꞌ, chan.

Amós 7:6

Ut quixjal cuiꞌchic xcꞌaꞌux li Ka̱cuaꞌ ut quixye chi joꞌcaꞌin: —Chi moco aꞌin tinba̱nu. Incꞌaꞌ tinsacheb, chan li Ka̱cuaꞌ Dios.

Salmos 90:13

At Ka̱cuaꞌ, ¿joꞌ najtil chic yo̱k a̱joskꞌil saꞌ kabe̱n? ¿Ma incꞌaꞌ ta̱cuil xtokꞌoba̱l ku la̱o aj cꞌanjel cha̱cuu?

San Lucas 10:29

Aꞌan quiraj raj xti̱cobresinquil xchꞌo̱l xjunes rib. Quixye re li Jesús: —¿Ani tzꞌakal li cuas cui̱tzꞌin? chan.

Jeremías 20:7

Laj Jeremías quixye: —At Ka̱cuaꞌ, la̱at xina̱balakꞌi ut la̱in xincanab cuib re tina̱balakꞌi. La̱at kꞌaxal cau a̱cuib chicuu la̱in. Joꞌcan nak xatnumta saꞌ inbe̱n. Rajlal cutan niquineꞌxhob li tenamit ut chixjunileb niquineꞌxseꞌe.

Deuteronomio 4:31

Li Ka̱cuaꞌ incꞌaꞌ textzꞌekta̱na chi moco tixsach e̱ru xban nak aꞌan junelic jultic re li contrato li quixba̱nu riqꞌuineb le̱ xeꞌto̱nil yucuaꞌ.

Salmos 103:8

Li Ka̱cuaꞌ aꞌan cha̱bil ut junelic na-uxta̱nan u. Incꞌaꞌ najoskꞌoꞌ saꞌ junpa̱t. Kꞌaxal nim ban li ruxta̱n.

Jeremías 26:13

Me̱ba̱nu chic li ma̱usilal. Ti̱cobresihomak ban le̱ yuꞌam. Ba̱nuhomak li cꞌaꞌru naxye li Dios re nak incꞌaꞌ tixtakla saꞌ e̱be̱n li raylal li quixye chak resil.

Jeremías 42:10

Cui texcana̱k saꞌ li naꞌajej aꞌin ut texcua̱nk saꞌ xya̱lal, la̱in texintenkꞌa ut incꞌaꞌ tinba̱nu raylal e̱re. Texincanab chi cua̱nc saꞌ li naꞌajej aꞌin ut incꞌaꞌ texinqꞌue chi isi̱c. Narahoꞌ inchꞌo̱l xban li raylal li xinba̱nu e̱re.

Jonás 3:9

Cui takaba̱nu aꞌin, ma̱re anchal tixjal xcꞌaꞌux li Dios saꞌ kabe̱n. Ma̱re ta̱numekꞌ xjoskꞌil ut incꞌaꞌ chic tixsach ku, chanqueb.