Jonás 3:5 - Li Santil hu

⁵ Ut eb li cuanqueb saꞌ li tenamit Nínive queꞌxpa̱b li ra̱tin li Dios li quixye laj Jonás. Queꞌxye nak teꞌxba̱nu x-ayu̱n chixjunileb, joꞌ ni̱nk joꞌ cocꞌ. Ut queꞌxqꞌue li kꞌes ru tꞌicr chirixeb retalil nak raheb saꞌ xchꞌo̱l.

Q'eqchi Bible

⁵ Eb' laj Nínive ke'xpaab' raatin li Yos: ke'xkanab' wa'ak ut ke'xk'e q'es ruhil t'ikr chirixeb', reetalil li rahil ch'oolejil. Chixjunileb', li ninqeb' ut li maak'a'eb' xwankil, ink'a' ke'xyal wa'ak chiru li kutan a'an.

Jonás 3:5 ပူးပေါင်းရင်းမြစ်များ

San Lucas 11:32

Ut teꞌcuacli̱k ajcuiꞌ eb li queꞌcuan saꞌ li tenamit Nínive saꞌ xkꞌehil nak ta̱rakekꞌ a̱tin saꞌ e̱be̱n la̱ex li cuanquex saꞌ eb li cutan aꞌin. Ut teꞌxye nak cuan e̱ma̱c xban nak eb aꞌan queꞌyotꞌeꞌ xchꞌo̱l queꞌxjal xcꞌaꞌux ut queꞌpa̱ban nak quicuulac laj Jonás chixyebal ra̱tin li Dios reheb. Ut la̱in cuanquin arin saꞌ e̱ya̱nk ut kꞌaxal nim incuanquil chiru xcuanquil laj Jonás ut la̱ex incꞌaꞌ nayotꞌeꞌ e̱chꞌo̱l incꞌaꞌ nequejal e̱cꞌaꞌux, chan li Jesús.

San Mateo 12:41

Laj Jonás quixchꞌolob xya̱lal chiruheb laj Nínive ut queꞌyotꞌeꞌ xchꞌo̱l queꞌxjal xcꞌaꞌux. Ut la̱in kꞌaxal nim incuanquil chiru laj Jonás ut cuanquin arin saꞌ e̱ya̱nk, abanan la̱ex incꞌaꞌ niquine̱pa̱b. Joꞌcan nak eb laj Nínive teꞌcuacli̱k chak saꞌ xkꞌehil li rakba a̱tin e̱rochben ut texjiteb xban nak incꞌaꞌ nequexpa̱ban.

Daniel 9:3

Ut chi anchal inchꞌo̱l quintijoc chiru li Ka̱cuaꞌ ut quintzꞌa̱man chiru. Quinba̱nu lin ayu̱n ut quicuocsi li kꞌes ru tꞌicr ut quinqꞌue li cha chicuix.

Joel 1:14

Yehomak resil reheb li che̱quel cristian joꞌqueb ajcuiꞌ chixjunileb li tenamit nak teꞌxchꞌutub ribeb saꞌ lix templo li Ka̱cuaꞌ le̱ Dios re nak te̱ba̱nu e̱-ayu̱n. Ut te̱tzꞌa̱ma e̱tenkꞌanquil riqꞌuin li nimajcual Dios.

2 Crónicas 20:3

Cꞌajoꞌ nak qui-oc xxiu laj Josafat. Quixcubsi rib ut quixpatzꞌ xnaꞌleb riqꞌuin li Ka̱cuaꞌ ut quixye nak teꞌxba̱nu lix ayu̱n saꞌ chixjunil li naꞌajej Judá.

Hebreos 11:1

¿Cꞌaꞌru li pa̱ba̱l? Li pa̱ba̱l aꞌan xnaubal nak relic chi ya̱l takacꞌul li yo̱co chiroybeninquil. Usta incꞌaꞌ nakil ru aban nakanau nak takacꞌul.

Hebreos 11:7

Xban lix pa̱ba̱l laj Noé, li Dios quixye re cꞌaꞌru talajcꞌulma̱nk. Ut laj Noé quixpa̱b li quixye li Dios usta toj ma̱jiꞌ nacꞌulman. Quixyi̱b li nimla jucub cab re xcolbal rib aꞌan, joꞌ eb ajcuiꞌ li ralal xcꞌajol. Ut lix pa̱ba̱l laj Noé quixcꞌutbesi nak li cuanqueb saꞌ ruchichꞌochꞌ incꞌaꞌ queꞌpa̱ban. Joꞌcan nak queꞌcam. Xban nak quipa̱ban, li Dios quixye nak ti̱c xchꞌo̱l laj Noé.

Hechos 27:25

Joꞌcan nak cauhak e̱chꞌo̱l, ex cuas cui̱tzꞌin. La̱in cau inchꞌo̱l riqꞌuin li Dios nak ta̱cꞌulma̱nk joꞌ xye cue li ángel.

Hechos 8:10

Ut chixjunileb li tenamit, joꞌ li cuanqueb xcuanquil joꞌ ajcuiꞌ li ma̱cꞌaꞌeb xcuanquil, queꞌrabi li cꞌaꞌru yo̱ chixyebal laj Simón ut queꞌxye: —Li cui̱nk aꞌin, cuan xcuanquil li Dios riqꞌuin, chanqueb.

Jeremías 42:8

Ut laj Jeremías quixbok laj Johanán li ralal laj Carea riqꞌuin. Ut quixbokeb ajcuiꞌ li nequeꞌtaklan saꞌ xbe̱neb li soldado ut eb li tenamit li cuanqueb rochben, joꞌ li cuanqueb xcuanquil, joꞌ eb ajcuiꞌ li ma̱cꞌaꞌeb xcuanquil.

Jeremías 42:1

Chixjunileb li nequeꞌtaklan saꞌ xbe̱neb li soldado queꞌcuulac chi a̱tinac riqꞌuin laj Jeremías. Saꞌ xya̱nkeb aꞌan cuanqueb laj Johanán li ralal laj Carea, ut laj Jezanías li ralal laj Osaías joꞌ eb ajcuiꞌ chixjunileb li tenamit, joꞌ li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil.

Jeremías 36:9

Yo̱ xbele po re li roꞌ chihab roquic chokꞌ rey laj Joacim li ralal laj Josías lix reyeb laj Judá, nak queꞌxcꞌu̱b ru nak teꞌxba̱nu x-ayu̱n chiru li Ka̱cuaꞌ chixjunileb li cuanqueb Jerusalén, joꞌ ajcuiꞌ li nequeꞌchal chak saꞌ eb li naꞌajej li cuanqueb Judá.

Jeremías 31:34

Moco tento ta nak toj teꞌxye re li ras ri̱tzꞌin “¿Ma nacanau ani li tzꞌakal Dios?” xban nak chixjunileb, joꞌ cocꞌ joꞌ ni̱nk, teꞌxnau nak la̱in li Ka̱cuaꞌ Dios. Ut la̱in tincuyeb tinsacheb lix ma̱queb ut incꞌaꞌ chic ta̱nak saꞌ inchꞌo̱l lix ma̱usilaleb, chan li Ka̱cuaꞌ.

Esdras 8:21

Aran chire li nimaꞌ Ahava, la̱in quinye reheb nak to-ayuni̱k ut takacubsi kib chiru li Ka̱cuaꞌ. Takatzꞌa̱ma chiru nak aꞌan ta̱tenkꞌa̱nk ke ut ta̱ilok ke re nak ma̱cꞌaꞌ takacꞌul la̱o, chi moco li kacocꞌal chi moco li cꞌaꞌru cuan ke nak yo̱ko chi xic.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

Ester 4:1

Nak quirabi li cꞌaꞌru quicꞌulman, laj Mardoqueo quixpej li rakꞌ xban xrahil xchꞌo̱l ut quixqꞌue li kꞌes ru tꞌicr chirix ut quixqꞌue li cha chirix. Ut co̱ saꞌ li tenamit. Japjo re chi ya̱bac xban xrahil xchꞌo̱l.

Jonás 3:7

Chirix aꞌan li rey, rochbeneb li nequeꞌcꞌanjelac chiru, queꞌxqꞌue jun li chakꞌrab. Li chakꞌrab li queꞌxqꞌue, aꞌan nak li cristian incꞌaꞌ teꞌcuaꞌak chi moco teꞌucꞌak. Chi moco li queto̱mk teꞌqꞌuehekꞌ xcua rucꞌa, chi moco li bo̱yx, chi moco li carner.

Éxodo 33:6

Xban aꞌan nak eb laj Israel queꞌrisi lix sahob ru li rakꞌeb nak cuanqueb saꞌ li tzu̱l Horeb xcꞌabaꞌ ut incꞌaꞌ chic queꞌrocsi.

2 Reyes 19:1

Nak quirabi li cꞌaꞌru queꞌxye, li rey Ezequías quixpej li rakꞌ ut quixqꞌue li kꞌes ru tꞌicr chirix retalil lix rahil xchꞌo̱l ut co̱ saꞌ lix templo li Ka̱cuaꞌ.