Jonás 3:4 - Li Santil hu

⁴ Nak qui-oc laj Jonás saꞌ li tenamit quixtiquib xyebal li cꞌaꞌru quiyeheꞌ re xban li Dios. Quixnumsi li jun cutan xbeninquil li tenamit ut yo̱ chixyebal reheb: —Joꞌcaꞌin saꞌ caꞌcꞌa̱l cutan li tenamit Nínive ta̱sachekꞌ ru xban li Dios, chan.

Q'eqchi Bible

⁴ Laj Jonás ki'ok chi xtoqb'al ru li tenamit, ut chiru jun kutan japjo re chi xyeeb'al chi kaw xyaab' xkux: “Sa' ka'k'aal kutan taajuk'manq Nínive”.

Jonás 3:4 ပူးပေါင်းရင်းမြစ်များ

Deuteronomio 18:22

Cui junak profeta naxye nak naa̱tinac saꞌ xcꞌabaꞌ li Dios ut incꞌaꞌ nacꞌulman li cꞌaꞌru naxye, la̱ex te̱nau nak ma̱cuaꞌ ra̱tin li Ka̱cuaꞌ Dios li yo̱ chixyebal. Li profeta aꞌan yo̱ chixyebal li cꞌaꞌru naraj xjunes. Ut la̱ex mexxucuac xban.

Jonás 3:10

Li Dios quiril nak queꞌxjal xcꞌaꞌuxeb ut queꞌxcanab xba̱nunquil li ma̱usilal li queꞌxba̱nu. Joꞌcan nak li Dios quixjal xcꞌaꞌux ut incꞌaꞌ quixqꞌue li raylal saꞌ xbe̱neb li quixcꞌoxla xba̱nunquil reheb.

2 Reyes 20:6

Ut oꞌlaju chihab chic tatcua̱nk saꞌ ruchichꞌochꞌ. La̱in tincolok a̱cue la̱at ut la̱in ajcuiꞌ tincolok reheb lin tenamit saꞌ rukꞌ lix reyeb laj Asiria. Tincoleb lin tenamit re xcolbal rix lin lokꞌal ut xban ajcuiꞌ nak quinra laj David li quicꞌanjelac chicuu,” chan li Ka̱cuaꞌ.

2 Reyes 20:1

Saꞌ eb li cutan aꞌan quiyajer laj Ezequías. Nak nim xyajel quicuulac li profeta Isaías li ralal laj Amoz riqꞌuin ut quixye re: —Joꞌcaꞌin xye a̱cue li Ka̱cuaꞌ. Ta̱yi̱b ru li cꞌaꞌru tento ta̱yi̱b ru saꞌ la̱ cuochoch xban nak ca̱mc a̱cue. Incꞌaꞌ chic tatqꞌuira̱k, chan.

San Mateo 12:41

Laj Jonás quixchꞌolob xya̱lal chiruheb laj Nínive ut queꞌyotꞌeꞌ xchꞌo̱l queꞌxjal xcꞌaꞌux. Ut la̱in kꞌaxal nim incuanquil chiru laj Jonás ut cuanquin arin saꞌ e̱ya̱nk, abanan la̱ex incꞌaꞌ niquine̱pa̱b. Joꞌcan nak eb laj Nínive teꞌcuacli̱k chak saꞌ xkꞌehil li rakba a̱tin e̱rochben ut texjiteb xban nak incꞌaꞌ nequexpa̱ban.

San Lucas 11:30

Li milagro li quixcꞌul laj Jonás nak quicoleꞌ, aꞌan retalil chiruheb li tenamit Nínive nak aꞌan taklanbil xban li Dios. Joꞌcan ajcuiꞌ la̱in li Cꞌajolbej. Li milagro li tincꞌul la̱in, aꞌan jun retalil chiruheb li tenamit saꞌ eb li cutan aꞌin nak la̱in taklanbilin xban li Dios, chan.

San Lucas 11:32

Ut teꞌcuacli̱k ajcuiꞌ eb li queꞌcuan saꞌ li tenamit Nínive saꞌ xkꞌehil nak ta̱rakekꞌ a̱tin saꞌ e̱be̱n la̱ex li cuanquex saꞌ eb li cutan aꞌin. Ut teꞌxye nak cuan e̱ma̱c xban nak eb aꞌan queꞌyotꞌeꞌ xchꞌo̱l queꞌxjal xcꞌaꞌux ut queꞌpa̱ban nak quicuulac laj Jonás chixyebal ra̱tin li Dios reheb. Ut la̱in cuanquin arin saꞌ e̱ya̱nk ut kꞌaxal nim incuanquil chiru xcuanquil laj Jonás ut la̱ex incꞌaꞌ nayotꞌeꞌ e̱chꞌo̱l incꞌaꞌ nequejal e̱cꞌaꞌux, chan li Jesús.

Isaías 30:18

Abanan li Ka̱cuaꞌ yo̱ chiroybeninquil re ta̱ruxta̱na e̱ru. Naraj xcꞌutbesinquil che̱ru nak aꞌan naxtokꞌoba e̱ru. Li Ka̱cuaꞌ li nimajcual Dios aꞌan ti̱c xchꞌo̱l. Us xak reheb li nequeꞌxcꞌojob xchꞌo̱l riqꞌuin li Ka̱cuaꞌ.

Jeremías 42:10

Cui texcana̱k saꞌ li naꞌajej aꞌin ut texcua̱nk saꞌ xya̱lal, la̱in texintenkꞌa ut incꞌaꞌ tinba̱nu raylal e̱re. Texincanab chi cua̱nc saꞌ li naꞌajej aꞌin ut incꞌaꞌ texinqꞌue chi isi̱c. Narahoꞌ inchꞌo̱l xban li raylal li xinba̱nu e̱re.