Jonás 2:9 - Li Santil hu

⁹ Abanan la̱in tinqꞌue a̱lokꞌal ut tinmayejak cha̱cuu. Tinba̱nu li cꞌaꞌru quinyechiꞌi a̱cue. Li colba-ib junes a̱cuiqꞌuin la̱at nachal chak, at Ka̱cuaꞌ, chan laj Jonás.

Q'eqchi Bible

⁹ A'ut laa'in tinyoxinq ut tinmayejaq chawu; tinb'aanu li k'aru inyeechi'om aawe. At Qaawa', ka'ajwi' aawik'in nachalk li kolb'a ib'”.

Jonás 2:9 ပူးပေါင်းရင်းမြစ်များ

Salmos 3:8

At Ka̱cuaꞌ, la̱at laj Colol ke. Choa̱cuosobtesi taxak la̱o la̱ tenamit.

Salmos 50:14

Li mayej li nacuaj la̱in, aꞌan nak tine̱lokꞌoni, la̱in li Ka̱cuaꞌ Dios. Ut te̱ba̱nu chi tzꞌakal li cꞌaꞌru xeyechiꞌi cue la̱in, li nimajcual Dios.

Hebreos 13:15

Joꞌcan ut junelic chikalokꞌonihak li Dios saꞌ xcꞌabaꞌ li Jesucristo, ut chikanima̱k ru. Cui takaba̱nu chi joꞌcan, aꞌan li kamayej chiru li Dios.

Salmos 50:23

Li bantioxi̱nc chicuu, aꞌan li mayej li naxqꞌue inlokꞌal. Relic chi ya̱l la̱in tincolok reheb li nequeꞌxba̱nu li cꞌaꞌru ninye.—

Oseas 14:2

Chexsukꞌi̱k cuiꞌchic riqꞌuin li Ka̱cuaꞌ ut joꞌcaꞌin te̱ye re: —Chacuy chasach taxak li kama̱c. Chasume taxak li katij. Li kamayej li takaqꞌue a̱cue, aꞌan la̱ lokꞌoninquil.

Salmos 68:20

Li kaDios, aꞌan aj Colol ke ut aꞌan ta̱colok ke re nak incꞌaꞌ tocamsi̱k xbaneb li xicꞌ nequeꞌiloc re li Dios.

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

Isaías 45:17

Abanan eb laj Israel teꞌcolekꞌ xban li Ka̱cuaꞌ. Junelic teꞌcolekꞌ ut incꞌaꞌ ta̱cꞌutekꞌ xxuta̱neb,” chaꞌakeb.

Apocalipsis 7:10

Ut japjo̱queb re chixyebal: Li kacolbal riqꞌuin li Dios nachal chak, li cꞌojcꞌo saꞌ lix lokꞌlaj cꞌojariba̱l, ut riqꞌuin ajcuiꞌ li Jun li chanchan carner.

San Juan 4:22

La̱ex aj Samaria incꞌaꞌ nequenau chi tzꞌakal ani nequeqꞌue xlokꞌal. La̱o aj judío nakanau chi tzꞌakal ani nakaqꞌue xlokꞌal xban nak li colba-ib riqꞌuineb laj judío xchal chak.

Jeremías 33:11

Ta̱abima̱nk cuiꞌchic xya̱b xcuxeb li yo̱queb chixjapbal reheb xban xsahil xchꞌo̱leb. Ta̱abima̱nk nak yo̱keb chi sahokꞌ saꞌ xchꞌo̱leb li yo̱queb chi ninkꞌei̱c saꞌ li sumla̱c. Ta̱abi̱k ajcuiꞌ xya̱b xcuxeb nak yo̱keb chixlokꞌoninquil li Dios ut nequeꞌxye: Lokꞌoninbil taxak li Ka̱cuaꞌ li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic. Ta̱abi̱k ajcuiꞌ xya̱b xcuxeb nak yo̱keb chixcꞌambal lix mayejeb re bantioxi̱nc saꞌ lix templo li Ka̱cuaꞌ. Tebinqꞌue cuiꞌchic chi sukꞌi̱c saꞌ lix naꞌajeb eb li queꞌcꞌameꞌ chi pre̱xil ut teꞌcua̱nk cuiꞌchic joꞌ nak queꞌcuan junxil.

Li xHu LAJ JOB 22:27

Aꞌan tixqꞌue li cꞌaꞌru ta̱tzꞌa̱ma chiru. Ut la̱at ta̱qꞌue re li cꞌaꞌru ta̱yechiꞌi re.

Génesis 35:3

Ut yoꞌkeb saꞌ junpa̱t saꞌ li naꞌajej Bet-el. Aran tinyi̱b jun li artal re xlokꞌoninquil li tzꞌakal Dios, li Dios li quitenkꞌan chak cue nak cuanquin saꞌ raylal. Aꞌan qui-ochbenin chak cue nak quilajinnumeꞌ chak yalak bar, chan.

Hechos 4:12

Ut ma̱ ani chic aj iqꞌuin ta̱ru̱k takatau kacolbal, xban nak ma̱cꞌaꞌ chic junak cꞌabaꞌej saꞌ chixjunil li ruchichꞌochꞌ qꞌuebil ta ke re ta̱ru̱k tocolekꞌ cuiꞌ, chan laj Pedro.

Salmos 107:22

Cheꞌxqꞌuehak taxak lix mayejeb re xbantioxinquil chiru li Ka̱cuaꞌ. Cheꞌbicha̱nk taxak xban xsahil xchꞌo̱leb ut teꞌxye taxak resil li usilal li quilajxba̱nu li Ka̱cuaꞌ reheb.

2 Samuel 15:7

Nak ac xnumeꞌ ca̱hib chihab, laj Absalón quixye re li rey David: —At rey, nintzꞌa̱ma cha̱cuu nak ta̱qꞌue inlese̱ns chi xic Hebrón re nak tinqꞌue lin mayej li quinyechiꞌi re li Ka̱cuaꞌ.

Deuteronomio 23:18

Ut incꞌaꞌ naru teꞌxqꞌue chokꞌ xmayej saꞌ lix tabernáculo li Ka̱cuaꞌ le̱ Dios li tumin li nequeꞌxcꞌul li nequeꞌxcꞌayi ribeb. Incꞌaꞌ naru nequeꞌxtoj riqꞌuin li tumin aꞌan li cꞌaꞌru xeꞌxyechiꞌi re li Dios. Li Ka̱cuaꞌ xicꞌ naril li ma̱c aꞌan.

Salmos 27:1

Li Ka̱cuaꞌ, aꞌan nacutanobresin re lin cꞌaꞌux, ut aꞌan nacoloc cue. Ma̱ ani ninxucua ru. Li Ka̱cuaꞌ, aꞌan na-iloc cue. Joꞌcan nak incꞌaꞌ ninxucuac.

Salmos 95:2

Ut chobantioxi̱nk chiru xban li usilal li naxba̱nu ke. Chobicha̱nk chi sa saꞌ kachꞌo̱l re xlokꞌoninquil li Ka̱cuaꞌ.

1 Samuel 12:21

Me̱lokꞌoni chic li jalanil dios. Eb aꞌan incꞌaꞌ naru nequextenkꞌa chi moco naru nequexcol xban nak eb aꞌan ma̱cꞌaꞌ nequeꞌoc cuiꞌ.