Jonás 2:4 - Li Santil hu

⁴ La̱in xincꞌoxla nak xina̱tzꞌekta̱na. Ut xinye: —Usta xina̱tzꞌekta̱na, abanan junelic ta̱julticokꞌ cue la̱ santil templo ut tintzꞌa̱ma intenkꞌanquil cha̱cuu.

Q'eqchi Bible

⁴ Ut xinye sa' inch'ool: «Xinaawisi chi xnaq' aawu». Xink'oxla naq ink'a' ta chik twil laasantil ochoch.

Jonás 2:4 ပူးပေါင်းရင်းမြစ်များ

Salmos 31:22

Xban inxiu, xincꞌoxla nak la̱at xina̱canab injunes, at Ka̱cuaꞌ. Abanan nak xinya̱ba a̱cꞌabaꞌ, la̱at xasume li xintzꞌa̱ma cha̱cuu.

Salmos 5:7

Abanan la̱in, xban xnimal la̱ cuusilal, tincua̱nk chi sum a̱tin a̱cuiqꞌuin. Tinqꞌue a̱cuanquil ut saꞌ la̱ santil ochoch tatinlokꞌoni.

Isaías 38:17

Lix rahil inchꞌo̱l xasukꞌisi chokꞌ sahil chꞌo̱lej chokꞌ cue. Xban nak xcuulac cha̱cuu, joꞌcan nak xina̱col chiru li ca̱mc. Ut xacuy xasach lin ma̱c.

2 Crónicas 6:38

Ut cui eb aꞌan teꞌxjal xcꞌaꞌuxeb chi anchaleb xchꞌo̱l ut chi anchaleb li ra̱m nak cua̱nkeb chak saꞌ lix tenamit li xicꞌ nequeꞌiloc reheb, teꞌtijok. Nak yo̱keb chi tijoc, teꞌilok saꞌ xjayal li chꞌochꞌ li caqꞌue reheb lix xeꞌto̱nil yucuaꞌ. Teꞌilok saꞌ xjayal li tenamit li casicꞌ ru li xinyi̱b cuiꞌ li templo re a̱lokꞌoninquil.

Daniel 6:10

Nak quixnau nak li rey quixqꞌue li chakꞌrab aꞌan, laj Daniel co̱ saꞌ rochoch. Ut quixcanab chi teto lix ventanil lix cuariba̱l li cuan saꞌ xjayal li tenamit Jerusalén. Joꞌ cꞌaynak xba̱nunquil laj Daniel, quixcuikꞌib rib aran ut oxib sut chiru li cutan quitijoc ut quibantioxin chiru li Ka̱cuaꞌ lix Dios joꞌ naxba̱nu rajlal.

Jeremías 7:15

Texintzꞌekta̱na joꞌ nak quintzꞌekta̱naheb chixjunileb le̱ rechꞌalal, li ralal xcꞌajol laj Efraín. La̱in li Ka̱cuaꞌ ninyehoc re aꞌin.—

Ezequiel 37:11

Ut quixye cuiꞌchic cue li Ka̱cuaꞌ: —At ralal cui̱nk, eb li bak aꞌin, aꞌan retalileb chixjunileb li ralal xcꞌajol laj Israel. Eb aꞌan nequeꞌxye, “Xchakic li kabakel. Ma̱cꞌaꞌ chic cꞌaꞌru nakayoꞌoni. Ac xo-osoꞌ,” chanqueb.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Isaías 49:14

Eb li cuanqueb Sión yo̱queb chixyebal: —Li Ka̱cuaꞌ xoxcanab kajunes. Li kaDios xosach saꞌ xchꞌo̱l, chanqueb.

1 Reyes 9:7

cui te̱ba̱nu chi joꞌcan la̱in texcuisi che̱junilex la̱ex aj Israel saꞌ li chꞌochꞌ li xinqꞌue e̱re. Ut li templo aꞌin li xinsantobresi chokꞌ re inlokꞌoninquil tinsach ru. Ut le̱ tenamit Israel ta̱hobekꞌ ut ta̱seꞌe̱k xbaneb li jalan tenamiteb.

1 Reyes 8:48

Ut cui eb aꞌan teꞌxjal xcꞌaꞌuxeb chi anchaleb xchꞌo̱l ut chi anchaleb li ra̱m, nak cua̱nkeb chak saꞌ lix tenamit li xicꞌ nequeꞌiloc reheb, teꞌtijok. Nak yo̱keb chi tijoc, teꞌilok saꞌ xjayal li chꞌochꞌ li caqꞌue reheb lix xeꞌto̱nil xyucuaꞌ. Teꞌilok saꞌ xjayal li tenamit li casicꞌ ru, li xinyi̱b cuiꞌ li templo re a̱lokꞌoninquil.

1 Reyes 8:42

Eb li jalaneb xtenamit teꞌrabi a̱cuesil. Teꞌrabi nak kꞌaxal nim la̱ cuanquil ut nim la̱ cuuxta̱n ut teꞌcha̱lk chi tijoc cha̱cuu saꞌ li templo aꞌin.

Jonás 2:7

Quicuecꞌa nak osocꞌ cue. Catjulticoꞌ cue at Ka̱cuaꞌ. Nak quintijoc cha̱cuu, lin tij quicuulac toj saꞌ la̱ santil templo.

Salmos 42:8

At Ka̱cuaꞌ, chi cutan chacuuxta̱na taxak cuu ut chi kꞌek china̱qꞌue taxak chi bicha̱nc ut tintijok cha̱cuu, at inDios. La̱at aj e̱chal re lin yuꞌam.

Salmos 88:6

Chanchan nak xina̱qꞌue saꞌ jun chamal jul kꞌojyi̱n xsaꞌ.

Salmos 88:7

Cꞌajoꞌ la̱ joskꞌil saꞌ inbe̱n. Incꞌaꞌ chic nincuy. Chanchan nak yo̱ chi cha̱lc lix cau ok li haꞌ saꞌ inbe̱n.

Lamentaciones 3:54

Saꞌ inchꞌo̱l la̱in nak oc cue chi subu̱nc saꞌ haꞌ. Ut quinye: —Anakcuan xin-osoꞌ.—