Jonás 1:9 - Li Santil hu

⁹ Quichakꞌoc ut quixye reheb: —La̱in jun aj hebreo ut ninxucua ru li Ka̱cuaꞌ Dios li cuan saꞌ choxa, li quiyi̱ban re li palau ut li ruchichꞌochꞌ, chan.

Q'eqchi Bible

⁹ Kichaq'ok laj Jonás ut kixye: “Laa'in aj Hebreo, ut ninloq'oni ru li Qaawa', li xYos li choxa, laj Yoob'tesihom re li palaw ut li ruuchich'och'”, chan.

Jonás 1:9 ပူးပေါင်းရင်းမြစ်များ

Nehemías 9:6

Ut laj Esdras quitijoc ut quixye: —At Ka̱cuaꞌ, caꞌaj cuiꞌ la̱at li Dios. Ma̱ ani chic junak Dios. Caꞌaj cuiꞌ la̱at. La̱at catyi̱ban re li choxa joꞌ ajcuiꞌ chixjunil li cuan chiru. La̱at catyi̱ban re li ruchichꞌochꞌ ut chixjunil li cuan chiru. La̱at catyi̱ban re li palau joꞌ ajcuiꞌ chixjunil li cuan chi saꞌ. La̱at nacaqꞌue xyuꞌameb chixjunil li cꞌaꞌru cuan. Joꞌcan nak chixjunileb li cuanqueb saꞌ choxa nacateꞌxlokꞌoni.

Salmos 136:26

Cheqꞌuehak taxak xlokꞌal li nimajcual Dios li cuan saꞌ choxa xban nak kꞌaxal nim li ruxta̱n saꞌ kabe̱n junelic.

Nehemías 1:4

Nak quicuabi resil cꞌaꞌru yo̱queb chixcꞌulbal, cꞌajoꞌ nak quirahoꞌ inchꞌo̱l. Quinchunub cuib ut quin-oc chi ya̱bac. Quintijoc chiru lin Dios cuan saꞌ choxa ut quinba̱nu in-ayu̱n cuib oxib cutan.

Esdras 1:2

Aꞌan aꞌin li resil li quixtakla: —Joꞌcaꞌin naxye laj Ciro lix reyeb laj Persia: Li Ka̱cuaꞌ Dios li cuan saꞌ choxa xqꞌue rubel incuanquil chixjunileb li tenamit li cuanqueb saꞌ ruchichꞌochꞌ. Ut xqꞌue ajcuiꞌ saꞌ inbe̱n xyi̱banquil li templo aran Jerusalén xcue̱nt Judá.

2 Reyes 17:28

Joꞌcan nak queꞌxtakla jun reheb laj tij li qui-isi̱c Samaria chi cua̱nc Bet-el re tixcꞌut chiruheb li tenamit chanru nak teꞌxlokꞌoni li Ka̱cuaꞌ.

2 Reyes 17:25

Nak queꞌxtiquib cua̱nc aran eb li cristian incꞌaꞌ queꞌxlokꞌoni li Ka̱cuaꞌ. Joꞌcan nak li Ka̱cuaꞌ quixtaklaheb li cakcoj chixcamsinquileb.

Génesis 14:13

Abanan quie̱lelic jun li cui̱nk chiruheb aꞌan. Li cui̱nk aꞌan quicuulac riqꞌuin laj Abram laj hebreo ut quixye re li cꞌaꞌru quicꞌulman. Laj Abram cuan saꞌ li naꞌajej li ji ru. Eb li cheꞌ ji, aꞌan re laj Mamre. Laj Mamre, aꞌan xcomoneb laj amorreo. Aꞌan ras laj Escol joꞌ ajcuiꞌ laj Aner. Eb aꞌan rami̱gueb rib riqꞌuin laj Abram.

Apocalipsis 16:11

Ut queꞌxmajecua li Dios li cuan saꞌ choxa xban li raylal ut li xox li yo̱queb chixcꞌulbal. Abanan incꞌaꞌ quiyotꞌeꞌ xchꞌo̱leb ut incꞌaꞌ queꞌxcanab xba̱nunquil li ma̱usilal.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

Apocalipsis 11:13

Ut saꞌ li ho̱nal aꞌan quicuan jun nimla hi̱c ut li xlaje jachalal li tenamit qui-ukꞌeꞌ. Cuukub mil (7,000) xqꞌuial li cristian queꞌcam xban li hi̱c. Ut li joꞌ qꞌuial chic incꞌaꞌ queꞌcam, queꞌxucuac ut queꞌxqꞌue xlokꞌal li Dios cuan saꞌ choxa.

Filipenses 3:5

La̱in tzꞌakalin aj Israel. Cuakxakib cutan cuan cue nak xincꞌul li circuncisión. Lin naꞌ inyucuaꞌ aj hebreo xcomoneb xte̱pal laj Benjamín. La̱in ajcuiꞌ xcomoneb laj fariseo li nequeꞌxba̱nu chixjunil li tzꞌi̱banbil saꞌ li chakꞌrab li quiqꞌueheꞌ re laj Moisés.

Hechos 27:23

Saꞌ li kꞌojyi̱n aꞌin xcꞌutbesi rib chicuu jun x-ángel li Dios laj e̱chal cue, li nincꞌanjela ru.

Hechos 14:15

—Ex tenamit, ¿cꞌaꞌut nak nequeba̱nu chi joꞌcan? La̱o yal cui̱nko joꞌ la̱ex. Juntakꞌe̱to e̱riqꞌuin. Aꞌan aj e nak xochal arin saꞌ e̱ya̱nk chixyebal e̱re nak te̱canab li joꞌ ma̱joꞌil naꞌleb. Sicꞌomak ban li yoꞌyo̱quil Dios li quiyi̱ban re li choxa, li ruchichꞌochꞌ, li palau ut chixjunil li cꞌaꞌru cuan.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Daniel 2:44

Ut saꞌ eb li cutan aꞌan li Dios cuan saꞌ choxa tixxakab jun chic li kꞌaxal nim xcuanquil ut ma̱ ani ta̱ru̱k ta̱numta̱k saꞌ xbe̱n. Aꞌan ta̱sachok re chixjunileb li cuanqueb xcuanquil ut ma̱cꞌaꞌak rosoꞌjic aꞌan.

Li xHu LAJ JOB 1:9

Ut laj tza quichakꞌoc ut quixye re li Ka̱cuaꞌ Dios: —¿Ma ya̱l naxxucua ta biꞌ a̱cuu yal chi joꞌcan? ¿Ma ma̱cuaꞌ ta biꞌ xban li cꞌaꞌru cuan re nak naxxucua a̱cuu?

Nehemías 2:4

Ut li rey quixye cue: —¿Cꞌaꞌru ta̱cuaj tinba̱nu?— Ut saꞌ li ho̱nal aꞌan quinpatzꞌ intenkꞌanquil riqꞌuin li Dios li cuan saꞌ choxa.

Esdras 5:11

Eb aꞌan queꞌxye ke chi joꞌcaꞌin, “La̱o aj cꞌanjel chiru li Dios li kꞌaxal nim xcuanquil joꞌ saꞌ choxa joꞌ saꞌ ruchichꞌochꞌ. Yo̱co cuiꞌchic chixyi̱banquil li templo li quixakaba̱c najter xban jun lix nimal ru rey li quicuan Israel.”

Génesis 39:14

Quixbokeb lix mo̱s saꞌ cab ut quixye reheb: —Ilomak li cui̱nk aj hebreo li xcꞌam chak laj Potifar. Aꞌan xraj raj xcꞌutbal kaxuta̱n. Xol-ocak cuiqꞌuin ut xraj raj inchapbal. Ut la̱in xinjap cue chi cau.

Éxodo 1:15

Li acuabej aran Egipto quia̱tinac riqꞌuin cuib li ixk aj hebreo. (Aj hebreo nayeman ajcuiꞌ reheb laj Israel.) Lix cꞌabaꞌeb li ixk aꞌan xSifra ut xFúa. Aꞌaneb li nequeꞌxococ reheb li cꞌulaꞌal nak nequeꞌyoꞌla.

Éxodo 2:13

Joꞌ cuulajak chic laj Moisés qui-el cuiꞌchic chi be̱c ut quiril cuib aj hebreo yo̱queb chi pletic. Quixye re li jun li quipaltoꞌ: —¿Cꞌaꞌut nak yo̱cat chixsacꞌbal la̱ cuech cristianil?—

Génesis 1:10

Li Dios quixye nak li chaki ru, chꞌochꞌ xcꞌabaꞌ. Ut li chꞌutubanbil haꞌ, palau quixqꞌue chokꞌ xcꞌabaꞌ. Ut li Dios quiril nak us li quixba̱nu.

Génesis 24:7

Li Ka̱cuaꞌ Dios li cuan saꞌ choxa, aꞌan qui-isin chak cue saꞌ rochoch lin yucuaꞌ. Aꞌan qui-isin chak cue saꞌ xya̱nkeb lin comon saꞌ li naꞌajej li quinyoꞌla cuiꞌ chak. Aꞌan quia̱tinac cuiqꞌuin ut quixye cue, “La̱in tinqꞌue li chꞌochꞌ aꞌin a̱cue ut reheb ajcuiꞌ la̱ cualal a̱cꞌajol,” chan. Li Ka̱cuaꞌ Dios tixtakla chak lix ángel ut aꞌan ta̱cꞌamok be cha̱cuu nak tatxic chixsicꞌbal rixakil li cualal. Matcꞌoxlac. Aran ta̱cꞌam chak li rixakil li cualal.