Jonás 1:6 - Li Santil hu

⁶ Ut li nataklan saꞌ li jucub co̱ cuan cuiꞌ laj Jonás ut quixye re: —Ut la̱at, ¿cꞌaꞌut nak yo̱cat chi cua̱rc? Cuaclin ut ya̱ba xcꞌabaꞌ la̱ Dios. Ma̱re chan nak aꞌan ta̱ril xtokꞌoba̱l ku ut toxtenkꞌa re nak incꞌaꞌ to-osokꞌ, chan.

Q'eqchi Bible

⁶ Toja' naq laj eechal re li jukub' kinach'ok wan wi' laj Jonás ut kixye re: “K'a'ut naq yookat chi wark arin? Waklin ut tijon chiru laaYos. Mare anchal taaruxtaana qu ut ink'a' tooxkanab' chi oso'k”.

Jonás 1:6 ပူးပေါင်းရင်းမြစ်များ

Jonás 3:9

Cui takaba̱nu aꞌin, ma̱re anchal tixjal xcꞌaꞌux li Dios saꞌ kabe̱n. Ma̱re ta̱numekꞌ xjoskꞌil ut incꞌaꞌ chic tixsach ku, chanqueb.

2 Samuel 12:22

Laj David quixye reheb: —Ya̱l nak xin-ayunic ut xinya̱bac nak toj ma̱jiꞌ nacam. Xincꞌoxla nak ma̱re li Ka̱cuaꞌ ta̱ril xtokꞌoba̱l cuu ut tixqꞌuirtesi li cualal.

Efesios 5:14

Nak ta̱cutanobresi̱k lix chꞌo̱leb cutan saken chic chanru nak cuanqueb. Joꞌcaꞌin tzꞌi̱banbil saꞌ li Santil Hu: Ajsi a̱cuu, la̱at li yo̱cat chi cua̱rc. Matcana chi camenak saꞌ la̱ ma̱c, ut li Cristo tixcutanobresi la̱ cꞌaꞌux. (Isa. 60:1)

Amós 5:15

Chetzꞌekta̱na li ma̱usilal ut chera li ti̱quilal. Ut qꞌuehomak e̱chꞌo̱l chi rakoc a̱tin saꞌ xya̱lal. Ma̱re chi joꞌcan li Ka̱cuaꞌ, li nimajcual Dios ta̱ruxta̱na e̱ru la̱ex laj Israel, li joꞌ qꞌuialex chic texcolekꞌ.

Hechos 21:13

Abanan laj Pablo quichakꞌoc ut quixye ke: —¿Cꞌaꞌut nak yo̱quex chi ya̱bac ut chixqꞌuebal xrahil inchꞌo̱l? La̱in cau inchꞌo̱l, moco caꞌaj cuiꞌ ta re tinbaqꞌuekꞌ. Re aj ban cuiꞌ nak tincamsi̱k aran Jerusalén saꞌ xcꞌabaꞌ li Ka̱cuaꞌ Jesús, chan.

Joel 2:11

Joꞌcan ajcuiꞌ ta̱cꞌulma̱nk nak li Ka̱cuaꞌ ta̱a̱tinak chi cau xya̱b xcux riqꞌuineb lix soldado ut teꞌxba̱nu li cꞌaꞌru tixye. Kꞌaxal cuiꞌchic nabaleb ut cauheb rib. Ut kꞌaxal xiu xiu nak ta̱cuulak li cutan aꞌan nak li Ka̱cuaꞌ ta̱rakok a̱tin. ¿Ani ta biꞌ ta̱ru̱k tixcol rib chiru?

Ezequiel 18:2

—¿Cꞌaꞌru nequecꞌoxla chirix li jaljo̱quil ru a̱tin aꞌin li yo̱queb chixyebal chirixeb laj Israel? Li naꞌbej yucuaꞌbej nequeꞌxlou li uvas rare ut aꞌ chic lix cocꞌaleb nequeꞌecꞌan lix rahil re.

Isaías 3:15

¿Cꞌaꞌut nak nequerahobtesiheb lin tenamit? ¿Cꞌaꞌut nak nequetacuasiheb li nebaꞌ? chan li Ka̱cuaꞌ li kꞌaxal nim xcuanquil.

Salmos 107:6

Xban li raylal li cuanqueb cuiꞌ, queꞌxtzꞌa̱ma xtenkꞌanquileb chiru li Dios. Ut li Dios quixcoleb chiru li raylal.

Salmos 78:34

Nequeꞌril nak li Dios naxcanabeb chi ca̱mc, tojeꞌ nak nequeꞌoc chixsicꞌbal li Dios. Nayotꞌeꞌ xchꞌo̱leb ut nequeꞌxtzꞌa̱ma xtenkꞌanquileb chiru.

Ester 4:16

—Tatxic ut ta̱chꞌutubeb chixjunileb laj judío li cuanqueb Susa. Ye reheb nak teꞌayunik ut teꞌtijok chicuix. Incꞌaꞌ teꞌucꞌak chi moco teꞌcuaꞌak chiru oxib cutan ut oxib kꞌojyi̱n. Ut joꞌcan ajcuiꞌ tinba̱nu la̱in cuochbeneb li ixk li nequeꞌcꞌanjelac chicuu. Chirix aꞌan la̱in tinxic chi a̱tinac riqꞌuin li rey, usta tinkꞌet li chakꞌrab. Ut cui tincamsi̱k, chincamsi̱k, chan lix Ester.

Romanos 13:11

Chikaba̱nu chixjunil aꞌin xban nak nakanau nak yo̱ chak chi nachꞌoc xkꞌehil nak ta̱tzꞌaklok ru li kacolbal nak tol-e̱lk cuiꞌchic li Jesucristo. Yoꞌon taxak cua̱nko xban nak yo̱ chak chi nachꞌoc lix cꞌulunic chiru nak copa̱ban chak la̱o.

Jonás 3:8

Cheꞌxqꞌuehak ban li kꞌes ru tꞌicr chirixeb chixjunileb li cuanqueb Nínive, joꞌqueb ajcuiꞌ li xul. Ut cau cheꞌxya̱ba̱k li Dios. Xjalakeb xcꞌaꞌux ut xcanabakeb xba̱nunquil li yibru naꞌleb li yo̱queb chixba̱nunquil.