Jonás 1:5 - Li Santil hu

⁵ Cꞌajoꞌ nak queꞌxucuac eb laj cꞌamol re li jucub ut chi xjunju̱nkaleb queꞌoc xya̱banquil xcꞌabaꞌ lix dioseb. Queꞌrisi li i̱k ut queꞌxcut saꞌ li palau re nak ta̱jebk li ra̱lal li jucub. Abanan laj Jonás toj chi saꞌ li nimla jucub cuan ut aran sa yo̱ chi cua̱rc.

Q'eqchi Bible

⁵ K'ajo' naq kichalk xxiweb' laj b'eresinel re li jukub', ut li junjunq ki'ok chi tijok chiru li xyos. Chirix chik a'an ke'xkuti chi ha' li k'a'aq re ru reheb' re xseeb'ob'resinkil li riiq li jukub'. Ab'an laj Jonás kox'okaq sa' xyanqeb' li iiq, taq'a, sa' li jukub', ut sa xwara aran.

Jonás 1:5 ပူးပေါင်းရင်းမြစ်များ

1 Reyes 18:26

Ut eb aꞌan queꞌxchap li cuacax li quikꞌaxtesi̱c reheb ut queꞌxyi̱b. Ut queꞌxya̱ba xcꞌabaꞌ laj Baal lix dioseb chalen ekꞌela toj cuaꞌleb. Yo̱queb chi xajoc chiru li artal li queꞌxyi̱b ut yo̱queb chixyebal: —At Baal, choa̱sume, chanqueb. Abanan ma̱ ani quisumen reheb.

Jeremías 2:28

La̱ex aj Judá, ¿ma incꞌaꞌ ta biꞌ xeyi̱b le̱ dios re textenkꞌa? ¿Ma incꞌaꞌ ta biꞌ ta̱ru̱k te̱tzꞌa̱ma e̱tenkꞌanquil riqꞌuin aꞌan? Cui cuanqueb xcuanquil, chextenkꞌa nak cua̱nkex saꞌ raylal. Kꞌaxal nabaleb le̱ jalanil dios. Chanchan xqꞌuialeb le̱ tenamit.

Isaías 45:20

Li Ka̱cuaꞌ quixye: —Chꞌutubomak e̱rib ex tenamit. Quimkex che̱junilex li joꞌ qꞌuialex incꞌaꞌ xsacheꞌ e̱ru. La̱ex nequepako li yi̱banbil dios saꞌ be. Ma̱cꞌaꞌ e̱naꞌleb. Nequextijoc chiru li dios cheꞌ li incꞌaꞌ naru nequexcol.

1 Samuel 24:3

Yo̱queb chi numecꞌ saꞌ jun li naꞌajej cuanqueb cuiꞌ xcorral li carner. Cuan jun li ochoch pec aran. Laj Saúl qui-oc saꞌ li ochoch pec chixtzꞌekbal rib. Ut saꞌ li ochoch pec aꞌan mukmu̱queb laj David ut eb li cui̱nk li cuanqueb rochben. Toj chi saꞌ cuanqueb chak.

Jueces 16:19

Ut li ixk quixqꞌue chi cua̱rc laj Sansón chi ruch raꞌ. Ut quixbok jun li cui̱nk re tixbes li rismal. Quixset li rismal li tzꞌulbil chi cuukub jo̱b. Ut ma̱cꞌaꞌ chic xmetzꞌe̱u quicana laj Sansón. Lix Dalila qui-oc chixhobbal laj Sansón.

Hechos 27:38

Nak ac xeꞌrakeꞌ chi cuaꞌac, queꞌoc cuiꞌchic chixjebbal li ri̱k li jucub ut queꞌxcut chi haꞌ li trigo re nak ta̱se̱bokꞌ li ri̱k.

San Mateo 26:45

Tojoꞌnak quichal cuiꞌchic riqꞌuineb lix tzolom ut quixye reheb: —¿Ma toj yo̱quex chi cua̱rc? Tzꞌakalak li hila̱nc xeba̱nu. Ac xtau xkꞌehil nak la̱in li Cꞌajolbej tinkꞌaxtesi̱k saꞌ rukꞌeb laj ma̱c.

San Mateo 26:43

Ut nak quisukꞌi cuiꞌchic li Jesús, quixtauheb cuiꞌchic chi cua̱rc lix tzolom xban nak ma̱ caꞌchꞌin lix cuaraheb.

San Mateo 25:5

Ut nak quibay chak li be̱lomej, nequeꞌxi̱kan chixjunileb toj retal quicube xcuaraheb.

Jonás 1:16

Nak queꞌril li cꞌaꞌru quixba̱nu li Dios, queꞌxxucua ru ut queꞌmayejac chiru ut queꞌxyechiꞌi ajcuiꞌ re nak teꞌcꞌanjelak chiru.

Jonás 1:14

Tojoꞌnak queꞌtijoc ut queꞌxtzꞌa̱ma xtenkꞌanquil chiru li Ka̱cuaꞌ Dios ut queꞌxye: —At nimajcual Dios, moa̱qꞌue taxak chi ca̱mc xma̱c a cui̱nk aꞌin. Ut ma̱qꞌue taxak saꞌ kabe̱n lix camic xban nak la̱at, at Dios, xaba̱nu li cꞌaꞌru xacuaj, chanqueb.

Jonás 1:6

Ut li nataklan saꞌ li jucub co̱ cuan cuiꞌ laj Jonás ut quixye re: —Ut la̱at, ¿cꞌaꞌut nak yo̱cat chi cua̱rc? Cuaclin ut ya̱ba xcꞌabaꞌ la̱ Dios. Ma̱re chan nak aꞌan ta̱ril xtokꞌoba̱l ku ut toxtenkꞌa re nak incꞌaꞌ to-osokꞌ, chan.

Oseas 7:14

Incꞌaꞌ xeꞌtzꞌa̱man chicuu chi anchaleb xchꞌo̱l nak japjo̱queb re saꞌ lix cuariba̱l. Nak xeꞌxchꞌutub ribeb chixtzꞌa̱manquil lix cua rucꞌaheb, xeꞌxkꞌetkꞌeti ribeb chicuu.

Li xHu LAJ JOB 2:4

Abanan laj tza quixye re li Dios: —Cui ma̱cꞌaꞌ naxcꞌul lix tibel li cui̱nk, ma̱cꞌaꞌ naxye, usta naxqꞌue chi tzꞌekecꞌ li cꞌaꞌru cuan re xban xcolbal rix lix yuꞌam.

Salmos 107:25

Yal riqꞌuin li ra̱tin li Dios quixtakla jun li cacuil ikꞌ ut quirecꞌasi ru li palau ut quichal lix cau ok xban.

Salmos 148:8

Cheꞌxqꞌuehak ta xlokꞌal li Ka̱cuaꞌ li ca̱k, li sakbach, li ratzꞌam que ut li xchuꞌque, joꞌ ajcuiꞌ li ca̱k-sut-ikꞌ li na-abin chiru.

Eclesiastés 3:6

Cuan xcutanquil li sicꞌoc, ut cuan li ho̱nal re sachoc. Cuan li ho̱nal re xococ, ut cuan li ho̱nal re tzꞌekoc.