Jonás 1:4 - Li Santil hu

⁴ Abanan li Ka̱cuaꞌ quixtakla jun li ca̱k-sut-ikꞌ saꞌ xbe̱n li palau. Numtajenak cuiꞌchic cau li ca̱k-sut-ikꞌ. Queꞌxcꞌoxla nak oc re chi jachecꞌ li jucub.

Q'eqchi Bible

⁴ Ab'an li Qaawa' kixwaklesi jun kawil iq' chiru li palaw, ut kiwakliik jun kaqsut-iq' li kach'in chik maa kixjuk' li jukub'.

Jonás 1:4 ပူးပေါင်းရင်းမြစ်များ

Amós 4:13

Li Ka̱cuaꞌ, aꞌan li quiyi̱ban re li tzu̱l ut aꞌan li quiyi̱ban re li ikꞌ. Aꞌan nacꞌutuc re chiruheb li cui̱nk cꞌaꞌru naxcꞌoxla xba̱nunquil. Aꞌan nasukꞌisin re li kꞌojyi̱n chokꞌ cutan. Aꞌan nacuan yalak bar saꞌ chixjunil li ruchichꞌochꞌ. Lix cꞌabaꞌ li Ka̱cuaꞌ, aꞌan lix Dioseb li qꞌuila okꞌob chi ángel.

Salmos 135:7

Li Ka̱cuaꞌ naxtakla li chok saꞌ chixjunil li ruchichꞌochꞌ ut naxtakla li ca̱k joꞌ ajcuiꞌ li ikꞌ.

Éxodo 10:19

Li Ka̱cuaꞌ Dios quixtakla cuiꞌchic jun li cacuil ikꞌ. Qui-el chak saꞌ li na-oc cuiꞌ li sakꞌe. Eb laj sa̱cꞌ quilajeꞌcꞌameꞌ xban li ikꞌ. Quilajeꞌcuteꞌ saꞌ jun li nimla palau Mar Rojo xcꞌabaꞌ. Ti̱c ma̱ jun chic laj sa̱cꞌ queꞌcana saꞌ li tenamit Egipto.

Números 11:31

Ut li Ka̱cuaꞌ quixtakla chak saꞌ li este jun li cacuil ikꞌ li quixcꞌam chak nabaleb laj to̱nkꞌ li queꞌchal chak saꞌ xjayal li palau. Yo̱queb chi rupupic chixjun sutam li naꞌajej li cuanqueb cuiꞌ lix muheba̱leb. Jun metro xteram li yo̱queb chi rupupic. Cuanqueb chi nachꞌ ut cuanqueb toj chi najt joꞌ xnajtil nequeꞌbe̱c chiru jun cutan.

Éxodo 15:10

Xatakla li cacuil ikꞌ ut quixjunaji rib li haꞌ saꞌ xbe̱neb. Joꞌ li chꞌi̱chꞌ li kꞌaxal a̱l, nak quilajeꞌsubeꞌ rubel haꞌ.

Éxodo 14:21

Tojoꞌnak laj Moisés quixqꞌue li rukꞌ saꞌ xbe̱n li palau. Li Ka̱cuaꞌ Dios quixtakla jun cacuil ikꞌ li nachal chak saꞌ releb li sakꞌe. Yo̱ li ikꞌ chixjunil li kꞌojyi̱n ut xban li ikꞌ li palau quixjach rib ut quixchakihobresi lix beheb laj Israel li teꞌnumekꞌ cuiꞌ saꞌ li palau.

Éxodo 10:13

Ut laj Moisés quixtaksi lix xukꞌ saꞌ xbe̱n li tenamit Egipto. Ut li Ka̱cuaꞌ Dios quixtakla chak jun cacuil ikꞌ. Li ikꞌ qui-el chak saꞌ li na-el cuiꞌ chak li sakꞌe. Chi cutan ut chi kꞌojyi̱n yo̱ li ikꞌ. Ut nak quisake̱u, ac cuanqueb chic laj sa̱cꞌ li quixcꞌam chak li ikꞌ.

Salmos 135:6

Li Ka̱cuaꞌ, aꞌan yal re saꞌ xbe̱n chixjunil. Li Ka̱cuaꞌ naxba̱nu li cꞌaꞌru naraj joꞌ saꞌ choxa, joꞌ saꞌ ruchichꞌochꞌ, joꞌ saꞌ li palau, joꞌ ajcuiꞌ saꞌ lix chamal.

Jeremías 51:16

Yal riqꞌuin ra̱tin li Ka̱cuaꞌ naxtakla chak li hab. Ut naxqꞌue li chok saꞌ chixjunil li ruchichꞌochꞌ. Yal riqꞌuin ra̱tin naxqꞌue li ca̱k chi ecꞌa̱nc nak yo̱ li hab. Ut narisi chak li ikꞌ saꞌ li naꞌajej li xocxo cuiꞌ xban.

Salmos 148:8

Cheꞌxqꞌuehak ta xlokꞌal li Ka̱cuaꞌ li ca̱k, li sakbach, li ratzꞌam que ut li xchuꞌque, joꞌ ajcuiꞌ li ca̱k-sut-ikꞌ li na-abin chiru.