Jonás 1:3 - Li Santil hu

³ Abanan laj Jonás incꞌaꞌ qui-abin chiru li Ka̱cuaꞌ. Quie̱lelic ban chiru. Co̱ saꞌ li tenamit Jope li cuan chire li palau. Aran quixtau jun li nimla jucub ac xic re Tarsis. Quixtoj re nak ta̱xic chi najt saꞌ li tenamit Tarsis ut qui-oc saꞌ li jucub. Saꞌ xchꞌo̱l aꞌan nak yo̱ chixmukbal rib chiru li Ka̱cuaꞌ.

Q'eqchi Bible

³ Ab'anan laj Jonás kixkawresi rib' re elelik chiru li Qaawa' ut koho Jope, ut aran kixtaw jun li jukub' xik xik re Tarsis. Kixtoj li xxikik ut ki'ok chisa' re wulak Tarsis, najt rik'in li Qaawa'.

Jonás 1:3 ပူးပေါင်းရင်းမြစ်များ

Josué 19:46

Mejarcón ut Racón, rochbeneb li tenamit li cuanqueb saꞌ xcaꞌyaba̱l li tenamit Jope.

Génesis 4:16

Qui-el laj Caín chiru li Ka̱cuaꞌ Dios. Ut co̱ chi cua̱nc saꞌ jun li naꞌajej Nod xcꞌabaꞌ li cuan saꞌ releb sakꞌe re li Edén.

Hechos 9:36

Ut quicuan aran Jope jun li ixk aj pa̱banel xTabita xcꞌabaꞌ. Chi jalbil ru naraj naxye Dorcas. Junelic yo̱ chixba̱nunquil usilal reheb li ras ri̱tzꞌin ut naxtenkꞌaheb li nebaꞌ.

Hechos 9:43

Laj Pedro najt quicuan aran Jope. Quihilan saꞌ rochoch jun li cui̱nk aj yi̱bom tzꞌu̱m, aj Simón xcꞌabaꞌ.

Jonás 4:2

Joꞌcan nak quitijoc chiru li Dios ut quixye re: —At Ka̱cuaꞌ, ¿ma ma̱cuaꞌ ta biꞌ aꞌin quincꞌoxla nak toj cuanquin chak saꞌ lin tenamit? Joꞌcan nak quine̱lelic raj cha̱cuu ut co̱in raj Tarsis. Ninnau nak la̱at jun Dios nim a̱cuyum. Nacat-uxta̱nan u ut nacattokꞌoban u. Elajic nacatjoskꞌoꞌ ut incꞌaꞌ nacaba̱nu li raylal li nacacꞌoxla xba̱nunquil.

Isaías 23:6

La̱ex aj Tiro, texxic aran Tarsis. Chexya̱bak la̱ex li cuanquex chire li palau.

Isaías 23:1

Aꞌan aꞌin resil li cꞌaꞌru teꞌxcꞌul li tenamit Tiro. Chexya̱bak la̱ex li cuanquex saꞌ eb li jucub re Tarsis xban nak quisacheꞌ ru li tenamit Tiro li texxic cuiꞌ. Quilajeꞌtꞌaneꞌ chixjunileb li ochoch. Toj Quitim qui-abi̱c resil.

1 Reyes 19:3

Laj Elías quixqꞌue retal li chꞌaꞌajquilal cuan cuiꞌ. Qui-oc xcꞌaꞌux ut qui-el saꞌ li naꞌajej aꞌan re xcolbal rib. Co̱ toj Beerseba li cuan xcue̱nt Judá ut aran quixcanab lix mo̱s.

2 Ts 1:9

Lix tojbal rixeb lix ma̱c li tixqꞌue, aꞌan li sachc chi junelic nak teꞌisi̱k chiru li Ka̱cuaꞌ Jesucristo ut chiru lix nimal xlokꞌal ut lix cuanquilal.

1 Corintios 9:16

La̱in incꞌaꞌ ninnimobresi cuib xban nak ninchꞌolob xya̱lal li colba-ib. Taklanbilin chi cꞌanjelac xban li Dios. Kꞌaxal ra raj chokꞌ cue cui ta incꞌaꞌ ninjultica resil.

Hechos 26:19

Joꞌcan ut nak incꞌaꞌ xinkꞌetkꞌeti cuib chiru li quixcꞌutbesi rib chicuu li quichal chak saꞌ choxa, at rey Agripa.

Ezequiel 27:12

Eb laj Tarsis queꞌyacoc e̱riqꞌuin xban nak cuan nabal cꞌaꞌru e̱re. Queꞌxjal li cꞌaꞌru e̱re riqꞌuin li plata, ut li cacuil chꞌi̱chꞌ hierro joꞌ ajcuiꞌ li kꞌunil chꞌi̱chꞌ ut li plomo.

Isaías 23:10

La̱ex aj Tarsis, texxic yalak bar joꞌ nak nanumeꞌ li nimaꞌ yalak bar xban nak incꞌaꞌ chic ta̱cua̱nk e̱cuanquil.

Li xHu LAJ JOB 1:12

Li Ka̱cuaꞌ quixye re laj tza: —Us. Ba̱nu chixjunil li cꞌaꞌru ta̱cuaj riqꞌuin li cꞌaꞌru cuan re. Abanan laj Job ma̱cꞌaꞌ ta̱ba̱nu re, chan. Ut chirix aꞌan qui-el laj tza riqꞌuin li Ka̱cuaꞌ.

2 Crónicas 2:16

Takayocꞌ li cheꞌ saꞌ li naꞌajej Líbano, li joꞌ qꞌuial ta̱cꞌanjelak cha̱cuu. Ut saꞌ xbe̱n poyteꞌ takatakla li cheꞌ li ta̱cuaj saꞌ li palau toj Jope. Ut la̱at ta̱sicꞌ chanru nak ta̱cꞌam li cheꞌ toj Jerusalén, chan laj Hiram lix reyeb laj Tiro.

Hechos 15:38

Abanan incꞌaꞌ quixcꞌul xchꞌo̱l laj Pablo xban nak junxil laj Juan Marcos quixjach rib riqꞌuineb aran Panfilia ut incꞌaꞌ chic co̱ chirixeb chixba̱nunquil li cꞌanjel.

San Lucas 9:62

Ut li Jesús quixye re: —Li ani naxtiquib cꞌanjelac chiru li Dios ut cui toj yo̱ chixcꞌoxlanquil li cꞌaꞌru re, li jun aꞌan incꞌaꞌ us chokꞌ aj cꞌanjel saꞌ lix nimajcual cuanquilal li Dios, chan li Jesús.

Ezequiel 3:14

Quinixcꞌam lix musikꞌ li Dios. Ut la̱in quinco̱in chi ra saꞌ inchꞌo̱l ut chi yo̱ injoskꞌil. Abanan li Ka̱cuaꞌ yo̱ chixqꞌuebal xcacuil inchꞌo̱l.

Isaías 60:9

Eb li ni̱nki jucub yo̱queb chi cha̱lc chiru li palau. Li jucub re Tarsis, aꞌan eb li yo̱queb chak chi cꞌamoc be. Yo̱queb chixcꞌambaleb chak chi najt le̱ ralal e̱cꞌajol. Yo̱queb chixcꞌambal chak li oro ut li plata re xqꞌuebal xlokꞌal li Ka̱cuaꞌ le̱ Dios Santo la̱ex aj Israel, li naqꞌuehoc le̱ lokꞌal.

Isaías 2:16

Ta̱risiheb xcuanquil li nequeꞌrecꞌa nak cauheb rib joꞌ eb li ni̱nki jucub re Tarsis ut ta̱risiheb ajcuiꞌ xcuanquil li nequeꞌrecꞌa nak kꞌaxal lokꞌeb joꞌ li cꞌaꞌak re ru terto xtzꞌak.

Li xHu LAJ JOB 2:7

Ut laj tza qui-el riqꞌuin li Ka̱cuaꞌ. Ut quixtakla jun li yajel yibru saꞌ xbe̱n laj Job ut quixoxoꞌ chixjunil li rix.

1 Reyes 19:9

Nak quicuulac laj Elías cuan cuiꞌ li tzu̱l Horeb, qui-oc saꞌ li ochoch pec saꞌ li tzu̱l aꞌan ut aran quixnumsi li kꞌojyi̱n. Ut nak ac cuan aran quia̱tinac li Dios riqꞌuin ut quixye re: —At Elías, ¿cꞌaꞌru yo̱cat arin? chan.

Génesis 3:8

Nak ac x-ecuu chic, queꞌrabi nak yo̱ chi be̱c li Ka̱cuaꞌ Dios saꞌ xnaꞌaj li acui̱mk. Li cui̱nk rochben li rixakil queꞌxmuk rib chiru li Ka̱cuaꞌ Dios saꞌ xya̱nkeb li cheꞌ.

Hechos 9:38

Li tenamit Jope nachꞌ cuan riqꞌuin li tenamit Lida bar cuan cuiꞌ laj Pedro. Eb laj pa̱banel queꞌrabi nak cuan aran. Queꞌxtakla cuib li cui̱nk chixbokbal. —Cha̱lkat chi junpa̱t kiqꞌuin, chanqueb re laj Pedro.

Hechos 9:42

Qui-el resil saꞌ chixjunil li tenamit Jope li cꞌaꞌru quicꞌulman. Xban aꞌan nabaleb queꞌpa̱ban re li Ka̱cuaꞌ.

Esdras 3:7

Queꞌtojeꞌ laj tzꞌac ut eb laj pechꞌ. Ut queꞌqꞌueheꞌ ajcuiꞌ xcua rucꞌa ut x-aceite eb laj Tiro ut eb laj Sidón re nak teꞌxcꞌam chak li cha̱bil cheꞌ chacalteꞌ li cuan Líbano. Teꞌxcꞌam chak Jope chiru li palau joꞌ quiyeheꞌ reheb xban laj Ciro lix reyeb laj Persia.

Salmos 107:23

Cuanqueb li nequeꞌcꞌanjelac riqꞌuin li ni̱nki jucub chiru li palau re xsicꞌbal lix tumineb.

Jeremías 10:9

Nequeꞌxcꞌam chak li plata toj Tarsis ut nequeꞌxcꞌam chak lix oro aran Ufaz. Ut eb li cui̱nk nequeꞌxletz chiru lix dioseb li queꞌxyi̱b. Ut nequeꞌxqꞌue rakꞌeb azul ut púrpura yi̱banbil xbaneb li nequeꞌxnau cꞌanjelac chi us.

Jonás 1:10

Ut laj Jonás quixye reheb nak yo̱ chi e̱lelic chiru li Ka̱cuaꞌ. Ut cꞌajoꞌ nak queꞌxucuac li cui̱nk ut queꞌxye re: —¿Cꞌaꞌut nak xaba̱nu chi joꞌcan? chanqueb.

2 Crónicas 2:15

Joꞌcan nak ka̱cuaꞌ Salomón, ta̱takla chak li trigo, li cebada, li aceite ut li vino li xayechiꞌi.

2 Crónicas 9:21

Rajlal oxib chihab lix jucub laj Salomón nequeꞌchal chak Tarsis rochbeneb li cui̱nk li nequeꞌcꞌanjelac chiru li rey Hiram ut nequeꞌxcꞌam chak li oro, li plata, ut li marfil. Ut nequeꞌxcꞌam ajcuiꞌ chak li batzꞌ ut li pavo real.

Ezequiel 2:8

Abanan la̱at, at ralal cui̱nk, abi li cꞌaꞌru yo̱quin chixyebal a̱cue. Ma̱kꞌetkꞌeti a̱cuib joꞌ yo̱queb li tenamit aꞌan. Te la̱ cue ut tzaca li cꞌaꞌru tinqꞌue a̱cue, chan.