Jonás 1:2 - Li Santil hu

² —Ayu aran saꞌ li nimla tenamit Nínive. Ta̱kꞌuseb ut ye reheb nak yo̱quin chixqꞌuebal retal li ma̱usilal li yo̱queb chixba̱nunquil, chan li Ka̱cuaꞌ.

Q'eqchi Bible

² “Kawresi aawib' ut ayu Nínive, li xnimal ru tenamit, ut ye reheb' naq chalk re li tojb'amaak sa' xb'eeneb', xb'aan naq toj wik'in xwulak resil li xmaa'usilaleb'”.

Jonás 1:2 ပူးပေါင်းရင်းမြစ်များ

Génesis 10:11

Nak qui-el saꞌ li naꞌajej aꞌan, laj Nimrod co̱ saꞌ jun nimla naꞌajej Asiria xcꞌabaꞌ. Ut aran quixyi̱b eb li tenamit Nínive, Rehobot, ut Cala.

Nahum 1:1

Aꞌan aꞌin li hu quixtzꞌi̱ba li profeta Nahum chirix li cꞌaꞌru teꞌxcꞌul saꞌ li tenamit Nínive, joꞌ quicꞌutbesi̱c chiru xban li Dios. Laj Nahum, aꞌan Elcos xtenamit.

Jonás 4:11

Cui ra xacuecꞌa nak xchakic li jun to̱n chi cꞌum, ¿ma tojaꞌ ta chic la̱in incꞌaꞌ tincuil xtokꞌoba̱l ruheb li tenamit Nínive? Saꞌ li tenamit aꞌan cuan numenak cuakcꞌa̱l mil (120,000) chi cristian ut eb aꞌan incꞌaꞌ nequeꞌxnau xqꞌuebal retal bar cuan li us ut bar cuan li incꞌaꞌ us. Ut cuanqueb ajcuiꞌ nabal li xul. ¿Ma incꞌaꞌ ta biꞌ us xtokꞌobanquil ru li tenamit aꞌan? chan li Dios.

Jonás 3:2

—Ayu aran saꞌ li nimla tenamit Nínive ut toxa̱jultica chiruheb li tinye a̱cue.

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

Apocalipsis 18:5

Xnumta lix ma̱queb. Chanchan xcuulac toj saꞌ choxa lix qꞌuial. Li Dios yo̱ chak chixqꞌuebal retal lix ma̱usilaleb.

2 Reyes 19:36

Ut laj Senaquerib lix reyeb laj Asiria, quirisi lix muheba̱leb. Quisukꞌi Nínive saꞌ xnaꞌaj ut aran quicana.

Miqueas 3:8

Abanan la̱in cuan lix musikꞌ li Ka̱cuaꞌ cuiqꞌuin. Ut aꞌan naqꞌuehoc incuanquil. Aꞌan nacꞌutuc chicuu cꞌaꞌru li ti̱quilal ut aꞌan li naqꞌuehoc xcacuil inchꞌo̱l re nak tinye reheb laj Israel li ralal xcꞌajol laj Jacob nak yo̱queb chixtzꞌekta̱nanquil li Dios. Ut naxqꞌue ajcuiꞌ xcacuil inchꞌo̱l re nak tinye reheb nak cuan xma̱queb.

Ezequiel 2:7

Ta̱ye li cua̱tin reheb, usta teꞌrabi usta incꞌaꞌ, xban nak li tenamit aꞌan aj kꞌetoleb a̱tin.

Esdras 9:6

Ut quinye: —At Ka̱cuaꞌ, at inDios, sachso innaꞌleb ut ninxuta̱nac chixtaksinquil li cuiloba̱l cha̱cuu xban nak kꞌaxal numtajenak li kama̱usilal. At Ka̱cuaꞌ, xban nak kꞌaxal nabal li kama̱c chanchan nak ac xcuulac toj saꞌ choxa.

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

San Mateo 10:18

Ut texcꞌamekꞌ chiruheb li acuabej ut chiruheb li rey saꞌ incꞌabaꞌ la̱in. Ut te̱chꞌolob lix ya̱lal chiruheb aꞌan, joꞌ ajcuiꞌ chiruheb li ma̱cuaꞌeb aj judío.

San Mateo 12:41

Laj Jonás quixchꞌolob xya̱lal chiruheb laj Nínive ut queꞌyotꞌeꞌ xchꞌo̱l queꞌxjal xcꞌaꞌux. Ut la̱in kꞌaxal nim incuanquil chiru laj Jonás ut cuanquin arin saꞌ e̱ya̱nk, abanan la̱ex incꞌaꞌ niquine̱pa̱b. Joꞌcan nak eb laj Nínive teꞌcuacli̱k chak saꞌ xkꞌehil li rakba a̱tin e̱rochben ut texjiteb xban nak incꞌaꞌ nequexpa̱ban.

Isaías 37:37

Ut laj Senaquerib lix reyeb laj Asiria quisukꞌi saꞌ lix tenamit Nínive ut aran quicana.

Jeremías 20:9

Abanan nak ninye nak incꞌaꞌ chic tatincꞌoxla, at inDios, ut incꞌaꞌ chic tina̱tinak saꞌ a̱cꞌabaꞌ, junelic cuan saꞌ cua̱m la̱ cua̱tin. Chanchan jun li xam nacꞌatoc chak toj saꞌ inbakel. Nacuaj raj incꞌaꞌ tinye, abanan incꞌaꞌ nincuy.

Oseas 7:2

Incꞌaꞌ nequeꞌxcꞌoxla nak la̱in yo̱quin chixqꞌuebal retal lix ma̱usilaleb. La̱in nacuil nak li ma̱c yo̱ chi numta̱c saꞌ xbe̱neb.

Jonás 3:3

Ut laj Jonás co̱ saꞌ li tenamit Nínive joꞌ quiyeheꞌ re xban li Dios. Li tenamit Nínive kꞌaxal nim. Oxib cutan naraj xbeninquil xsaꞌ li tenamit aꞌan.

2 Crónicas 28:9

Saꞌ li tenamit Samaria cuan jun lix profeta li Dios, aj Obed xcꞌabaꞌ. Qui-el chixcꞌulbaleb li soldado aj Israel nak oqueb re saꞌ li tenamit. Li profeta quixye reheb: —Li Ka̱cuaꞌ lix Dioseb le̱ xeꞌto̱nil yucuaꞌ quijoskꞌoꞌ riqꞌuineb laj Judá. Joꞌcan nak quixkꞌaxtesiheb saꞌ e̱rukꞌ la̱ex. Abanan li Ka̱cuaꞌ toj saꞌ choxa quixqꞌue chak retal nak xecamsiheb chi yo̱ e̱joskꞌil.

Nahum 3:19

La̱ex aj Nínive, xex-osoꞌ. Ma̱cꞌaꞌ chic xbanol li raylal li yo̱quex chixcꞌulbal. Chixjunileb li teꞌabi̱nk resil li te̱cꞌul, teꞌxpokꞌpokꞌi li rukꞌeb xban xsahil xchꞌo̱leb. Teꞌsahokꞌ saꞌ xchꞌo̱leb nak tex-osokꞌ xban nak kꞌaxal cuiꞌchic nabal li raylal xeba̱nu reheb.