Jonás 1:16 - Li Santil hu

¹⁶ Nak queꞌril li cꞌaꞌru quixba̱nu li Dios, queꞌxxucua ru ut queꞌmayejac chiru ut queꞌxyechiꞌi ajcuiꞌ re nak teꞌcꞌanjelak chiru.

Q'eqchi Bible

¹⁶ Ut eb' li winq a'an naq ke'ril li xk'ulmank, ke'xpaab' li Qaawa' chi anchaleb' xch'ool, ke'mayejak chiru ut wank k'a'aq chik ru ke'xyeechi'i re.

Jonás 1:16 ပူးပေါင်းရင်းမြစ်များ

Salmos 107:22

Cheꞌxqꞌuehak taxak lix mayejeb re xbantioxinquil chiru li Ka̱cuaꞌ. Cheꞌbicha̱nk taxak xban xsahil xchꞌo̱leb ut teꞌxye taxak resil li usilal li quilajxba̱nu li Ka̱cuaꞌ reheb.

Salmos 50:14

Li mayej li nacuaj la̱in, aꞌan nak tine̱lokꞌoni, la̱in li Ka̱cuaꞌ Dios. Ut te̱ba̱nu chi tzꞌakal li cꞌaꞌru xeyechiꞌi cue la̱in, li nimajcual Dios.

Génesis 8:20

Laj Noé quixyi̱b jun artal riqꞌuin tusbil pec re xlokꞌoninquil li Ka̱cuaꞌ Dios. Ut quixchapeb li xul, li nequeꞌbe̱c joꞌ ajcuiꞌ li nequeꞌrupupic, saꞌ xya̱nkeb li xul li natiꞌeꞌ xtibeleb. Ut quixcꞌateb saꞌ xbe̱n li artal chokꞌ xmayej chiru li Ka̱cuaꞌ Dios.

Hechos 5:11

Cꞌajoꞌ nak qui-oc xxiuheb chixjunileb laj pa̱banel joꞌqueb ajcuiꞌ chixjunileb li queꞌabin re li resil aꞌin.

San Marcos 4:31

Lix nimajcual cuanquilal li Dios, aꞌan chanchan riyajil li ni̱nki mostaza. Li riyajil li mostaza cocꞌ chiru chixjunil li iyaj cuan saꞌ ruchichꞌochꞌ.

Jonás 1:10

Ut laj Jonás quixye reheb nak yo̱ chi e̱lelic chiru li Ka̱cuaꞌ. Ut cꞌajoꞌ nak queꞌxucuac li cui̱nk ut queꞌxye re: —¿Cꞌaꞌut nak xaba̱nu chi joꞌcan? chanqueb.

Daniel 6:26

La̱in yo̱quin chixqꞌuebal e̱re li chakꞌrab aꞌin yalak bar saꞌ eb li naꞌajej li nintaklan cuiꞌ. Chixjunileb teꞌxxucua ru ut teꞌxlokꞌoni li Ka̱cuaꞌ Dios li naxlokꞌoni laj Daniel, xban nak aꞌan li yoꞌyo̱quil Dios li cuan chi junelic kꞌe cutan. Aꞌan li nataklan chi junelic ut lix cuanquilal incꞌaꞌ ta̱osokꞌ. Ta̱cua̱nk ban chi junelic.

Isaías 26:9

Chiru li kꞌojyi̱n cꞌajoꞌ nak nacuaj rilbal a̱cuu. Chi anchal inchꞌo̱l tatinsicꞌ toj ekꞌela joꞌ najtil ta̱cua̱nk inyuꞌam. Nak tatrakok a̱tin, li cuanqueb saꞌ ruchichꞌochꞌ teꞌxqꞌue retal cꞌaꞌru li ti̱quilal.

Eclesiastés 5:4

Cui cꞌaꞌru te̱raj xyechiꞌinquil re li Dios, cheba̱nuhak chi junpa̱t xban nak li Dios incꞌaꞌ nacuulac chiru nak incꞌaꞌ nequeba̱nu li cꞌaꞌru nequeyechiꞌi re.

Salmos 116:14

La̱in tinqꞌue re li Ka̱cuaꞌ li cꞌaꞌru xinyechiꞌi re. Tinba̱nu chiruheb lix tenamit li Ka̱cuaꞌ nak chꞌutchꞌu̱keb.

2 Reyes 5:17

Ut laj Naamán quixye re: —Nintzꞌa̱ma junak usilal cha̱cuu. Si chokꞌ cue cuib i̱k li chꞌochꞌ aꞌin re teꞌxcꞌam lin bu̱r saꞌ lin tenamit xban nak chalen anakcuan incꞌaꞌ chic tinmayejak chiru jalanil dios chi moco tincꞌat inmayej chiru. Caꞌaj cuiꞌ chiru li Ka̱cuaꞌ li tzꞌakal Dios tinmayejak.

Jueces 13:16

Abanan li ángel quixye re: —Usta tincana̱k e̱riqꞌuin junpa̱tak, incꞌaꞌ tintzaca li cꞌaꞌru nacayi̱b. Abanan cui nacacuaj xba̱nunquil, ta̱mayeja li xul aꞌan chiru li Ka̱cuaꞌ, chan. Laj Manoa incꞌaꞌ quixnau nak li cui̱nk aꞌan x-ángel li Ka̱cuaꞌ.

Génesis 28:20

Ut laj Jacob quixye: —Cui li Ka̱cuaꞌ Dios ta̱beresi̱nk cue ut ta̱ilok cue, ut cui aꞌan tixqꞌue cue lin tzacae̱mk joꞌ ajcuiꞌ li cuakꞌ, la̱in tinlokꞌoni aꞌan.

Jonás 1:14

Tojoꞌnak queꞌtijoc ut queꞌxtzꞌa̱ma xtenkꞌanquil chiru li Ka̱cuaꞌ Dios ut queꞌxye: —At nimajcual Dios, moa̱qꞌue taxak chi ca̱mc xma̱c a cui̱nk aꞌin. Ut ma̱qꞌue taxak saꞌ kabe̱n lix camic xban nak la̱at, at Dios, xaba̱nu li cꞌaꞌru xacuaj, chanqueb.

Li xHu LAJ JOB 37:24

Joꞌcan nak eb li cristian, tento nak teꞌxxucua ru. Chiru aꞌan ma̱cꞌaꞌ nequeꞌoc cuiꞌ li cuanqueb xnaꞌleb, chan laj Eliú.

Jeremías 5:22

¿Ma incꞌaꞌ te̱xucua cuu? Ut, ¿ma incꞌaꞌ sicsotkex xban e̱xiu chicuu? La̱in xinqꞌuehoc re li samaib re xrambal li palau chi junelic. Usta nasaqꞌueꞌ xban li rok haꞌ, abanan li haꞌ incꞌaꞌ ta̱numekꞌ jun pacꞌal li samaib li quinqꞌue saꞌ xnaꞌaj.