Jonás 1:12 - Li Santil hu

¹² Laj Jonás quixye reheb: —Cutumakin saꞌ li palau ut li palau ta̱chꞌana̱k ru. Ninnau nak inma̱c la̱in nak yo̱quex chixcꞌulbal li raylal aꞌin. Inma̱c la̱in nak xchal li ca̱k-sut-ikꞌ aꞌin, chan.

Q'eqchi Bible

¹² “Kutumaqin sa' li palaw ut taach'anaaq ru li ha'. Ch'olch'o chiwu naq laa'in wank inmaak naq xchalk li rahilal a'in sa' eeb'een”, chan laj Jonás naq kichaq'ok.

Jonás 1:12 ပူးပေါင်းရင်းမြစ်များ

2 Samuel 24:17

Laj David quiril li ángel li yo̱ chi camsi̱nc reheb li cristian ut quixye re li Dios: —At Ka̱cuaꞌ, la̱in xinba̱nun re li ma̱usilal aꞌin. La̱in cuan inma̱c. Eb li cristian aꞌin ma̱cꞌaꞌeb xma̱c. Chanchaneb li carner. Nintzꞌa̱ma cha̱cuu nak ta̱qꞌue li raylal saꞌ inbe̱n la̱in ut saꞌ xbe̱neb li cualal incꞌajol, chan.

1 Crónicas 21:17

Ut laj David quixye: —At Ka̱cuaꞌ, la̱in xintaklan rajlanquileb li tenamit. La̱in xinba̱nun re li ma̱usilal aꞌin. La̱in cuan inma̱c. Eb li tenamit aꞌin, li chanchaneb carner, ma̱cꞌaꞌeb xma̱c. Nintzꞌa̱ma cha̱cuu nak ta̱qꞌue li raylal aꞌin saꞌ inbe̱n la̱in ut saꞌ xbe̱neb li cualal incꞌajol. Ma̱qꞌue saꞌ xbe̱neb la̱ tenamit, chan.

Josué 7:12

Joꞌcan nak eb laj Israel incꞌaꞌ teꞌxcuy pletic riqꞌuineb li xicꞌ nequeꞌiloc reheb. Teꞌe̱lelik ban chiruheb xban nak xeꞌxbok raylal saꞌ xbe̱neb xban nak xeꞌxxoc li ac kꞌaxtesinbil re sachecꞌ. La̱in incꞌaꞌ chic tincua̱nk e̱riqꞌuin cui incꞌaꞌ te̱sach ru li cꞌaꞌru xeꞌxxoc.

Hechos 27:24

Li ángel xye cue, “Matxucuac, at Pablo, xban nak tento nak tatcuulak riqꞌuin li acuabej César. Xban xnimal rusilal li Ka̱cuaꞌ, ma̱ jun reheb li cuanqueb a̱cuochben teꞌca̱mk,” chan cue.

San Juan 11:50

¿Ma incꞌaꞌ nequecꞌoxla nak kꞌaxal us raj nak ta̱ca̱mk jun chi cui̱nk saꞌ xcꞌabaꞌeb li tenamit chiru nak ta̱sachekꞌ ku chikajunilo la̱o aj judío xbaneb laj Roma? chan.

Eclesiastés 9:18

Kꞌaxal us nak cua̱nk kanaꞌleb chiru nak cua̱nk kacꞌanjeleba̱l re pletic. Li ani incꞌaꞌ us xnaꞌleb naxpoꞌ ru li us.

Jonás 1:11

Ut nak kꞌaxal cuiꞌchic yo̱ chi cacuu̱c lix cau ok li haꞌ, queꞌxye re: —¿Cꞌaꞌru takaba̱nu a̱cuiqꞌuin re nak ta̱chꞌana̱k ru li palau? chanqueb.

Jonás 1:13

Abanan eb li cui̱nk li yo̱queb chi cꞌamoc re li jucub incꞌaꞌ queꞌxba̱nu li quixye laj Jonás. Queꞌxyal ban xkꞌe xcꞌambal li jucub chire li palau chi chꞌochꞌel. Abanan incꞌaꞌ queꞌru xban nak kꞌaxal cuiꞌchic cau li ca̱k-sut-ikꞌ ut yo̱ chixcutbal rib lix cau ok li haꞌ saꞌ xbe̱neb.

Li xHu LAJ JOB 35:8

Cui la̱at cha̱bilat, aꞌaneb ajcuiꞌ la̱ cuas a̱cui̱tzꞌin li teꞌcꞌuluk re li usilal. Ut cui la̱at tatma̱cobk, aꞌan eb ajcuiꞌ la̱ cuas a̱cui̱tzꞌin li teꞌcꞌuluk re li raylal.