Joel 3:9 - Li Santil hu

⁹ Yehomak resil chi joꞌcaꞌin reheb chixjunileb li tenamit: Cauresihomak e̱rib chi pletic. Te̱bokeb li cauheb rib. Cheꞌcha̱lk chixjunileb li cui̱nk chi pletic.

Q'eqchi Bible

⁹ Yehomaq resil a'in sa' chixjunileb' li tenamit: Kawresihomaq eerib' chi yalok sa' xk'ab'a' li Qaawa', ch'utub'omaqeb' li jwal kaweb' rib'; chalqeb' chixjunileb' li yo'oon wankeb' chi yalok.

Joel 3:9 ပူးပေါင်းရင်းမြစ်များ

Ezequiel 38:7

Joꞌcan ut, at Gog, cauresi a̱cuib ut cauresiheb la̱ soldado li joꞌ qꞌuial teꞌoque̱nk cha̱cuix. Ut la̱at tattakla̱nk saꞌ xbe̱neb.

Jeremías 31:10

Ex tenamit, abihomak ra̱tin li Dios ut yehomak resil reheb li tenamit li cuanqueb chire li palau. Li jun li quijeqꞌuin reheb laj Israel tixchꞌutub cuiꞌchic ruheb ut aꞌan ta̱ilok reheb joꞌ nak laj ilol xul naril lix carner.

Miqueas 3:5

Joꞌcaꞌin quixye li Ka̱cuaꞌ chirixeb li profeta li nequeꞌqꞌuehoc reheb lin tenamit chi ma̱cobc: —Tuktu̱quil usilal nequeꞌxtzꞌa̱ma saꞌ xbe̱neb li nequeꞌqꞌuehoc xcuaheb. Ut raylal nequeꞌxtzꞌa̱ma saꞌ xbe̱neb li ani incꞌaꞌ nequeꞌqꞌuehoc xcuaheb.

Jeremías 50:2

Quixye re: —Yehomak resil nak eb laj Babilonia teꞌchapekꞌ. Taksihomak li bandera ut yehomak resilal saꞌ chixjunileb li xni̱nkal ru tenamit. Ma̱cꞌaꞌ te̱muk chiruheb. Te̱ye: “Li naꞌajej Babilonia ta̱chapekꞌ. Li yi̱banbil dios Bel ta̱cꞌutekꞌ xxuta̱n ut li yi̱banbil dios Merodac ta̱jorekꞌ. Chixjunileb li jalam u̱ch li cuanqueb Babilonia telajeꞌsachekꞌ.

Isaías 34:1

Quimkex la̱ex li cuanquex saꞌ eb li xni̱nkal ru tenamit, ut chꞌutubomak e̱rib chirabinquil li oc cue chixyebal. Ex tenamit checanabak e̱rib chixqꞌuebal retal li tinye e̱re. Cherabihak che̱junilex la̱ex li cuanquex saꞌ ruchichꞌochꞌ ut cheqꞌuehak retal.

Salmos 96:10

Yehomak resil saꞌ chixjunileb li tenamit nak li nimajcual Dios, aꞌan li tzꞌakal Rey. Aꞌan li quiqꞌuehoc re li ruchichꞌochꞌ saꞌ xnaꞌaj ut incꞌaꞌ ta̱ecꞌa̱nk saꞌ xnaꞌaj. Aꞌan li ta̱rakok a̱tin saꞌ xbe̱neb li tenamit saꞌ ti̱quilal.

Jeremías 6:4

Teꞌxye chi ribileb rib, “Cauresihomak e̱rib chi pletic riqꞌuineb laj Jerusalén. Se̱bahomak e̱rib xban nak cuaꞌleb raj xo-oc chi pletic saꞌ li tenamit. Abanan anakcuan ac yo̱ chi ecuu̱c. Oc re kꞌojyi̱n.

Jeremías 51:11

Li Ka̱cuaꞌ xqꞌue saꞌ xchꞌo̱leb lix reyeb laj Media nak teꞌxsach ruheb laj Babilonia. Li Ka̱cuaꞌ tixqꞌue re̱kaj li queꞌxba̱nu re lix templo li Ka̱cuaꞌ. La̱ex aj Media, cauresihomak le̱ tzimaj ut cauresihomak le̱ chꞌi̱chꞌ li nequecol cuiꞌ re le̱ chꞌo̱l.

Jeremías 51:27

Taksihomak le̱ bandera ut ya̱basihomak le̱ trompeta re xyebal reheb lix ni̱nkal ru tenamit nak teꞌxcauresi ribeb chi xic chi pletic riqꞌuineb laj Babilonia. Yehomak resil nak teꞌxtiquib pletic eb li tenamit Ararat, Mini ut Askenaz. Xakabomak li ani ta̱takla̱nk saꞌ xbe̱neb li soldado. Ut cꞌamomakeb nabal li cacua̱y. Chanchanakeb li jun tu̱b laj sa̱cꞌ li yo̱queb xjoskꞌil.

Ezequiel 38:17

Joꞌcaꞌin xye li nimajcual Dios re laj Gog: ¿Ma ma̱cuaꞌ ta biꞌ la̱at quina̱tinac chak cha̱cuix junxilaj nak quina̱tinac riqꞌuineb li profeta aj Israel li queꞌcꞌanjelac chicuu? Chiru nabal chihab eb aꞌan queꞌxye resil nak la̱in tatintakla chi pletic riqꞌuineb laj Israel.

Hageo 2:7

Sicsotkeb xban xxiuheb chixjunileb li xni̱nkal ru tenamit ut teꞌxcꞌam chak arin saꞌ lin templo lix biomaleb ut ta̱nujak lin templo riqꞌuin lin lokꞌal, chan li Ka̱cuaꞌ Dios li kꞌaxal nim xcuanquil.

Zacarías 14:2

Li Ka̱cuaꞌ tixchꞌutubeb ru chixjunileb li xni̱nkal ru tenamit ut teꞌxic chi pletic e̱riqꞌuin la̱ex li cuanquex Jerusalén. Teꞌnumta̱k saꞌ e̱be̱n ut ta̱cꞌamekꞌ li cꞌaꞌru cuan e̱re. Eb li ixk telajeꞌchapekꞌ xbaneb li cui̱nk li teꞌcha̱lk chi pletic. Yijach le̱ tenamit teꞌcꞌamekꞌ saꞌ jalan naꞌajej. Ut li joꞌ qꞌuial chic teꞌcana̱k incꞌaꞌ teꞌisi̱k saꞌ le̱ tenamit.

Zacarías 14:3

Nak acak xeꞌxcꞌul aꞌan li Ka̱cuaꞌ chic ta̱xic chi pletic riqꞌuineb li xni̱nkal ru tenamit joꞌ quixba̱nu nak queꞌpletic chak junxil.