Joel 3:5 - Li Santil hu

⁵ La̱ex querelkꞌa lin plata ut querelkꞌa lin oro. Li cꞌaꞌru kꞌaxal lokꞌ chicuu, la̱ex quecꞌam ut queqꞌue saꞌ xnaꞌajeb le̱ dios.

Q'eqchi Bible

⁵ Laa'ex xerelq'a linplaat ut lin'oor, ut xek'am linchaq'alil ru eechej sa'eb' leetijob'aal;

Joel 3:5 ပူးပေါင်းရင်းမြစ်များ

2 Reyes 24:13

Quicꞌulman joꞌ quixye li Ka̱cuaꞌ. Li rey Nabucodonosor quirisi saꞌ lix templo li Ka̱cuaꞌ chixjunil li terto xtzꞌak ut quixcꞌam chokꞌ re. Ut quixcꞌam ajcuiꞌ li terto xtzꞌak li cuan saꞌ li rochoch li rey. Ut quixcꞌam ajcuiꞌ chixjunil li nacꞌanjelac saꞌ lix templo li Ka̱cuaꞌ li quixyi̱b riqꞌuin oro laj Salomón lix reyeb laj Israel.

2 Reyes 16:8

Ut li rey Acaz quixchap li oro ut li plata li cuan saꞌ li templo, joꞌ ajcuiꞌ li terto xtzꞌak li cuan saꞌ rochoch li rey ut quixsi re lix reyeb laj Asiria.

2 Reyes 12:18

Ut laj Joás lix reyeb laj Judá, quixchꞌutub chixjunil li mayej li ac kꞌaxtesinbil chi cꞌanjelac saꞌ li templo xbaneb laj Josafat, laj Joram, ut laj Ocozías lix xeꞌto̱nil yucuaꞌ, li queꞌcuan chok xreyeb laj Judá junxil. Ut laj Joás quixcꞌam li oro li cꞌu̱lanbil saꞌ li templo ut saꞌ li palacio. Quixcꞌam ajcuiꞌ li quixxoc aꞌan. Ut quixqꞌue chixjunil re laj Hazael. Joꞌcan nak laj Hazael incꞌaꞌ chic quipletic riqꞌuineb laj Jerusalén.

Daniel 11:38

Aꞌan tixlokꞌoni jun li jalanil dios li ma̱ jun cua queꞌxlokꞌoni lix xeꞌto̱nil yucuaꞌ xban nak aꞌan tixcꞌoxla nak li dios aꞌan ta̱qꞌuehok xmetzꞌe̱uheb saꞌ li ple̱t. Tixmayeja chiru li dios aꞌan li oro, li plata, li terto̱quil pec ut li cꞌaꞌak chic re ru terto xtzꞌak.

Jeremías 51:11

Li Ka̱cuaꞌ xqꞌue saꞌ xchꞌo̱leb lix reyeb laj Media nak teꞌxsach ruheb laj Babilonia. Li Ka̱cuaꞌ tixqꞌue re̱kaj li queꞌxba̱nu re lix templo li Ka̱cuaꞌ. La̱ex aj Media, cauresihomak le̱ tzimaj ut cauresihomak le̱ chꞌi̱chꞌ li nequecol cuiꞌ re le̱ chꞌo̱l.

Jeremías 50:28

Cuanqueb li queꞌe̱lelic Babilonia ut queꞌco̱eb Jerusalén ut yo̱queb chixserakꞌinquil chanru nak li Ka̱cuaꞌ li kaDios quixqꞌue re̱kaj li incꞌaꞌ us li queꞌxba̱nu eb laj Babilonia re lix templo li Ka̱cuaꞌ.

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Jeremías 23:7

Li Ka̱cuaꞌ quixye: —Ta̱cuulak xkꞌehil nak eb laj Israel teꞌxba̱nu li juramento saꞌ incꞌabaꞌ la̱in li yoꞌyo̱quil Dios, abanan incꞌaꞌ chic teꞌxpatzꞌ li naꞌajej Egipto, li queꞌisi̱c cuiꞌ.

Ezequiel 37:12

Joꞌcan ut nak ta̱ye reheb: Joꞌcaꞌin xye li Ka̱cuaꞌ li nimajcual Dios. Ex intenamit, la̱in tinte li naꞌajej li mukmu̱quex cuiꞌ ut texcuisi aran. Texincꞌam cuiꞌchic toj saꞌ le̱ naꞌaj Israel.

Abdías 1:17

Abanan eb li cuanqueb saꞌ li tzu̱l Sión teꞌcolekꞌ. Ut teꞌsantobresi̱k. Ut eb li ralal xcꞌajol laj Jacob teꞌre̱chani cuiꞌchic lix naꞌajeb.