Joel 3:4 - Li Santil hu

⁴ La̱ex laj Tiro ut la̱ex laj Sidón ut che̱junilex la̱ex laj filisteo, ¿cꞌaꞌru te̱raj cuiqꞌuin? ¿Ma cuan ta biꞌ cꞌaꞌru xinba̱nu e̱re la̱in ut te̱raj te̱qꞌue re̱kaj cue? Chi se̱b tinsukꞌisi cuiꞌchic saꞌ e̱be̱n la̱ex li nequecꞌoxla xba̱nunquil. E̱cꞌulub nak tinba̱nu e̱re chi joꞌcan.

Q'eqchi Bible

⁴ “K'aru teeraj wik'in laa'ex aj Tiro ut aj Sidón ut chejunilex li wankex sa' xteepal Filistea? Ma teeraj eeqajunk sa' inb'een? Wi wank k'aru nekeraj xpatz'b'al reeqaj we, chi seeb' tink'e leeq'ajkamunkil jo' chanru eek'ulub'!

Joel 3:4 ပူးပေါင်းရင်းမြစ်များ

Jeremías 47:4

Xcuulac xkꞌehil nak ta̱sachekꞌ ruheb laj filisteo. Teꞌsachekꞌ ruheb li teꞌraj xtenkꞌanquileb laj Tiro ut laj Sidón. Li Ka̱cuaꞌ oc re chixsachbal ruheb laj filisteo, li joꞌ qꞌuial incꞌaꞌ queꞌsacheꞌ ru aran Caftor chire li palau.

Isaías 59:18

Tixqꞌue re̱kaj reheb li queꞌxba̱nu li ma̱usilal aꞌ yal chanru lix yehom xba̱nuhomeb. Tixqꞌueheb chixtojbal xma̱queb li xicꞌ nequeꞌiloc re usta kꞌaxal najt cuanqueb saꞌ jalan tenamit.

Isaías 34:8

xban nak aꞌan li cutan nak li Ka̱cuaꞌ tixqꞌue re̱kaj reheb laj Edom li raylal queꞌxba̱nu reheb laj Israel. Aꞌan li chihab nak teꞌxcꞌul re̱kaj li ma̱usilal queꞌxba̱nu.

2 Ts 1:6

Kꞌaxal ti̱c xchꞌo̱l li Dios. Joꞌcan nak tixqꞌue raylal saꞌ xbe̱neb li nequeꞌrahobtesin e̱re.

Hechos 9:4

Quitꞌaneꞌ saꞌ chꞌochꞌ laj Saulo ut quirabi jun xya̱b cux yo̱ chixyebal re: —At Saulo, at Saulo, ¿Cꞌaꞌut nak yo̱cat chixba̱nunquil raylal cue?—

San Lucas 18:7

¿Ma tojaꞌ ta chic li Dios incꞌaꞌ tixcoleb li sicꞌbileb ru xban? ¿Ma ta̱ba̱yk ta biꞌ chixsumenquil li cꞌaꞌru teꞌxtzꞌa̱ma li nequeꞌya̱ban re lix cꞌabaꞌ chi kꞌek chi cutan?

San Mateo 11:21

—Raylal cha̱lel saꞌ e̱be̱n, ex aj Corazín. Raylal cha̱lel saꞌ e̱be̱n ex aj Betsaida. Cui ta qui-uxman aran Tiro li milagro aꞌin li xinba̱nu che̱ru ut cui ta qui-uxman aran Sidón, ac najter raj queꞌxqꞌue li cha saꞌ xjolomeb ut ac queꞌxqꞌue raj li kꞌes ru tꞌicr chirixeb chokꞌ retalil nak raheb saꞌ xchꞌo̱l ut queꞌyotꞌeꞌ raj xchꞌo̱leb ut queꞌxjal raj xcꞌaꞌuxeb.

Jeremías 51:6

Elenkex Babilonia. Colomak e̱rib. Me̱qꞌue e̱rib chi sachecꞌ xban lix ma̱queb laj Babilonia. Xcuulac xkꞌehil nak li Ka̱cuaꞌ tixqꞌue re̱kaj reheb joꞌ xcꞌulubeb xcꞌulbal.

2 Crónicas 21:16

Chirix aꞌan li Ka̱cuaꞌ quixqꞌue saꞌ xchꞌo̱leb laj filisteo nak teꞌjoskꞌokꞌ saꞌ xbe̱n laj Joram. Joꞌcan ajcuiꞌ eb laj árabes li cuanqueb nachꞌ riqꞌuineb laj Etiopía. Ut xicꞌ chic queꞌril laj Joram.

Jueces 11:12

Chirix aꞌan laj Jefté quixtaklaheb lix takl riqꞌuin lix reyeb laj Amón chixyebal re: —¿Cꞌaꞌut nak xicꞌ nocoe̱ril? ¿Cꞌaꞌut nak te̱raj cha̱lc chi pletic kiqꞌuin? chan laj Jefté.

Deuteronomio 32:35

Cuulac re xkꞌehil nak li Ka̱cuaꞌ tixqꞌue re̱kaj reheb li incꞌaꞌ us queꞌxba̱nu ut telajeꞌtꞌanekꞌ. Cuulac re xkꞌehil nak teꞌsachekꞌ ruheb ut teꞌosokꞌ.

San Mateo 11:22

Joꞌcan ut nak tinye e̱re nak saꞌ xkꞌehil li rakba a̱tin, kꞌaxal cuiꞌchic li raylal li te̱cꞌul la̱ex chiru li raylal li teꞌxcꞌul eb laj Tiro ut eb laj Sidón.

San Lucas 10:13

Li Jesús quixye: —Raylal cha̱lel saꞌ e̱be̱n la̱ex li cuanquex saꞌ li tenamit Corazín. Raylal cha̱lel saꞌ e̱be̱n la̱ex li cuanquex saꞌ li tenamit Betsaida. Cui ta quinba̱nu aran Tiro li milagro aꞌin li xinba̱nu che̱ru ut cui ta quinba̱nu aran Sidón, ac najter raj queꞌxqꞌue li kꞌes ru tꞌicr chirixeb ut queꞌxchunub raj rib saꞌ cha ut queꞌyotꞌeꞌ raj xchꞌo̱leb ut queꞌxjal raj xcꞌaꞌuxeb.

San Lucas 10:14

Joꞌcan ut tinye e̱re nak saꞌ xkꞌehil li rakba a̱tin, kꞌaxal cuiꞌchic li raylal li te̱cꞌul la̱ex chiru li raylal li teꞌxcꞌul eb laj Tiro ut eb laj Sidón.

Isaías 14:29

La̱ex aj filisteo, misahoꞌ saꞌ e̱chꞌo̱l nak xtokeꞌ li cheꞌ li xexsaqꞌueꞌ cuiꞌ. Nak nacam jun li cꞌantiꞌ, nachal chokꞌ re̱kaj jun chic li cꞌantiꞌ kꞌaxal yibru chiru li quicuan junxil. Nak ta̱mok lix mol li cꞌantiꞌ, ta̱yoꞌla̱k jun li cꞌantiꞌ li napiscꞌoc. Li cꞌantiꞌ aꞌan kꞌaxal xiu xiu.

Jeremías 47:1

Joꞌcaꞌin quixye li Ka̱cuaꞌ re li profeta Jeremías chirixeb laj filisteo nak toj ma̱jiꞌ quisacheꞌ ru li tenamit Gaza xban laj faraón.

Joel 2:2

Nak teꞌcha̱lk laj sa̱cꞌ, ta̱kꞌojyi̱nokꞌ ru li cutan xban xqꞌuialeb. Chanchanakeb li kꞌeki chok. Chanchanakeb li jun tu̱b chi soldado nak yo̱keb chi cha̱lc chi pletic kiqꞌuin. Teꞌcha̱lk joꞌ nak nacꞌutun chak li cutan saꞌ xbe̱neb li tzu̱l. Ma̱ jun sut quicꞌulman chi joꞌcan ut ma̱ jun sut chic ta̱cꞌulma̱nk mokon chi joꞌcan.

Joel 2:10

Ta̱ecꞌa̱nk li ruchichꞌochꞌ joꞌ ajcuiꞌ li choxa nak yo̱keb chi cha̱lc. Ta̱kꞌojyi̱nokꞌ ru li sakꞌe ut li po xban xqꞌuialeb laj sa̱cꞌ ut incꞌaꞌ chic teꞌcꞌutu̱nk li chahim.