Joel 3:18 - Li Santil hu

¹⁸ Saꞌ eb li cutan aꞌan cha̱bilak chic li chꞌochꞌ. Ta̱e̱lk chi nabal li ru li racui̱mkeb laj Judá. Lix qꞌuial lix vino ut lix leche chanchanak chic lix qꞌuial li haꞌ li na-el saꞌ eb li tzu̱l. Ut nabal li haꞌ ta̱cua̱nk saꞌ eb li rok haꞌ saꞌ li naꞌajej Judá. Saꞌ lin santil templo ta̱e̱lk chak li yuꞌam haꞌ re tixtꞌakresi chixjunil li ru takꞌa Sitim.

Q'eqchi Bible

¹⁸ “Sa' li kutan a'an q'axal chaab'ilaq chik li ch'och', k'ajo' chik naq te'uuchinq li awimq; wanq chik li ha' sa' chixjunileb' li roqha' re Judá ut taayo'laaq jun yu'amha' sa' rochoch li Qaawa' li tixt'aqresi li xtaq'ahil Akasya.

Joel 3:18 ပူးပေါင်းရင်းမြစ်များ

Zacarías 14:8

Jun li yuꞌam haꞌ ta̱e̱lk aran Jerusalén. Yijach ta̱xic saꞌ li nimla palau li cuan saꞌ li este li na-el cuiꞌ chak li sakꞌe. Ut li yijach chic ta̱xic saꞌ li palau li cuan saꞌ li oeste li na-oc cuiꞌ li sakꞌe. Li yuꞌam haꞌ aꞌan incꞌaꞌ ta̱chakik. Ta̱cua̱nk li haꞌ saꞌ habalkꞌe ut ta̱cua̱nk ajcuiꞌ saꞌ sakꞌehil.

Isaías 35:6

Ut eb li ye̱k rok chanchanakeb chic li quej nak teꞌpiscꞌok xban xsahileb xchꞌo̱l. Li mem teꞌa̱tinak chic ut teꞌxjap re xban xsahileb xchꞌo̱l. Ut saꞌ li chaki chꞌochꞌ ta̱cua̱nk li yuꞌam haꞌ chi numtajenak.

Isaías 30:25

Nak ta̱cuulak xkꞌehil nak teꞌcamsi̱k eb li xicꞌ nequeꞌiloc e̱re, ta̱cua̱nk cuiꞌchic li haꞌ saꞌ eb li nimaꞌ li cuanqueb saꞌ eb li xbe̱n bol ut saꞌ eb li xbe̱n tzu̱l.

Números 25:1

Eb laj Israel queꞌcana chi cua̱nc aran Sitim. Nak cuanqueb aran eb li cui̱nk queꞌxtiquib ma̱cobc riqꞌuineb li ixk aj Moab.

Salmos 46:4

Li rusilal li Dios cuan saꞌ xbe̱neb li ralal xcꞌajol. Aꞌan chanchan li nimaꞌ li naxqꞌue xsahil xchꞌo̱l lix santil tenamit li nimajcual Dios, li cuan cuiꞌ lix santil naꞌaj.

Li xHu LAJ JOB 29:6

Saꞌ eb li cutan aꞌan toj cuanqueb nabal li cuacax ut nabal li leche. Ut nabal li aceite na-el. Usta saꞌ xya̱nkeb li pec, na-el chi cha̱bil li cheꞌ olivo.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Miqueas 6:5

Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.

Isaías 44:3

La̱in tinqꞌue li haꞌ saꞌ li chaki chꞌochꞌ ut tinqꞌueheb li nimaꞌ. Tinqꞌue lin musikꞌ reheb le̱ ralal e̱cꞌajol ut tincuosobtesiheb.

Isaías 45:8

Ta̱cua̱nk li ti̱quilal yalak bar. Chanchan nak nachal li hab saꞌ choxa. Ut ta̱cua̱nk li colba-ib. Chanchan nak na-el li acui̱mk saꞌ chꞌochꞌ. Ta̱cua̱nk li ti̱quilal xban nak la̱in li Ka̱cuaꞌ quinyehoc re.—

Isaías 55:1

Li Ka̱cuaꞌ quixye: —Che̱junilex la̱ex li ta̱chakik e̱re, cha̱lkex chi ucꞌac chire li haꞌ. La̱ex li ma̱cꞌaꞌ e̱tumin, cha̱lkex. Lokꞌonkex ut cuaꞌinkex. Cha̱lkex lokꞌonkex chi ma̱cꞌaꞌ e̱tumin. Lokꞌomak le̱ vino ut le̱ leche chi ma̱cꞌaꞌ xtzꞌak.

Isaías 66:11

Ta̱sahokꞌ saꞌ e̱chꞌo̱l riqꞌuin li tenamit Jerusalén nak ta̱qꞌuehekꞌ xlokꞌal. Saꞌ le̱ tenamit ta̱e̱lk chi us li cꞌaꞌak ru te̱tzaca. Textzaca̱nk toj retal ta̱cꞌojla̱k e̱chꞌo̱l. Chanchan nak li naꞌbej naxchꞌolani lix cꞌulaꞌal toj retal nacꞌojla xchꞌo̱l.

Jeremías 31:12

Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.