Joel 3:11 - Li Santil hu

¹¹ Quimkex, chꞌutubomak e̱rib saꞌ junpa̱t la̱ex tenamit li nachꞌ cuanquex riqꞌuin Israel. At Ka̱cuaꞌ, chataklaheb taxak la̱ soldado chi pletic riqꞌuineb, chanquin re.

Q'eqchi Bible

¹¹ Seeb'omaq eerib' ut kimqex chejunilex li tenamit li nach' wankex, ut ch'utub'omaq eerib' sa' li xtaq'ahil Josafat. At Qaawa', taqlaheb' chaq li jwal kaweb' rib' chi yalok!

Joel 3:11 ပူးပေါင်းရင်းမြစ်များ

Isaías 13:3

Li Ka̱cuaꞌ quixsicꞌ ruheb li cha̱bil soldado li cauheb rib re nak teꞌxic chi pletic re xqꞌuebal chixtojbal xma̱queb li tenamit li yo̱ xjoskꞌil saꞌ xbe̱neb. Quixsicꞌ ruheb li teꞌsahokꞌ xchꞌo̱l chixqꞌuebal xlokꞌal.

Sofonías 3:8

Joꞌcan nak chine̱roybeni cuan, chan li Ka̱cuaꞌ, toj ta̱cuulak xkꞌehil nak tincuisi injoskꞌil saꞌ e̱be̱n. La̱in ac xinye nak tinchꞌutubeb ru lix ni̱nkal ru tenamit ut tinrakok a̱tin saꞌ xbe̱neb. Chanchan li xam nak tincꞌut lin joskꞌil che̱ru. Tinsacheb ru chixjunil le̱ tenamit xban nak yo̱ injoskꞌil saꞌ e̱be̱n.

Apocalipsis 19:14

Nabaleb li cuanqueb saꞌ choxa yo̱queb chi ta̱ke̱nc re. Tikto̱queb riqꞌuin li saki tꞌicr lino ut sak ru. Yo̱queb chi xic chirix li cacua̱y sakeb rix.

2 Ts 1:7

Abanan la̱ex li yo̱quex chixcꞌulbal raylal, li Dios texqꞌue chi hila̱nc kochben la̱o ut incꞌaꞌ chic takacꞌul raylal. Aꞌin ta̱cꞌulma̱nk nak li Ka̱cuaꞌ Jesucristo tixcꞌutbesi chak rib nak ta̱cha̱lk toj saꞌ choxa. Ta̱cha̱lk rochbenakeb chak lix ángel li cuanqueb xcuanquil.

Miqueas 4:12

Abanan eb li tenamit aꞌin incꞌaꞌ nequeꞌxtau ru lix cꞌaꞌux li Dios chi moco nequeꞌxtau ru li cꞌaꞌru naraj. Ut incꞌaꞌ nequeꞌxqꞌue retal nak li Ka̱cuaꞌ ac xchꞌutubeb ru re tixqꞌueheb chixtojbal rix lix ma̱queb, joꞌ nak nequeꞌxchꞌutub li trigo nak oqueb re chirisinquil li rix.

Joel 3:2

Tinchꞌutubeb saꞌ li ru takꞌa re Josafat chixjunileb li tenamit li xeꞌba̱nun raylal reheb laj Israel. Ut aran tinrakok a̱tin saꞌ xbe̱neb xban li ma̱usilal queꞌxba̱nu reheb lin tenamit Israel nak queꞌxtaklaheb yalak bar saꞌ ruchichꞌochꞌ, ut queꞌxjeqꞌui chi ribileb rib li naꞌajej li quinqꞌue reheb lin tenamit.

Isaías 37:36

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsiheb jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u, ac camenakeb chic chixjunileb.

Isaías 10:34

Teꞌcubsi̱k xcuanquileb joꞌ nak nequeꞌyoqꞌueꞌ riqꞌuin ma̱l li ni̱nki cheꞌ saꞌ qꞌuicheꞌ. Chanchan nak nequeꞌtꞌaneꞌ li cha̱bil cheꞌ aran Líbano.

Salmos 103:20

Chelokꞌoni li Ka̱cuaꞌ la̱ex ángeles, li cau e̱rib. La̱ex li nequeqꞌue xlokꞌal li ra̱tin li Ka̱cuaꞌ ut nequeba̱nu li cꞌaꞌru naxye.