Joel 3:10 - Li Santil hu

¹⁰ Le̱ asaron te̱yi̱b chokꞌ kꞌesnal chꞌi̱chꞌ re pletic. Ut li cꞌoncꞌo̱quil chꞌi̱chꞌ re xyocꞌbal le̱ racui̱mk, te̱yi̱b chokꞌ chꞌi̱chꞌ re pletic. Ut li ma̱cꞌaꞌ xmetzꞌe̱u chixyehak: La̱in cau cuib re pletic.

Q'eqchi Bible

¹⁰ Yiib'omaq cho'q q'esnal ch'iich' leepikleb' ch'och' ut k'ehomaq leesetleb' k'im cho'q jutz' ch'iich'; che'xyehaq eb' li maak'a' xmetz'ew: “Jwal kaw wib' laa'in”.

Joel 3:10 ပူးပေါင်းရင်းမြစ်များ

Zacarías 12:8

Saꞌ eb li cutan aꞌan li Ka̱cuaꞌ tixcoleb li cuanqueb Jerusalén. Eb li ma̱cꞌaꞌeb xcuanquil saꞌ xya̱nkeb, cauhakeb chic ribeb joꞌ laj David. Eb li ralal xcꞌajol laj David chanchanakeb li Dios ut chanchanakeb lix ángel li Ka̱cuaꞌ li nacꞌamoc be chiruheb.

2 Crónicas 25:8

Usta cau e̱chꞌo̱l nak yo̱kex chi pletic, abanan li Dios texkꞌaxtesi saꞌ rukꞌeb li xicꞌ nequeꞌiloc e̱re. Li Dios, aꞌan cuan xcuanquil chi tenkꞌa̱nc ut cuan ajcuiꞌ xcuanquil che̱canabanquil chi sachecꞌ, chan.

Miqueas 4:3

Li Ka̱cuaꞌ ta̱rakok a̱tin saꞌ xbe̱neb nabal chi tenamit ut tixtijeb li xni̱nkal tenamit cuanqueb chak chi najt. Ut talajeꞌxten chi martillo lix chꞌi̱chꞌeb nequeꞌpletic cuiꞌ ut teꞌxsukꞌisi chokꞌ asaron. Ut eb lix la̱nseb talajeꞌxsukꞌisi chokꞌ cꞌoncꞌo̱quil chꞌi̱chꞌ re xyocꞌbal li acui̱mk. Ut eb li tenamit incꞌaꞌ chic teꞌxpleti ribeb chi moco teꞌxcauresi ta chic ribeb re pletic.

Isaías 2:4

Li Ka̱cuaꞌ ta̱rakok a̱tin saꞌ xbe̱neb li xni̱nkal tenamit li yo̱queb chi pletic ut aꞌan ta̱kꞌusuk reheb nabal chi tenamit. Ut eb aꞌan teꞌxqꞌue lix chꞌi̱chꞌeb chokꞌ xchꞌi̱chꞌul arado. Ut teꞌxqꞌue lix la̱nseb chokꞌ re sabesi̱nc. Ma̱ ani chic tixrahobtesi jalan tenamit riqꞌuin chꞌi̱chꞌ, chi moco teꞌxcauresi chic rib re teꞌxic chi pletic.

San Lucas 22:36

Quixye cuiꞌchic li Jesús reheb: —Ut anakcuan li ani cuan xbo̱ls, xcꞌamak chirix joꞌ ajcuiꞌ xnaꞌaj lix tumin. Ut li ani ma̱cꞌaꞌ xchꞌi̱chꞌ, tixcꞌayi lix chaque̱t ut xlokꞌak xchꞌi̱chꞌ chiru li tumin aꞌan.

Jeremías 51:11

Li Ka̱cuaꞌ xqꞌue saꞌ xchꞌo̱leb lix reyeb laj Media nak teꞌxsach ruheb laj Babilonia. Li Ka̱cuaꞌ tixqꞌue re̱kaj li queꞌxba̱nu re lix templo li Ka̱cuaꞌ. La̱ex aj Media, cauresihomak le̱ tzimaj ut cauresihomak le̱ chꞌi̱chꞌ li nequecol cuiꞌ re le̱ chꞌo̱l.

San Lucas 13:12

Nak quiril li ixk li Jesús quixbok riqꞌuin ut quixye re: —At ixk, anakcuan qꞌuirtesinbilat chic.—