Joel 3:1 - Li Santil hu

¹ Nak ta̱cuulak xkꞌehil, la̱in tinqꞌue cuiꞌchic li cꞌaꞌru reheb laj Judá ut eb laj Jerusalén.

Q'eqchi Bible

¹ “Naq taawulaq xkutankil ut xq'ehil, tinsutq'isiheb' chaq wi' chik sa' li xna'ajeb' eb' laj Judá ut eb' laj Jerusalén.

Joel 3:1 ပူးပေါင်းရင်းမြစ်များ

Jeremías 30:3

Ta̱cuulak xkꞌehil nak la̱in tinqꞌueheb cuiꞌchic chi sukꞌi̱c saꞌ lix naꞌajeb lin tenamit li cuanqueb chi pre̱xil. Tinqꞌueheb chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌeb re nak teꞌcua̱nk aran, chan li Dios.

Ezequiel 39:25

Li nimajcual Dios quixye: —Abanan anakcuan la̱in tincuuxta̱na cuiꞌchic ruheb laj Israel li ralal xcꞌajol laj Jacob, li joꞌ qꞌuial incꞌaꞌ queꞌcamsi̱c. La̱in teꞌcuisi chi pre̱xil re nak ta̱qꞌuehekꞌ xlokꞌal lin santil cꞌabaꞌ.

Amós 9:14

Ut tincꞌameb cuiꞌchic lin tenamit Israel saꞌ lix naꞌajeb. Ut teꞌxyi̱b cuiꞌchic lix tenamiteb li qui-osoꞌ ut aran teꞌcua̱nk. Teꞌa̱uk cuiꞌchic uvas ut teꞌrucꞌ lix yaꞌal. Teꞌrau cuiꞌchic li racui̱mk ut teꞌxtzaca li ru li naxqꞌue.

Jeremías 29:14

Nak tine̱sicꞌ tine̱tau. La̱in texinqꞌue chi sukꞌi̱c saꞌ le̱ naꞌaj. La̱in texinchꞌutub saꞌ chixjunileb li naꞌajej li xinjeqꞌui cuiꞌ e̱ru. Texcuisi chak saꞌ li naꞌajej li xexcꞌameꞌ cuiꞌ, chan li Ka̱cuaꞌ.

Salmos 85:1

At Ka̱cuaꞌ, la̱at kꞌaxal cha̱bilat kiqꞌuin la̱o la̱ tenamit. Joꞌcan nak xoa̱cꞌam cuiꞌchic saꞌ li kanaꞌaj, la̱o li ralal xcꞌajol laj Jacob.

Deuteronomio 30:3

Nak texsukꞌi̱k riqꞌuin li Ka̱cuaꞌ le̱ Dios texrosobtesi cuiꞌchic ut ta̱ril xtokꞌoba̱l e̱ru. Ut texrisi saꞌ eb li jalan tenamit li quixjeqꞌui cuiꞌ e̱ru.

Jeremías 30:18

Ut quixye cuiꞌchic li Ka̱cuaꞌ: —La̱in tincꞌameb cuiꞌchic lin tenamit saꞌ li naꞌajej li quinqꞌue re laj Jacob. Tincuil xtokꞌoba̱l ru lix tenamiteb. Ta̱yi̱ba̱k cuiꞌchic li tenamit saꞌ xbe̱n li quipoꞌeꞌ najter. Ut li palacio ta̱xakaba̱k cuiꞌchic saꞌ lix naꞌaj joꞌ nak quicuan junxil.

Jeremías 16:15

Teꞌxpatzꞌ ban li naꞌajej li cuan saꞌ li norte ut eb li naꞌajej li queꞌjeqꞌui̱c cuiꞌ ruheb nak teꞌxba̱nu li juramento saꞌ incꞌabaꞌ la̱in. Relic chi ya̱l la̱in tinqꞌueheb cuiꞌchic chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌ.

Salmos 14:7

Riqꞌuin ta li Dios li cuan Sión chicha̱lk lix colbaleb laj Israel. Li Ka̱cuaꞌ Dios taxak chicolok reheb li ralal xcꞌajol saꞌ rukꞌeb li nequeꞌnumta saꞌ xbe̱neb. Cheꞌsahokꞌ taxak xchꞌo̱leb laj Israel, li ralal xcꞌajol laj Jacob, nak li Dios tixcꞌameb cuiꞌchic saꞌ xtenamiteb.

Ezequiel 16:53

Li Ka̱cuaꞌ quixye ajcuiꞌ reheb laj Jerusalén: La̱in tinqꞌue cuiꞌchic lix biomaleb laj Sodoma ut eb laj Samaria joꞌ eb ajcuiꞌ lix coꞌ. Ut chirix aꞌan tinqꞌue cuiꞌchic la̱ biomal la̱at.

Joel 2:29

Ut tinqꞌue ajcuiꞌ lin musikꞌ chi cua̱nc riqꞌuineb li mo̱s cui̱nk ut li mo̱s ixk.

Daniel 12:1

Ut quixye ajcuiꞌ li ángel re laj Daniel: —Saꞌ eb li cutan aꞌan ta̱cha̱lk li ángel Miguel li na-iloc reheb la̱ tenamit Israel. Nabal li raylal ta̱cꞌulma̱nk saꞌ eb li cutan aꞌan. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ toj chalen anakcuan. Abanan lix tenamit li Dios teꞌcolekꞌ, li joꞌ qꞌuialeb tzꞌi̱banbil xcꞌabaꞌeb saꞌ li hu.

Números 11:29

Abanan laj Moisés quixye re: —¿Ma x-oc chi cakocꞌ la̱ chꞌo̱l chicuix? Us raj cui li Ka̱cuaꞌ tixqꞌue lix musikꞌ reheb chixjunileb lix tenamit re nak chixjunileb teꞌyehok ra̱tin profeta, chan.

Números 12:6

Ut li Ka̱cuaꞌ quixye reheb: —Anakcuan cherabihak li cꞌaꞌru tinye e̱re. Nak ta̱cua̱nk junak profeta e̱riqꞌuin la̱in tincꞌutbesi cuib chiru saꞌ visión ut saꞌ xmatcꞌ tina̱tinak riqꞌuin.

Proverbios 1:23

Quixye li Ka̱cuaꞌ: —Cheqꞌuehak retal le̱ kꞌusbal li ninqꞌue ut la̱in tinqꞌuehok e̱naꞌleb ut texintenkꞌa chixtaubal ru lix ya̱lal.

Isaías 44:3

La̱in tinqꞌue li haꞌ saꞌ li chaki chꞌochꞌ ut tinqꞌueheb li nimaꞌ. Tinqꞌue lin musikꞌ reheb le̱ ralal e̱cꞌajol ut tincuosobtesiheb.