Joel 2:26 - Li Santil hu

²⁶ La̱ex textzaca̱nk toj retal ta̱cꞌojla̱k e̱chꞌo̱l. Ut te̱qꞌue xlokꞌal lin cꞌabaꞌ, la̱in li nimajcual Dios. Sachba chꞌo̱lej xinba̱nu re e̱colbal ut incꞌaꞌ chic texinqꞌue chi hobecꞌ.

Q'eqchi Bible

²⁶ Textzekanq toj reetal taak'ojlaaq leech'ool ut teek'e xloq'al li Qaawa' leeYos, xb'aan naq xinb'aanu xninqal sachb'ach'oolej cho'q eere. Maajoq'e chik taak'ehe'q chi se'eek lintenamit.

Joel 2:26 ပူးပေါင်းရင်းမြစ်များ

Romanos 10:11

Joꞌcaꞌin tzꞌi̱banbil saꞌ li Santil Hu: Li ani ta̱pa̱ba̱nk re aꞌan, incꞌaꞌ ta̱rahokꞌ xchꞌo̱l mokon xban nak tixcꞌul li cꞌaꞌru yechiꞌinbil re xban li Dios. (Isa. 28:16)

Salmos 22:26

Eb li ma̱cꞌaꞌ cuan reheb teꞌcuaꞌak chi us ut teꞌnujak xsaꞌeb. Cheꞌxlokꞌonihak li Ka̱cuaꞌ ut cheꞌcua̱nk xyuꞌameb chi junelic.

Romanos 5:5

Li cꞌaꞌru nakayoꞌoni nakanau nak takacꞌul, xban nak kꞌaxal nocoxra li Dios ut naxcꞌut chiku lix nimal xrahom xban li Santil Musikꞌej li qꞌuebil chak ke.

Deuteronomio 12:7

Saꞌ li naꞌajej aꞌan texcuaꞌak chiru li Ka̱cuaꞌ le̱ Dios ut ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol xban nak li Ka̱cuaꞌ le̱ Dios xexrosobtesi.

Isaías 49:23

Eb li rey ut eb li reina chanchanakeb lix naꞌ xyucuaꞌeb la̱ tenamit. Eb li jalan tenamit teꞌxcubsi ribeb cha̱cuu. Teꞌxcuikꞌib ribeb cha̱cuu re xqꞌuebal a̱lokꞌal. Ut la̱at ta̱nau nak la̱in li Ka̱cuaꞌ ut eb li cauheb xchꞌo̱l cuiqꞌuin incꞌaꞌ teꞌchꞌina̱nk xchꞌo̱leb.

Isaías 45:17

Abanan eb laj Israel teꞌcolekꞌ xban li Ka̱cuaꞌ. Junelic teꞌcolekꞌ ut incꞌaꞌ ta̱cꞌutekꞌ xxuta̱neb,” chaꞌakeb.

Levítico 26:5

Nabal li ru li trigo tixqꞌue. Toj yo̱kex ajcuiꞌ chixsicꞌbal nak ta̱cuulak xkꞌehil xsicꞌbal ru li uvas. Ut nabal ru li uvas tixqꞌue. Toj ma̱ji ajcuiꞌ nequechoy xsicꞌbal ru li uvas nak ta̱cuulak xkꞌehil li a̱uc. Textzaca̱nk chi us toj retal ta̱cꞌojla̱k e̱chꞌo̱l. Sahak saꞌ le̱ chꞌo̱l ut cua̱nkex saꞌ xya̱lal saꞌ le̱ naꞌaj.

1 Juan 2:28

Ut anakcuan, ex herma̱n, ninye cuiꞌchic e̱re nak chexcua̱nk chi sum a̱tin riqꞌuin li Jesucristo re nak ma̱cꞌaꞌak le̱ xiu nak tol-e̱lk cuiꞌchic li Ka̱cuaꞌ Jesucristo. Sahak ban saꞌ kachꞌo̱l chixcꞌulbal chi ma̱cꞌaꞌak kaxuta̱n.

Romanos 9:33

Tzꞌi̱banbil saꞌ li Santil Hu li quixye li Dios: Qꞌuehomak retal xban nak la̱in tinqꞌue jun li pec aran Sión. Nabaleb li tenamit teꞌxtich rokeb chiru ut teꞌtꞌanekꞌ. Abanan li ani ta̱pa̱ba̱nk re aꞌan, incꞌaꞌ ta̱rahokꞌ xchꞌo̱l mokon xban nak tixcꞌul li cꞌaꞌru yechiꞌinbil re xban li Dios. (Isa. 28:16)

Isaías 54:4

Mexxucuac xban nak incꞌaꞌ texxuta̱na̱k. Incꞌaꞌ ta̱cꞌutekꞌ e̱xuta̱n. Ta̱sachk saꞌ e̱chꞌo̱l li xuta̱n li xecꞌul saꞌ e̱sa̱jilal. Incꞌaꞌ chic ta̱julticokꞌ e̱re li raylal li xecꞌul nak xexcanaba̱c xban li Dios. Chanchan nak la̱ex chic xma̱lcaꞌan.

Isaías 25:1

At Ka̱cuaꞌ, la̱at lin Dios. Tinqꞌue a̱lokꞌal ut tinnima la̱ cꞌabaꞌ. Xban nak ti̱c a̱chꞌo̱l, xaba̱nu li sachba chꞌo̱lej li xacꞌu̱b chak ru xba̱nunquil najter.

Zacarías 9:17

Cꞌajoꞌ lix rahom ut li rusilal li Dios saꞌ xbe̱neb lix tenamit. Nabalak li ru li trigo ut lix yaꞌal li uvas ta̱cua̱nk. Sahak saꞌ xchꞌo̱leb li sa̱j cui̱nk ut li sa̱j ixk.

Zacarías 9:15

Li nimajcual Dios tixcoleb lix tenamit Israel. Ut aꞌaneb teꞌnumta̱k saꞌ xbe̱neb li xicꞌ nequeꞌiloc reheb ut teꞌxyekꞌi saꞌ rokeb li pec li teꞌcutekꞌ cuiꞌ. Teꞌsachekꞌ chi junaj cua li xicꞌ nequeꞌiloc reheb laj Israel joꞌ nak nacamsi̱c li xul li nequeꞌxmayeja. Nequeꞌxxoc lix quiqꞌuel saꞌ jun li secꞌ ut nequeꞌxqꞌue saꞌ xxuc li artal.

Sofonías 3:11

Saꞌ eb li cutan aꞌan incꞌaꞌ chic texxuta̱nobresi̱k xban li incꞌaꞌ us xeba̱nu nak xexma̱cob ut xekꞌetkꞌeti e̱rib chicuu. La̱in tincuisiheb saꞌ e̱ya̱nk li kꞌetkꞌeteb ut li nequeꞌxnimobresi ribeb. Ut incꞌaꞌ chic ta̱cua̱nk li kꞌetkꞌetil saꞌ lin santil naꞌaj.

Isaías 29:22

Joꞌcan nak li Ka̱cuaꞌ li quicoloc re laj Abraham, naxye chi joꞌcaꞌin: —Ex ralal xcꞌajol laj Jacob, incꞌaꞌ chic ta̱cꞌutekꞌ le̱ xuta̱n, chi moco texsakquirinokꞌ xban le̱ xiu.

Génesis 33:11

Nintzꞌa̱ma cha̱cuu nak ta̱cꞌul li ma̱tan li xinqꞌue a̱cue. Anakcuan xinbiomoꞌ xban li Ka̱cuaꞌ Dios. Numtajenak li cꞌaꞌru cue, chan. Laj Jacob quirelaji ru laj Esaú re nak tixcꞌul li ma̱tan toj retal quixcꞌul.

1 Timoteo 6:17

Ta̱chꞌolob xya̱lal chiruheb li biom nak incꞌaꞌ teꞌxkꞌetkꞌeti ribeb chi moco teꞌxcꞌojob xchꞌo̱l saꞌ xbe̱n li biomal li na-osoꞌ. Cheꞌxqꞌue ban xchꞌo̱l chixyoꞌoninquil li yoꞌyo̱quil Dios. Aꞌan naqꞌuehoc ke chi nabal chixjunil li cꞌaꞌak re ru.

Isaías 55:2

¿Cꞌaꞌut nak te̱sach e̱tumin riqꞌuin li moco cua ta? ¿Cꞌaꞌut nak te̱sach le̱ tojbal riqꞌuin li cꞌaꞌru moco nacꞌojla ta e̱chꞌo̱l xban? Te̱rabi ut te̱ba̱nu taxak li cꞌaꞌru ninye e̱re ut te̱tzaca li cha̱bil tzacae̱mk. Ta̱cꞌojla̱k e̱chꞌo̱l.

Cantares 5:1

At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.

Proverbios 13:25

Eb li ti̱queb xchꞌo̱l nequeꞌcuaꞌac toj nequeꞌcꞌojla xchꞌo̱leb. Abanan eb li incꞌaꞌ useb xnaꞌleb toj teꞌtzꞌoca̱k ajcuiꞌ nequeꞌcana.

Salmos 116:7

Chicacuu̱k ta inchꞌo̱l xban nak li Dios quiruxta̱na cuu.

Salmos 103:5

Aꞌan naxcꞌojob inchꞌo̱l ut naxqꞌue cue li cꞌaꞌru us chokꞌ cue. Tixqꞌue inmetzꞌe̱u joꞌ xmetzꞌe̱uheb li toj sa̱jeb ut joꞌ xmetzꞌe̱u li tꞌiu.

Salmos 72:18

Lokꞌoninbil taxak li Ka̱cuaꞌ, lix Dioseb laj Israel xban nak caꞌaj cuiꞌ aꞌan li kꞌaxal nim xcuanquil chixba̱nunquil li sachba chꞌo̱lej.

Salmos 37:19

Incꞌaꞌ ra teꞌxcꞌul saꞌ xkꞌehil li raylal ut saꞌ xkꞌehil li cueꞌej junelic cua̱nk xtzacae̱mkeb.

Salmos 13:6

Tinbicha la̱ lokꞌal, at Ka̱cuaꞌ, xban nak la̱at junelic nacattenkꞌan cue.

Nehemías 9:25

Eb li tenamit li caqꞌue reheb ac sutsu̱queb saꞌ tzꞌac ut yi̱banbil chi us. Cha̱bil li chꞌochꞌ li caqꞌue reheb. Ut eb li cab li queꞌoc cuiꞌ ac yi̱banbil chi us ut ac yi̱banbileb lix becbil haꞌ. Ac aubil li acui̱mk uvas ut olivos saꞌ li chꞌochꞌ. Ut cuan ajcuiꞌ nabal li cheꞌ li naxqꞌue ru. Ut eb laj Israel queꞌcuaꞌac chi us ut queꞌnujac. Queꞌcꞌojla xchꞌo̱leb xban xnimal la̱ cuusilal.

Deuteronomio 12:18

Te̱tzaca ban li mayej aꞌan chiru li Ka̱cuaꞌ saꞌ li naꞌajej li tixsicꞌ ru li Ka̱cuaꞌ le̱ Dios. Joꞌcan te̱ba̱nu la̱ex, ut eb le̱ ralal e̱cꞌajol, eb le̱ mo̱s ixk ut eb le̱ mo̱s cui̱nk, joꞌ eb ajcuiꞌ laj levita li cua̱nkeb saꞌ le̱ tenamit. Ut ta̱sahokꞌ saꞌ e̱chꞌo̱l chiru li Ka̱cuaꞌ riqꞌuin chixjunil li cꞌanjel te̱ba̱nu.

Deuteronomio 12:12

Ut nak cua̱nkex saꞌ li naꞌajej aꞌan ta̱sahokꞌ saꞌ e̱chꞌo̱l la̱ex chiru li Ka̱cuaꞌ le̱ Dios. Ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol, ut eb le̱ mo̱s cui̱nk ut eb le̱ mo̱s ixk ut e̱rochben ajcuiꞌ eb laj levita li cuanqueb saꞌ e̱ya̱nk. Eb aꞌan incꞌaꞌ queꞌxcꞌul lix naꞌajeb.

Deuteronomio 8:10

Sa texcuaꞌak toj retal ta̱cꞌojla̱k e̱chꞌo̱l. Ut texbantioxi̱nk chiru li Ka̱cuaꞌ le̱ Dios xban li cha̱bil naꞌajej li tixqꞌue e̱re.

Levítico 26:26

Incꞌaꞌ chic ta̱cua̱nk chi tzꞌakal le̱ tzacae̱mk. Laje̱b chi ixk teꞌxyi̱b li caxlan cua saꞌ jun chi horno. Ajlanbil chic li caxlan cua li te̱cꞌul. Ut nak ac xecuaꞌ chixjunil, incꞌaꞌ ta̱tzꞌaklok e̱re.

Miqueas 6:14

Texcuaꞌak abanan incꞌaꞌ ta̱numekꞌ le̱ tzꞌocajic. Toj textzꞌoca̱k ajcuiꞌ texcana̱k. Te̱chꞌutub li cꞌaꞌru e̱re, abanan incꞌaꞌ ta̱ru̱k te̱xoc. Ut li cꞌaꞌru te̱xoc la̱in tinqꞌue chi makꞌecꞌ che̱ru saꞌ li ple̱t.

Deuteronomio 11:15

Ut tixqꞌue ajcuiꞌ chi qꞌui̱c li rax pim saꞌ le̱ cꞌaleba̱l re nak ta̱cua̱nk xtzacae̱mkeb le̱ cuacax. Ut re ajcuiꞌ nak ta̱cua̱nk chi nabal le̱ tzacae̱mk la̱ex toj retal ta̱cꞌojla̱k e̱chꞌo̱l.

Salmos 67:5

At Ka̱cuaꞌ Dios, chixjunileb taxak teꞌlokꞌoni̱nk a̱cue. Chixjunileb taxak li cuanqueb saꞌ ruchichꞌochꞌ teꞌxqꞌue la̱ lokꞌal.

Levítico 25:19

Ta̱e̱lk chi us li acui̱mk saꞌ le̱ chꞌochꞌ ut ta̱cua̱nk chi nabal le̱ tzacae̱mk. Ut texcua̱nk chi tuktu le̱ chꞌo̱l saꞌ li naꞌajej aꞌin.