Joel 2:24 - Li Santil hu

²⁴ Nak tixqꞌue ru li acui̱mk, kꞌaxal cuiꞌchic nabal tixqꞌue. Teꞌnujak li naꞌajej bar nequeꞌrisi cuiꞌ li rix li trigo. Ut teꞌnujak ajcuiꞌ li naꞌajej bar nequeꞌxyatzꞌ cuiꞌ li uvas ut li olivo.

Q'eqchi Bible

²⁴ Taawanq naab'al leetriiw ut k'ajo'aq li b'iin ut li aseeyt.

Joel 2:24 ပူးပေါင်းရင်းမြစ်များ

Malaquías 3:10

Joꞌcan ut nak cꞌamomak chak che̱junilex li junju̱nk saꞌ xlaje̱tkil saꞌ xnaꞌaj li mayej re nak ta̱cua̱nk li cꞌaꞌru ta̱cꞌanjelak saꞌ li cuochoch. Ut yalomakin anakcuan riqꞌuin aꞌin. ¿Ma incꞌaꞌ tana tinte chak re li choxa ut tinqꞌue chak chi numtajenak le̱ rosobtesinquil? chan li nimajcual Dios.

Amós 9:13

Li Ka̱cuaꞌ naxye chi joꞌcaꞌin: —Ta̱cuulak xkꞌehil nak li acui̱mk tixqꞌue chi nabal li ru. Ma̱jiꞌak ajcuiꞌ nequeꞌrakeꞌ chi kꞌoloc nak teꞌoc cuiꞌchic chi a̱uc. Ut toj ma̱jiꞌak ajcuiꞌ nequeꞌrakeꞌ chixyatzꞌbal li ru li uvas nak teꞌoc cuiꞌchic chi a̱uc. Ut li uvas li cuanqueb yalak bar saꞌ eb li tzu̱l teꞌu̱chi̱nk chi us ut nabal li xyaꞌal ta̱e̱lk.

Joel 3:18

Saꞌ eb li cutan aꞌan cha̱bilak chic li chꞌochꞌ. Ta̱e̱lk chi nabal li ru li racui̱mkeb laj Judá. Lix qꞌuial lix vino ut lix leche chanchanak chic lix qꞌuial li haꞌ li na-el saꞌ eb li tzu̱l. Ut nabal li haꞌ ta̱cua̱nk saꞌ eb li rok haꞌ saꞌ li naꞌajej Judá. Saꞌ lin santil templo ta̱e̱lk chak li yuꞌam haꞌ re tixtꞌakresi chixjunil li ru takꞌa Sitim.

Joel 3:13

Chanchan li trigo li ac xcuulac xkꞌehil xyocꞌbal ut chanchan li uvas li ac xcuulac xkꞌehil nak ta̱yatzꞌekꞌ; joꞌcan nak ac xcuulac xkꞌehil nak tinsach ruheb xban nak ac xnumta li ma̱usilal li xeꞌxba̱nu.

Levítico 26:10

Toj yo̱kex ajcuiꞌ chixtzacanquil li xesicꞌ jun haber ut li joꞌ qꞌuial chic li ma̱jiꞌ nequechoy te̱risi saꞌ li cab li nequexoc cuiꞌ li ru le̱ racui̱mk re te̱xoc cuiꞌ li toj yo̱kex chixsicꞌbal.

Levítico 25:19

Ta̱e̱lk chi us li acui̱mk saꞌ le̱ chꞌochꞌ ut ta̱cua̱nk chi nabal le̱ tzacae̱mk. Ut texcua̱nk chi tuktu le̱ chꞌo̱l saꞌ li naꞌajej aꞌin.

Ezequiel 36:8

Ut teꞌtuxmek cuiꞌchic li cheꞌ li cuanqueb saꞌ li tzu̱l Israel ut teꞌu̱chi̱nk. Ut eb laj Israel teꞌxtzaca li ru xban nak chi se̱b teꞌsukꞌi̱k cuiꞌchic saꞌ lix tenamiteb.