Joel 2:22 - Li Santil hu

²² Eb li xul li cuanqueb saꞌ qꞌuicheꞌ incꞌaꞌ chic teꞌya̱bak xban xtzꞌocajiqueb xban nak ta̱cua̱nk cuiꞌchic xcuaheb. Ut eb li cheꞌ teꞌu̱chi̱nk cuiꞌchic. Ut ta̱cua̱nk cuiꞌchic chi nabal li higo ut li uva.

Q'eqchi Bible

²² Ex k'iche'il xul, mexxiwak, xb'aan naq taawanq wi' chik li raxpim sa' li chaqich'och' ut te'uuchinq wi' chik eb' li che': q'axal naab'alaqeb' li iig ut li uub'.

Joel 2:22 ပူးပေါင်းရင်းမြစ်များ

Zacarías 8:12

—La̱in tinqꞌueheb chi cua̱nc saꞌ tuktu̱quil usilal. Ut ta̱u̱chi̱nk cuiꞌchic li racui̱mkeb saꞌ li chꞌochꞌ aꞌan ut ta̱u̱chi̱nk ajcuiꞌ li uvas. Ut lix chuꞌque ta̱tꞌakresi̱nk re li racui̱mkeb. Chixjunil aꞌin tinqꞌue reheb li tenamit Israel, li joꞌ qꞌuial chic teꞌcana̱k.

Salmos 65:12

Naraxoꞌ ru li pim saꞌ li chaki chꞌochꞌ ut nabaleb li queto̱mk cuanqueb aran. Cꞌajoꞌ xchakꞌal ru li pim chiru li tzu̱l ut cꞌajoꞌ xsahileb xchꞌo̱l.

Isaías 51:3

Li Ka̱cuaꞌ tixcꞌojob xchꞌo̱leb li tenamit Sión ut ta̱ril xtokꞌoba̱l ruheb xban nak poꞌbil chixjunil li tenamit. Tixsukꞌisi li chaki chꞌochꞌ chokꞌ cha̱bil naꞌajej chanchan li Edén. Li chꞌochꞌ li ma̱cꞌaꞌ na-oc cuiꞌ tixsukꞌisi chokꞌ xnaꞌaj li acui̱mk. Saꞌ li naꞌajej aꞌan ta̱cua̱nk li sahil chꞌo̱lejil ut li bicha̱nc ut li bantioxi̱nc.

Salmos 67:6

Li Ka̱cuaꞌ li kaDios ta̱osobtesi̱nk ke ut kꞌaxal nabal li ru li kacui̱mk ta̱e̱lk saꞌ li kachꞌochꞌ.

1 Corintios 3:7

Joꞌcan nak chi moco laj acuinel chi moco laj tꞌakresinel cuan xcuanquil. Caꞌaj cuiꞌ li Dios li naqꞌuehoc xmokic cuan xcuanquil.

Hageo 2:16

Nak toj ma̱jiꞌ xetiquib xyi̱banquil li templo, saꞌ e̱chꞌo̱l la̱ex nak junmay coxtal li ru le̱ trigo te̱xoc, abanan laje̱b ajcuiꞌ x-el. Ut nak oc e̱re xyatzꞌbal ru le̱ uvas, xecꞌoxla nak te̱cꞌul mero ciento cuc li xyaꞌal. Abanan junmay ajcuiꞌ x-el.

Jonás 4:11

Cui ra xacuecꞌa nak xchakic li jun to̱n chi cꞌum, ¿ma tojaꞌ ta chic la̱in incꞌaꞌ tincuil xtokꞌoba̱l ruheb li tenamit Nínive? Saꞌ li tenamit aꞌan cuan numenak cuakcꞌa̱l mil (120,000) chi cristian ut eb aꞌan incꞌaꞌ nequeꞌxnau xqꞌuebal retal bar cuan li us ut bar cuan li incꞌaꞌ us. Ut cuanqueb ajcuiꞌ nabal li xul. ¿Ma incꞌaꞌ ta biꞌ us xtokꞌobanquil ru li tenamit aꞌan? chan li Dios.

Ezequiel 36:35

Ut teꞌxye, “Li naꞌajej aꞌin poꞌbil nak queꞌcuan ut ma̱cꞌaꞌ cuan chi saꞌ. Abanan anakcuan cha̱bil chic. Chanchan li naꞌajej Edén. Eb li tenamit poꞌbil nak queꞌcuan ut ma̱cꞌaꞌ cristian. Abanan cauresinbil chic li tenamit ut nabal li cristian cuanqueb.”

Ezequiel 36:30

Ut tebinqꞌue chi u̱chi̱nc chi nabal eb li cheꞌ ut tebinqꞌue ajcuiꞌ chi u̱chi̱nc chi nabal li acui̱mk saꞌ li cꞌaleba̱l. Incꞌaꞌ chic tinqꞌue li cueꞌej saꞌ e̱be̱n re nak incꞌaꞌ xuta̱nal te̱cꞌul chiruheb li xni̱nkal ru tenamit.

Ezequiel 36:8

Ut teꞌtuxmek cuiꞌchic li cheꞌ li cuanqueb saꞌ li tzu̱l Israel ut teꞌu̱chi̱nk. Ut eb laj Israel teꞌxtzaca li ru xban nak chi se̱b teꞌsukꞌi̱k cuiꞌchic saꞌ lix tenamiteb.

Salmos 36:6

At Ka̱cuaꞌ, lix ti̱quilal la̱ chꞌo̱l cuan chi junelic joꞌ eb li ni̱nki tzu̱l cuanqueb chi junelic. Kꞌaxal numtajenak la̱ naꞌleb chi rakoc a̱tin. Chanchan xchamal li nimla palau li incꞌaꞌ naru xbisbal. At Ka̱cuaꞌ, la̱at nacat-iloc reheb li cristian saꞌ ruchichꞌochꞌ joꞌ ajcuiꞌ eb li xul.

Génesis 4:12

Nak ta̱trabaji li chꞌochꞌ, incꞌaꞌ chic ta̱u̱chi̱nk la̱ cuacui̱mk. Ta̱beni a̱cuib saꞌ xbe̱n li ruchichꞌochꞌ. Yalak bar a̱cue a̱cuu. Ut ma̱ jaruj tathila̱nk, chan li Dios re.

Salmos 65:13

Numtajenakeb li queto̱mk saꞌ li naꞌajej bar cuan cuiꞌ li pachꞌayaꞌ ut cꞌajoꞌ xchakꞌal ru li acui̱mk saꞌ li ru takꞌa. Joꞌcan nak chixjunileb nequeꞌsahoꞌ saꞌ xchꞌo̱leb ut nequeꞌbichan.