Joel 2:20 - Li Santil hu

²⁰ La̱in tinyolesiheb laj sa̱cꞌ li queꞌchal saꞌ li norte. Cuan li tebintakla saꞌ li chaki chꞌochꞌ. Cuan li tebintakla saꞌ li palau Mar Muerto ut cuan li tebintakla saꞌ li palau Mediterráneo. Ut telajeꞌca̱mk. Teꞌkꞌa̱k ut teꞌchuhokꞌ. Sachba chꞌo̱lej tinba̱nu nak tincoleb lin tenamit, chan.

Q'eqchi Bible

²⁰ Twaanilasiheb' li neke'chalk chaq sa' xjayal releb'l iq', ut toxinkanab'eb' chaq sa' li chaqich'och', sa' junesal na'ajej. Eb' laj k'amol xb'eheb' tinsub'eb' sa' li Atz'aminb'il Palaw, ut eb' li wankeb' chi ixb'ej tinsub'eb' sa' li palaw jun chik; ut aran te'q'aaq ut te'chuho'q. Relik chi yaal naq xninqal sachb'ach'oolej ok we chi xb'aanunkil!”.

Joel 2:20 ပူးပေါင်းရင်းမြစ်များ

Zacarías 14:8

Jun li yuꞌam haꞌ ta̱e̱lk aran Jerusalén. Yijach ta̱xic saꞌ li nimla palau li cuan saꞌ li este li na-el cuiꞌ chak li sakꞌe. Ut li yijach chic ta̱xic saꞌ li palau li cuan saꞌ li oeste li na-oc cuiꞌ li sakꞌe. Li yuꞌam haꞌ aꞌan incꞌaꞌ ta̱chakik. Ta̱cua̱nk li haꞌ saꞌ habalkꞌe ut ta̱cua̱nk ajcuiꞌ saꞌ sakꞌehil.

Amós 4:10

Ut quixye ajcuiꞌ: —Xintakla li raylal saꞌ e̱be̱n joꞌ quintakla saꞌ xbe̱neb laj Egipto. Xebincanab chi camsi̱c saꞌ li ple̱t le̱ ralal li toj sa̱jeb. Aꞌ chic li xicꞌ nequeꞌiloc e̱re queꞌe̱chanin re le̱ cacua̱y. Ut queꞌchuhoꞌ le̱ camenak saꞌ li naꞌajej queꞌpletic cuiꞌ. Ut la̱ex querutzꞌ lix chuhil. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin.

Isaías 34:3

Eb li camenak telajeꞌcana̱k chi tꞌantꞌo ut cꞌajoꞌak xchuhaleb. Ut ta̱osokꞌ li tzu̱l saꞌ lix quiqꞌueleb.

Deuteronomio 11:24

Chixjunil li naꞌajej li texnumekꞌ cuiꞌ, e̱rehak la̱ex. Naticla chak saꞌ li chaki chꞌochꞌ nacuulac Líbano. Naticla cuan cuiꞌ li nimaꞌ Éufrates ut nacuulac toj cuan cuiꞌ li palau Mediterráneo. Chixjunil li naꞌajej li texbe̱k cuiꞌ, e̱rehak.

Ezequiel 47:18

Li nuba̱l li cuan saꞌ li este nacuulac saꞌ xya̱nkeb li naꞌajej Haurán ut Damasco ut saꞌ xya̱nkeb li naꞌajej Galaad ut Israel. Li nimaꞌ Jordán, aꞌan lix nuba̱l. Nacuulac toj cuan cuiꞌ li palau Mar Muerto.

Éxodo 10:19

Li Ka̱cuaꞌ Dios quixtakla cuiꞌchic jun li cacuil ikꞌ. Qui-el chak saꞌ li na-oc cuiꞌ li sakꞌe. Eb laj sa̱cꞌ quilajeꞌcꞌameꞌ xban li ikꞌ. Quilajeꞌcuteꞌ saꞌ jun li nimla palau Mar Rojo xcꞌabaꞌ. Ti̱c ma̱ jun chic laj sa̱cꞌ queꞌcana saꞌ li tenamit Egipto.

2 Reyes 8:13

Laj Hazael quixye re: —¿Chanru nak tinba̱nu chi joꞌcan? La̱in ma̱cꞌaꞌ nin-oc cuiꞌ. Chanchanin tzꞌiꞌ, chan. Laj Eliseo quixye re: —Li Ka̱cuaꞌ xcꞌutbesi chicuu nak la̱at tat-oc chokꞌ xreyeb laj Siria, chan.

Éxodo 8:14

Ut eb li cristian quilajeꞌxchꞌutub li camenak amoch ut cꞌajoꞌ nak quichuhoꞌ li tenamit xban xbo̱c li amoch.

Salmos 126:3

Ya̱l nak sachba chꞌo̱lej li quixba̱nu ke li Ka̱cuaꞌ. Joꞌcan nak cꞌajoꞌ xsahil li kachꞌo̱l.

Malaquías 3:11

—La̱in incꞌaꞌ tincanab chi sachecꞌ le̱ racui̱mk. Incꞌaꞌ tincanabeb li xul chixsachbal ru le̱ racui̱mk. Ta̱cua̱nk ban ru chi nabal le̱ uvas.