Joel 2:2 - Li Santil hu

² Nak teꞌcha̱lk laj sa̱cꞌ, ta̱kꞌojyi̱nokꞌ ru li cutan xban xqꞌuialeb. Chanchanakeb li kꞌeki chok. Chanchanakeb li jun tu̱b chi soldado nak yo̱keb chi cha̱lc chi pletic kiqꞌuin. Teꞌcha̱lk joꞌ nak nacꞌutun chak li cutan saꞌ xbe̱neb li tzu̱l. Ma̱ jun sut quicꞌulman chi joꞌcan ut ma̱ jun sut chic ta̱cꞌulma̱nk mokon chi joꞌcan.

Q'eqchi Bible

² a'an xkutankil li aak'ab' ut li q'oqyink, xq'ehil li q'oqyinkil choql ut li mu! Jo' naq nahik'e'k li kutan sa' xb'een li tzuul, jo'kan ajwi' yooqeb' chi chalk eb' laj saak', jo' jun teep chi aj puub' q'axal naab'aleb' ut kaweb' rib': maajun wa ilb'il ru a'in chi moko tox'ilmaq chik moqon sa' xyanqeb' li k'iila teep chi tenamit chaalel.

Joel 2:2 ပူးပေါင်းရင်းမြစ်များ

Joel 1:6

Joꞌ nak queꞌchal laj sa̱cꞌ chixsachbal li kacui̱mk, joꞌcan nak queꞌchal chi pletic kiqꞌuin lix soldados li xni̱nkal ru tenamit. Xban nak cꞌajoꞌ xjoskꞌileb chanchaneb li cakcoj li kꞌaxal kꞌes ruch reheb. Ut chanchaneb li ixki cakcoj li ni̱nk xtzꞌiꞌ e.

Joel 2:5

Chanchanakeb lix ya̱b li qꞌuila carruaje nak teꞌtakekꞌ saꞌ xbe̱n li tzu̱l ut chanchanakeb lix ya̱b li xam li yo̱ chi cꞌatoc re li chaki xak cheꞌ. Ut chanchanakeb ajcuiꞌ jun tu̱b chi soldado ac xeꞌxcauresi rib re teꞌxic chi pletic.

Joel 2:25

Li Ka̱cuaꞌ tixye: —La̱in tinqꞌue re̱kaj e̱re li quisach che̱ru saꞌ eb li chihab nak queꞌxcuaꞌ le̱ racui̱mk laj sa̱cꞌ, li torob, li motzoꞌ ut li chiliꞌ, li chanchaneb jun tu̱b chi soldado nak quebintakla e̱riqꞌuin re xsachbal le̱ racui̱mk.

Joel 2:31

Ta̱kꞌojyi̱nokꞌ ru li sakꞌe ut li po ta̱cakokꞌ ru chanchan li quicꞌ nak toj ma̱jiꞌ nacuulac xkꞌehil li cutan, li kꞌaxal xiu xiu, nak la̱in tinrakok a̱tin, chan li Dios.

Daniel 12:1

Ut quixye ajcuiꞌ li ángel re laj Daniel: —Saꞌ eb li cutan aꞌan ta̱cha̱lk li ángel Miguel li na-iloc reheb la̱ tenamit Israel. Nabal li raylal ta̱cꞌulma̱nk saꞌ eb li cutan aꞌan. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ toj chalen anakcuan. Abanan lix tenamit li Dios teꞌcolekꞌ, li joꞌ qꞌuialeb tzꞌi̱banbil xcꞌabaꞌeb saꞌ li hu.

Isaías 8:22

malaj ut takꞌa saꞌ li chꞌochꞌ. Abanan junes raylal chic teꞌril ut kꞌojyi̱n. Ma̱ ani ta̱colok reheb chiru li rahil chꞌo̱lej. Aran teꞌosokꞌ saꞌ li kꞌojyi̱n.

Isaías 5:30

Japjo̱k reheb li soldado nak teꞌoc chi pletic. Chanchan nak na-ecꞌan ru li palau. Li ani ta̱ilok re li tenamit aꞌan tixqꞌue retal nak junes raylal ut rahil chꞌo̱lej cuan aran. Chanchan nak ta̱kꞌojyi̱nokꞌ ru li cutan xban li chok.

San Judas 1:13

Nak na-el chak xcuokx li palau xban xcacuil rok li haꞌ, nalemeb rib chire li haꞌ lix tzꞌajnil li haꞌ. Joꞌcan ajcuiꞌ lix xuta̱neb laj balakꞌ xban li ma̱usilal li nequeꞌxba̱nu. Chanchaneb li chahim li yal naxbeni rib yalak bar chiru choxa. Eb li cui̱nk aꞌin ac xakabanbileb chi xic chi junaj cua toj saꞌ xchamal ut xkꞌojyi̱nal li tojba ma̱c.

Hebreos 12:18

La̱ex incꞌaꞌ queba̱nu joꞌ queꞌxba̱nu eb laj Israel najter kꞌe cutan. Eb aꞌan queꞌjiloc riqꞌuin li tzu̱l Sinaí nak li Dios quixqꞌue lix chakꞌrab re laj Moisés saꞌ li tzu̱l aꞌan. Quicuan xam. Quikꞌojyi̱noꞌ ut quicuan ajcuiꞌ ca̱k-sut-ikꞌ.

San Marcos 13:19

Saꞌ eb li cutan aꞌan ma̱ caꞌchꞌin li raylal ta̱cua̱nk. Ma̱ jun cua quicꞌulman chi joꞌcan chalen chak saꞌ xticlajic nak li Dios quixyi̱b li ruchichꞌochꞌ, chi moco ta̱cꞌulma̱nk chi joꞌcan mokon.

Amós 4:13

Li Ka̱cuaꞌ, aꞌan li quiyi̱ban re li tzu̱l ut aꞌan li quiyi̱ban re li ikꞌ. Aꞌan nacꞌutuc re chiruheb li cui̱nk cꞌaꞌru naxcꞌoxla xba̱nunquil. Aꞌan nasukꞌisin re li kꞌojyi̱n chokꞌ cutan. Aꞌan nacuan yalak bar saꞌ chixjunil li ruchichꞌochꞌ. Lix cꞌabaꞌ li Ka̱cuaꞌ, aꞌan lix Dioseb li qꞌuila okꞌob chi ángel.

Daniel 9:12

La̱at xaba̱nu joꞌ caye chak chikix ut chirixeb li nequeꞌtaklan saꞌ kabe̱n. Xoa̱qꞌue chixtojbal li kama̱c ut xaqꞌueheb ajcuiꞌ chixtojbal lix ma̱queb li nequeꞌtaklan saꞌ kabe̱n. Numtajenak li raylal xkacꞌul. Ma̱ jun sut quicꞌulman saꞌ ruchichꞌochꞌ joꞌ xcꞌul li tenamit Jerusalén.

Jeremías 13:16

Qꞌuehomak xlokꞌal li Ka̱cuaꞌ le̱ Dios nak toj ma̱jiꞌ naxtakla li kꞌojyi̱n ma̱re anchal te̱tich le̱ rok saꞌ eb li tzu̱l xban nak kꞌojyi̱n chic. Qꞌuehomak xlokꞌal li Ka̱cuaꞌ nak toj ma̱jiꞌ naxtakla li raylal li cha̱lc re saꞌ e̱be̱n.

Salmos 97:2

Li Ka̱cuaꞌ quixcꞌutbesi rib saꞌ li chok kꞌojyi̱n ru. Li Ka̱cuaꞌ narakoc a̱tin saꞌ xya̱lal ut nataklan saꞌ ti̱quilal.

Salmos 10:6

Nequeꞌxye saꞌ xchꞌo̱leb: Us ta̱e̱lk chicuu li cꞌaꞌru nacuaj xba̱nunquil. Ma̱ jokꞌe ta̱cha̱lk raylal saꞌ inbe̱n chanqueb.

Deuteronomio 32:7

Chijulticokꞌ e̱re cꞌaꞌru quicꞌulman junxil. Ut cꞌoxlankex chirixeb li chihab li ac xelajeꞌnumeꞌ. Ut patzꞌomak reheb le̱ yucuaꞌ. Aꞌan teꞌxye e̱re lix ya̱lal. Ut eb li ti̱xil cui̱nk teꞌxserakꞌi e̱re cꞌaꞌru quicꞌulman.

Éxodo 20:21

Li tenamit xakxo̱queb chi najt ut laj Moisés yo̱ chi nachꞌoc riqꞌuin li chok li moymo ru bar cuan cuiꞌ li Dios.

Éxodo 10:14

Quilajeꞌchal laj sa̱cꞌ saꞌ chixjunil li tenamit Egipto. Nequeꞌhirirnac saꞌ xbe̱n li tenamit. Ma̱ jun cua rilomeb aꞌan chalen kꞌe cutan, ut ma̱ jun cua chic teꞌril mokon.

Éxodo 10:6

Talajeꞌoc saꞌ la̱ cuochoch ut talajeꞌoc saꞌ rochocheb laj cꞌanjel cha̱cuu. Talajeꞌoc saꞌ rochocheb chixjunileb laj Egipto. Ma̱ jun sut rilomeb la̱ yucuaꞌ chi moco la̱ xeꞌto̱nil yucuaꞌ joꞌ tinba̱nu anakcuan,” chan a̱cue li Ka̱cuaꞌ Dios.— Ut laj Moisés qui-el riqꞌuin laj faraón.

San Mateo 24:21

Saꞌ eb li cutan aꞌan ma̱ caꞌchꞌin li raylal ta̱cꞌulma̱nk. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ, chi moco ta̱cꞌulma̱nk junak chic joꞌcan mokon.

Apocalipsis 9:2

Nak quixte li re li chamal jul, cꞌajoꞌ li sib qui-el chak. Chanchan li sib li na-el saꞌ junak nimla horno. Quikꞌojyi̱noꞌ ru li sakꞌe ut li ikꞌ xban li sib li qui-el chak saꞌ li chamal jul.

Lamentaciones 1:12

Nequeꞌxye reheb li nequeꞌnumeꞌ aran: —¿Ma incꞌaꞌ nayotꞌeꞌ e̱chꞌo̱l chirilbal li raylal li yo̱co chixcꞌulbal? ¿Ma cuanqueb ta biꞌ queꞌcꞌuluc li raylal li yo̱co chixcꞌulbal la̱o? Li Ka̱cuaꞌ xoxqꞌue chixcꞌulbal li raylal aꞌin xban nak yo̱ xjoskꞌil saꞌ kabe̱n.

Ezequiel 32:7

Nak la̱in tinsach a̱cuu, la̱in tinba̱nu̱nk re nak incꞌaꞌ chic teꞌlemtzꞌu̱nk li chahim. Incꞌaꞌ chic ta̱ilok li sakꞌe chi moco li po.

Ezequiel 34:12

Joꞌ nak laj ilol xul naxnau ru lix carner li jeqꞌuinbileb ru, joꞌcan ajcuiꞌ nak tebinnau ru lin carner la̱in ut tebincol saꞌ eb li naꞌajej li cuanqueb cuiꞌ chak li queꞌjeqꞌui̱c cuiꞌ ruheb saꞌ li cutan li kꞌojyi̱n ru xban li raylal.

Ezequiel 38:9

Chanchan nak nachal li ca̱k-sut-ikꞌ ut chanchan nak ta̱muku̱nk li tenamit saꞌ li chok nak tatxic chi pletic riqꞌuineb li tenamit a̱cuochben la̱ qꞌuila soldado.

Jeremías 13:6

Ac xnumeꞌ chic nabal cutan nak quixye cuiꞌchic cue li Ka̱cuaꞌ: —Ayu cuan cuiꞌ li nimaꞌ Éufrates ut ta̱cꞌam chak li cꞌa̱mal saꞌ li catintakla xmukbal, chan.

Joel 3:4

La̱ex laj Tiro ut la̱ex laj Sidón ut che̱junilex la̱ex laj filisteo, ¿cꞌaꞌru te̱raj cuiqꞌuin? ¿Ma cuan ta biꞌ cꞌaꞌru xinba̱nu e̱re la̱in ut te̱raj te̱qꞌue re̱kaj cue? Chi se̱b tinsukꞌisi cuiꞌchic saꞌ e̱be̱n la̱ex li nequecꞌoxla xba̱nunquil. E̱cꞌulub nak tinba̱nu e̱re chi joꞌcan.

Sofonías 1:7

Chexucua ru li Ka̱cuaꞌ Dios xban nak cuulac re xkꞌehil nak ta̱rakok a̱tin saꞌ e̱be̱n. Chanchan mayejanbil tixba̱nu reheb lix tenamit nak tixkꞌaxtesiheb saꞌ rukꞌeb li xicꞌ nequeꞌiloc reheb.

Zacarías 14:6

Saꞌ eb li cutan aꞌan ta̱cꞌulma̱nk nak li cutan kꞌojyi̱nak chic ru.