Joel 2:19 - Li Santil hu

¹⁹ Li Dios tixye reheb lix tenamit: —Tinqꞌue cuiꞌchic li cꞌaꞌru e̱re. Tinqꞌue le̱ trigo ut tinqꞌue le̱ uvas ut tinqꞌue le̱ aceite. Ut ta̱cua̱nk cuiꞌchic chi nabal cꞌaꞌru e̱re. Ut ta̱sahokꞌ saꞌ e̱chꞌo̱l ut incꞌaꞌ chic tinqꞌue raylal saꞌ e̱be̱n re nak incꞌaꞌ chic texhobekꞌ xbaneb li incꞌaꞌ nequeꞌpa̱ban.

Q'eqchi Bible

¹⁹ ut kixye reheb': “Tintaqla chaq eere li triiw, li b'iin ut li aseeyt toj reetal taak'ojlaaq eech'ool, ut maajoq'e chik texink'e chi se'eek xb'aaneb' li tenamit junch'ol.

Joel 2:19 ပူးပေါင်းရင်းမြစ်များ

Ezequiel 34:29

La̱in tinqꞌue li cha̱bil chꞌochꞌ reheb re nak ta̱e̱lk li racui̱mkeb chi cha̱bil. Ut incꞌaꞌ chic ta̱cua̱nk li cueꞌej saꞌ lix tenamiteb. Ut incꞌaꞌ chic ta̱cꞌutekꞌ xxuta̱neb xbaneb li jalan xtenamiteb.

Ezequiel 36:15

Incꞌaꞌ chic tebinqꞌue chi hobecꞌ xbaneb li xni̱nkal ru tenamit, chi moco teꞌnumta̱k chic saꞌ xbe̱neb, chi moco teꞌca̱mk chic li ralal xcꞌajoleb laj Israel, chan li Ka̱cuaꞌ.

San Mateo 6:33

Li cꞌaꞌru li te̱sicꞌ xbe̱n cua, aꞌan lix nimajcual cuanquilal li Dios ut lix ti̱quilal, ut chixjunil li cꞌaꞌak re ru aꞌin talajqꞌuehekꞌ e̱re chokꞌ xtzꞌakob.

Joel 2:24

Nak tixqꞌue ru li acui̱mk, kꞌaxal cuiꞌchic nabal tixqꞌue. Teꞌnujak li naꞌajej bar nequeꞌrisi cuiꞌ li rix li trigo. Ut teꞌnujak ajcuiꞌ li naꞌajej bar nequeꞌxyatzꞌ cuiꞌ li uvas ut li olivo.

Jeremías 31:12

Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.

Joel 1:10

Ra saꞌ xchꞌo̱l li chꞌochꞌ xban nak ma̱cꞌaꞌ chic cuan chiru. Xeꞌchakic li trigo ut xeꞌchakic lix cheꞌel li uvas, ut ma̱cꞌaꞌ chic li aceite xban nak xeꞌchakic lix cheꞌel li olivo.

Oseas 2:15

Tinqꞌue cuiꞌchic re li acui̱mk uvas. Ut tinqꞌue ajcuiꞌ li ru takꞌa Acor chokꞌ xnaꞌaj re nak cuan cꞌaꞌru tixyoꞌoni. Ut tixbicha inlokꞌal joꞌ quixba̱nu saꞌ xsa̱jilal nak quicuisi chak saꞌ li naꞌajej Egipto.

Ezequiel 39:29

Ut ma̱ jaruj chic tincanabeb xjuneseb xban nak tinqꞌue lin musikꞌ reheb li ralal xcꞌajol laj Israel, chan li nimajcual Dios.

Levítico 26:5

Nabal li ru li trigo tixqꞌue. Toj yo̱kex ajcuiꞌ chixsicꞌbal nak ta̱cuulak xkꞌehil xsicꞌbal ru li uvas. Ut nabal ru li uvas tixqꞌue. Toj ma̱ji ajcuiꞌ nequechoy xsicꞌbal ru li uvas nak ta̱cuulak xkꞌehil li a̱uc. Textzaca̱nk chi us toj retal ta̱cꞌojla̱k e̱chꞌo̱l. Sahak saꞌ le̱ chꞌo̱l ut cua̱nkex saꞌ xya̱lal saꞌ le̱ naꞌaj.

Oseas 2:21

Saꞌ eb li cutan aꞌan la̱in tinsume chak li cꞌaꞌru te̱patzꞌ cue la̱ex, li cualal incꞌajol. La̱in tintakla li hab re xtꞌakresinquil li chꞌochꞌ.

Oseas 2:22

Ut saꞌ li chꞌochꞌ ta̱e̱lk li trigo ut li uvas ut li olivo. Ut la̱ex te̱ye: “Jezreel”. Chi jalbil ru naraj naxye “Li Ka̱cuaꞌ, aꞌan li na-acuoc”.

Deuteronomio 11:14

Cui te̱ba̱nu chi joꞌcan, li Dios tixqꞌue li hab saꞌ xbe̱n le̱ chꞌochꞌ saꞌ xkꞌehil. Tixqꞌue saꞌ sakꞌehil ut tixqꞌue saꞌ habalkꞌe re nak ta̱e̱lk chi cha̱bil li ru le̱ racui̱mk. Ta̱cua̱nk nabal le̱ trigo, le̱ vino ut le̱ aceite.

Li xHu LIX RUT 1:6

Saꞌ jun li cutan lix Noemí quirabi resil aran Moab nak li Ka̱cuaꞌ quirosobtesi cuiꞌchic lix tenamit ut cuanqueb chic xcua aran Judá. Joꞌcan nak lix Noemí quixcauresi rib chi e̱lc saꞌ li naꞌajej cuan cuiꞌ re ta̱sukꞌi̱k saꞌ lix tenamit.

Ezequiel 36:29

La̱in tintenkꞌa̱nk e̱re re nak incꞌaꞌ chic te̱ba̱nu li ma̱usilal. Ut tinqꞌue chi cua̱nc nabal li trigo re nak incꞌaꞌ ta̱cua̱nk cueꞌej.

Ezequiel 36:30

Ut tebinqꞌue chi u̱chi̱nc chi nabal eb li cheꞌ ut tebinqꞌue ajcuiꞌ chi u̱chi̱nc chi nabal li acui̱mk saꞌ li cꞌaleba̱l. Incꞌaꞌ chic tinqꞌue li cueꞌej saꞌ e̱be̱n re nak incꞌaꞌ xuta̱nal te̱cꞌul chiruheb li xni̱nkal ru tenamit.

Zacarías 8:12

—La̱in tinqꞌueheb chi cua̱nc saꞌ tuktu̱quil usilal. Ut ta̱u̱chi̱nk cuiꞌchic li racui̱mkeb saꞌ li chꞌochꞌ aꞌan ut ta̱u̱chi̱nk ajcuiꞌ li uvas. Ut lix chuꞌque ta̱tꞌakresi̱nk re li racui̱mkeb. Chixjunil aꞌin tinqꞌue reheb li tenamit Israel, li joꞌ qꞌuial chic teꞌcana̱k.