Joel 2:17 - Li Santil hu

¹⁷ Eb laj tij li nequeꞌcꞌanjelac chiru li nimajcual Dios, cheꞌxakli̱k saꞌ xyi li oqueba̱l re li templo ut li artal ut cheꞌya̱bak. Nak teꞌtijok laj tij, teꞌxye chi joꞌcaꞌin: Ma̱qꞌue taxak li raylal saꞌ xbe̱neb la̱ tenamit, at Ka̱cuaꞌ. Chacuyeb taxak xma̱queb. Ma̱qꞌueheb taxak chi numta̱c saꞌ xbe̱neb la̱ tenamit li incꞌaꞌ nequeꞌpa̱ban. Incꞌaꞌ taxak ta̱qꞌueheb chi seꞌe̱c la̱ tenamit re nak incꞌaꞌ teꞌyehekꞌ re: ¿Bar cuan lix Dioseb?

Q'eqchi Bible

¹⁷ Sa' xyanq li neb'aal rik'in li artal yaab'aqeb' laj tij li neke'k'anjelak chiru li Yos, ut te'xye: “Kuy xmaakeb' laatenamit, at Qaawa', ut maakanab'eb' chi se'eek xb'aaneb' li xik' neke'ilok re. Ink'a' taxaq te'xye eb' li junch'ol chik: «B'ar wank li xYoseb'?»”.

Joel 2:17 ပူးပေါင်းရင်းမြစ်များ

Ezequiel 8:16

Ut quinixcꞌam toj saꞌ li oqueba̱l re li templo. Saꞌ xyi lix mu cab ut li artal cuanqueb o̱b xcaꞌcꞌa̱l li cui̱nk. Li rixeb nacana bar cuan cuiꞌ lix templo li Dios. Yo̱queb chi iloc saꞌ releb sakꞌe ut yo̱queb chixlokꞌoninquil li sakꞌe.

Salmos 115:2

¿Cꞌaꞌut nak li tenamit teꞌxye ke: —¿Bar cuan le̱ Dios?—

Salmos 79:10

Incꞌaꞌ nakaj nak eb li jalan tenamit teꞌxye ke: ¿Ma ma̱cuaꞌ ta biꞌ le̱ Dios li natenkꞌan e̱re? Toj takil taxak nak ta̱qꞌue re̱kaj reheb xban nak xeꞌxcamsiheb laj cꞌanjel cha̱cuu.

San Mateo 23:35

Xban le̱ ma̱usilal aꞌan, ta̱tꞌanekꞌ saꞌ e̱be̱n lix camiqueb li cha̱bileb xnaꞌleb riqꞌuin xcamic laj Abel li ti̱c xchꞌo̱l ut toj riqꞌuin xcamic li ralal laj Berequías, laj Zacarías xcꞌabaꞌ, li quecamsi chiru neba̱l chixcꞌatk li rochoch li Dios ut li artal.

Amós 7:2

Ut quicuil ajcuiꞌ nak eb laj sa̱cꞌ queꞌxchoy xcuaꞌbal li acui̱mk ut quinye: —Ka̱cuaꞌ Dios, chacuy taxak kama̱c, la̱o aj Israel, ralal xcꞌajolo laj Jacob. ¿Chanru nak ta̱ru̱k takacol kib xban nak la̱o incꞌaꞌ qꞌuiho ut ma̱cꞌaꞌ kacuanquil?—

Joel 1:9

Eb laj tij, li nequeꞌcꞌanjelac chiru li Dios, yo̱queb chi ya̱bac, xban nak ma̱cꞌaꞌ chic li ru li acui̱mk, chi moco li vino re teꞌxmayeja saꞌ lix templo li Ka̱cuaꞌ.

Oseas 14:2

Chexsukꞌi̱k cuiꞌchic riqꞌuin li Ka̱cuaꞌ ut joꞌcaꞌin te̱ye re: —Chacuy chasach taxak li kama̱c. Chasume taxak li katij. Li kamayej li takaqꞌue a̱cue, aꞌan la̱ lokꞌoninquil.

1 Reyes 6:3

Li naꞌajej li cuan saꞌ li oqueba̱l, aꞌan bele̱b metro xnajtil rok, joꞌ xnimal ru li templo. Ut li xnajtil ru, aꞌan numenak ca̱hib metro.

Éxodo 34:9

Ut quixye: —At Ka̱cuaꞌ, cui tincꞌam cuib saꞌ usilal a̱cuiqꞌuin, ba̱nu usilal tatcua̱nk saꞌ kaya̱nk. Usta cau kachꞌo̱l, chacuy kama̱c. Ut choa̱cꞌul cuiꞌchic chokꞌ a̱cualal a̱cꞌajol, chan laj Moisés.

Miqueas 7:10

Ut eb li xicꞌ nequeꞌiloc ke teꞌril nak li Dios cuan kiqꞌuin. Teꞌcꞌutekꞌ xxuta̱n li ani queꞌyehoc ke: ¿Bar cuan li Ka̱cuaꞌ le̱ Dios? La̱o takil nak teꞌsachekꞌ li xicꞌ nequeꞌiloc ke. Takil nak teꞌyekꞌi̱k joꞌ nayekꞌi̱c li sulul saꞌ be.

Amós 7:5

Ut la̱in quinye re: —Ba̱nu usilal, at Ka̱cuaꞌ Dios, ma̱ba̱nu aꞌan. ¿Chanru nak ta̱ru̱k takacol kib xban nak incꞌaꞌ qꞌuiho ut ma̱cꞌaꞌ kacuanquil?

Ezequiel 20:9

Abanan incꞌaꞌ quinba̱nu xban nak chiruheb laj Egipto la̱in quinye reheb laj Israel nak tincuisiheb Egipto. Incꞌaꞌ quicuaj nak ta̱isi̱k lin lokꞌal.

Isaías 37:20

Anakcuan ut at Ka̱cuaꞌ, at kaDios, nakatzꞌa̱ma cha̱cuu nak choa̱col chiruheb laj Asiria re nak chixjunileb li cuanqueb xcuanquil saꞌ ruchichꞌochꞌ teꞌxnau nak la̱at li Ka̱cuaꞌ Dios ut ma̱ ani chic junak dios cuan. Caꞌaj cuiꞌ la̱at, chan laj Ezequías.

Salmos 89:51

At nimajcual Dios, eb li xicꞌ nequeꞌiloc a̱cue yo̱queb chixhobbal li rey li sicꞌbil ru a̱ban. Yalak bar naxic yo̱queb chixhobbal.

Salmos 89:41

Chixjunileb li tenamit li nequeꞌnumeꞌ aran, nequeꞌrelkꞌa li cꞌaꞌru re. Ut chixjunileb li tenamit li cuanqueb chi nachꞌ, nequeꞌxseꞌe li cꞌaꞌru yo̱ chixcꞌulbal.

Salmos 79:4

Eb li cuanqueb chi nachꞌ riqꞌuin li katenamit yo̱queb chikaseꞌenquil. Nocoeꞌxhob ut nocoeꞌretzꞌu.

Salmos 74:10

At Ka̱cuaꞌ, ¿joꞌ najtil chic takacꞌul li raylal aꞌin saꞌ rukꞌeb li xicꞌ nequeꞌiloc ke? ¿Ma toj ta̱canabeb re nak yo̱keb cha̱majecuanquil?

Salmos 42:10

Toj saꞌ inbakel nacuulac xrahil li cꞌaꞌru nequeꞌxye cue li xicꞌ nequeꞌiloc cue. Rajlal yo̱queb chinhobbal ut nequeꞌxye, “¿Bar cuan la̱ Dios?” chanqueb.

2 Crónicas 8:12

Laj Salomón quixqꞌue lix cꞌatbil mayej chiru li Ka̱cuaꞌ saꞌ li artal li quixyi̱b chiru li oqueba̱l re li templo.

Deuteronomio 32:27

Xinsach raj ruheb chi junaj cua, abanan incꞌaꞌ xcuaj nak eb li xicꞌ nequeꞌiloc reheb teꞌxnimobresi ribeb chixyebal, “La̱o xosachoc reheb. Ma̱cuaꞌ li Ka̱cuaꞌ,” chaꞌakeb.

San Mateo 27:43

Cau xchꞌo̱l riqꞌuin li Dios. Chicolekꞌ anakcuan cui naraheꞌ xban li Dios xban nak naxye nak aꞌan Ralal li Dios, chanqueb.

Malaquías 1:9

Ut anakcuan, tijonkex. Chextzꞌa̱ma̱nk taxak chiru li Ka̱cuaꞌ re nak aꞌan ta̱ruxta̱na e̱ru. Abanan cui incꞌaꞌ nequecanab xba̱nunquil li incꞌaꞌ us, ¿chanru nak ta̱ruxta̱na e̱ru li Dios chi joꞌcan?

Nehemías 9:36

Ut anakcuan chaqꞌue taxak retal li raylal li yo̱co chixcꞌulbal. Anakcuan la̱o chic mo̱s saꞌ li chꞌochꞌ li caqꞌue reheb li kaxeꞌto̱nil yucuaꞌ re nak teꞌcua̱nk chi sa saꞌ xchꞌo̱leb ut teꞌxtzaca li ru li acui̱mk.

Joel 1:13

La̱ex aj tij, li nequexcꞌanjelac chiru lix artal li Ka̱cuaꞌ, chexya̱bak ut cheqꞌuehak e̱rakꞌ kꞌes ru che̱rix re rahil chꞌo̱lej. Ut chenumsihak li kꞌojyi̱n chi ra saꞌ le̱ chꞌo̱l xban nak ma̱cꞌaꞌ chic li cꞌaꞌru te̱mayeja chiru li artal saꞌ lix templo li Ka̱cuaꞌ.

Salmos 42:3

Chi kꞌek chi cutan yo̱quin chi ya̱bac. Incꞌaꞌ chic nincuaꞌac xban nak junes ya̱bac chic ninba̱nu. Ut eb li xicꞌ nequeꞌiloc cue yo̱queb chinhobbal ut yo̱queb chixyebal, ¿Bar cuan la̱ Dios? chanqueb.

2 Crónicas 7:20

la̱in texcuisi saꞌ li chꞌochꞌ li xinqꞌue e̱re. Ut tintzꞌekta̱na li templo aꞌin li xinsantobresi chokꞌ re inlokꞌoninquil ut tinqꞌue chi hobecꞌ ut chi seꞌe̱c xbaneb chixjunileb li tenamit.

1 Reyes 9:7

cui te̱ba̱nu chi joꞌcan la̱in texcuisi che̱junilex la̱ex aj Israel saꞌ li chꞌochꞌ li xinqꞌue e̱re. Ut li templo aꞌin li xinsantobresi chokꞌ re inlokꞌoninquil tinsach ru. Ut le̱ tenamit Israel ta̱hobekꞌ ut ta̱seꞌe̱k xbaneb li jalan tenamiteb.

Deuteronomio 28:37

Ut chixjunileb li tenamit teꞌsachk xchꞌo̱leb che̱rilbal. Xicꞌ tex-ilekꞌ ut texseꞌe̱k ut tex-etzꞌu̱k saꞌ li naꞌajej li textakla̱k cuiꞌ xban li Dios.

Números 25:6

Ut jun li cui̱nk aj Israel quixcꞌam riqꞌuin jun li ixk aj Madián ut quirocsi saꞌ lix muheba̱l re ta̱cua̱nk riqꞌuin. Quixba̱nu aꞌan chiru laj Moisés ut chiruheb chixjunileb laj Israel nak yo̱queb chi ya̱bac chiru li oqueba̱l re li tabernáculo.

Isaías 22:12

Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

Josué 7:9

Nak teꞌrabi eb laj cananeo ut chixjunileb li cuanqueb saꞌ li naꞌajej aꞌin li cꞌaꞌru xkacꞌul, ma̱re teꞌxchꞌutub chak rib ut teꞌcha̱lk chi pletic kiqꞌuin ut ma̱re ma̱ ani chic ke ta̱colekꞌ. Cui joꞌcan takacꞌul, ¿cꞌaꞌru ta̱ba̱nu la̱at re xcolbal rix la̱ lokꞌal? chan.

Salmos 42:4

Kꞌaxal cuiꞌchic ninya̱bac nak nanak saꞌ inchꞌo̱l chanru nak xincꞌamoc be chiruheb li qꞌuila tenamit nak yo̱co chi xic saꞌ la̱ cuochoch. Japjo ke xban xsahil li kachꞌo̱l ut yo̱co chixnimanquil a̱cuu nak yo̱co chi ninkꞌei̱c.

Salmos 42:11

¿Cꞌaꞌut nak ta̱rahok saꞌ inchꞌo̱l? Ut, ¿cꞌaꞌut nak yo̱k incꞌaꞌux? ¿Ma incꞌaꞌ ta biꞌ a̱cuiqꞌuin ninyoꞌonin? ¿Ma incꞌaꞌ ta biꞌ ta̱ru̱k tatinlokꞌoni cuiꞌchic, at Ka̱cuaꞌ? Naru tatinlokꞌoni cuiꞌchic, xban nak la̱at lin Dios ut la̱at aj Colol cue.—