Joel 2:16 - Li Santil hu

¹⁶ Chꞌutubomak lix tenamit li Dios re nak teꞌxxo̱to xma̱queb ut teꞌsantobresi̱k. Cheꞌxchꞌutub ribeb li che̱quel cristian ut eb li toj sa̱jeb joꞌqueb ajcuiꞌ li toj nequeꞌtuꞌuc. Ut teꞌe̱lk ajcuiꞌ saꞌ li rochocheb li toj xeꞌsumla re nak teꞌxchꞌutub rib chixjunileb.

Q'eqchi Bible

¹⁶ Ch'utub'omaq li xtenamit li Yos ut santob'resihomaq; ch'utub'omaqeb' li cheekel winq ut eb' li kok'al, jo'kaneb' ajwi' li toj neke'tu'uk. Eb' li winq ut ixq li toje' xe'sumlaak xkanab'aqeb' li xwarib'aaleb'.

Joel 2:16 ပူးပေါင်းရင်းမြစ်များ

2 Crónicas 29:5

Ut quixye reheb: —Chine̱rabihak la̱ex aj levita. Santobresihomak e̱rib la̱ex ut santobresihomak lix templo li Ka̱cuaꞌ, lix Dioseb li kaxeꞌto̱nil yucuaꞌ. Ut isihomak saꞌ li templo chixjunil li cꞌaꞌru namuxuc ru.

2 Crónicas 20:13

Chixjunileb li cui̱nk aj Judá xakxo̱queb aran chiru li Ka̱cuaꞌ rochbeneb li rixakil ut eb li ralal xcꞌajol, joꞌ ni̱nk, joꞌ cocꞌ.

1 Corintios 7:5

Cui li be̱lomej naraj cua̱nc riqꞌuin li rixakil, li ixakilbej incꞌaꞌ naru tixye incꞌaꞌ. Ut cui li ixakilbej naraj cua̱nc riqꞌuin lix be̱lom, li be̱lomej incꞌaꞌ naru tixye incꞌaꞌ. Naru teꞌxcꞌu̱b chi ribileb rib nak teꞌx-oxlokꞌi rib chi ribileb rib jarubak cutan re nak teꞌxqꞌue xchꞌo̱leb chi tijoc. Abanan teꞌcua̱nk cuiꞌchic mokon chi ribileb rib re nak incꞌaꞌ teꞌa̱le̱k xban laj tza xban nak incꞌaꞌ teꞌxcuy cua̱nc xjuneseb.

Joel 1:14

Yehomak resil reheb li che̱quel cristian joꞌqueb ajcuiꞌ chixjunileb li tenamit nak teꞌxchꞌutub ribeb saꞌ lix templo li Ka̱cuaꞌ le̱ Dios re nak te̱ba̱nu e̱-ayu̱n. Ut te̱tzꞌa̱ma e̱tenkꞌanquil riqꞌuin li nimajcual Dios.

1 Samuel 16:5

Laj Samuel quixye: —Saꞌ usilal xinchal. La̱in tinmayejak chiru li Ka̱cuaꞌ. Santobresihomak e̱rib ut texxic chicuix, chan. Ut laj Samuel quixsantobresi laj Isaí ut eb li ralal ut quixye reheb nak teꞌxic chirix nak ta̱mayejak.

Éxodo 19:22

Ut ta̱ye reheb li xbe̱n aj tij li teꞌnachꞌok chak cuiqꞌuin nak teꞌxkꞌaxtesi rib saꞌ cuukꞌ chi tzꞌakal, re nak incꞌaꞌ tinrakok a̱tin saꞌ xbe̱neb, chan li Dios.

Éxodo 19:10

Li Dios quixye re laj Moisés: —Tatxic riqꞌuineb li cristian. Chiru li cutan aꞌin ut cuulaj ta̱kꞌaxtesiheb saꞌ cuukꞌ. Eb aꞌan teꞌxpuchꞌ li rakꞌeb, ut teꞌxti̱cobresi lix yuꞌameb chi tzꞌakal. Teꞌati̱nk ut teꞌxpuchꞌ li rakꞌeb joꞌ retalil nak xeꞌxyi̱b xyuꞌameb.

San Mateo 9:15

Ut li Jesús quichakꞌoc ut quixye reheb li tijleb aꞌin: —¿Ma naru ta biꞌ nak rahak saꞌ xchꞌo̱leb li nequeꞌbokeꞌ riqꞌuin sumla̱c nak toj cuan li be̱lomej saꞌ xya̱nkeb? La̱in joꞌ jun li be̱lomej. Ta̱cuulak xkꞌehil nak tin-isi̱k saꞌ xya̱nkeb tojoꞌnak teꞌxba̱nu x-ayu̱n eb lin tzolom, chan.

Salmos 19:5

Li sakꞌe naxcꞌut xlokꞌal li Dios nak na-el chak ekꞌela chi cꞌajoꞌ xchakꞌal ru. Chanchan jun li cui̱nk toj xsumla ut chanchan jun li cui̱nk naxyal xkꞌe chi a̱linac chi sa saꞌ xchꞌo̱l.

Li xHu LAJ JOB 1:5

Nak nequeꞌrakeꞌ chi ninkꞌei̱c, laj Job naxqꞌue lix cꞌatbil mayej re xsantobresinquileb li ralal xcꞌajol. Nacuacli toj ekꞌela ut naxqꞌue lix mayej aꞌ yal jarub li ralal xcꞌajol cuan. —Ma̱re eb li cualal incꞌajol queꞌma̱cob ut queꞌxmajecua li Dios saꞌ xchꞌo̱leb, chan laj Job. Ut rajlal naxba̱nu chi joꞌcan.

2 Crónicas 35:6

Santobresihomak e̱rib. Te̱camsiheb li carner re li ninkꞌe Pascua ut cauresihomakeb reheb le̱ rech tenamitil. Ut ba̱nuhomak joꞌ quixye li Dios re laj Moisés, chan laj Josías.

2 Crónicas 30:19

At Ka̱cuaꞌ, la̱at lix Dioseb lix xeꞌto̱nil yucuaꞌ. Chacuyeb xma̱c usta toj ma̱jiꞌ nequeꞌxsantobresi ribeb joꞌ naraj li chakꞌrab chirix li santobresi̱c saꞌ li templo, chan laj Ezequías.

2 Crónicas 30:17

Nabaleb li tenamit toj ma̱jiꞌ nequeꞌxsantobresi ribeb. Joꞌcan nak eb laj levita queꞌxcamsiheb li mayej xul re li Pascua saꞌ xcꞌabaꞌeb li toj ma̱jiꞌ nequeꞌxsantobresi ribeb ut queꞌxkꞌaxtesiheb chiru li Ka̱cuaꞌ.

Josué 7:13

¡Cuaclin! Ut ye reheb li tenamit nak teꞌxsantobresi ribeb re cuulaj xban nak la̱in li Ka̱cuaꞌ le̱ Dios la̱ex aj Israel, ninye chi joꞌcaꞌin: “La̱ex aj Israel, xexoc li cꞌaꞌak re ru li tento raj xesach ru chi junaj cua. Ut xexoc chokꞌ e̱re li xkꞌaxtesi̱c raj chi cꞌanjelac chicuu. Cui la̱ex incꞌaꞌ te̱risi aꞌan saꞌ e̱ya̱nk ma̱ jokꞌe te̱cuy pletic riqꞌuineb li xicꞌ nequeꞌiloc e̱re.”

Éxodo 19:15

Laj Moisés quixye reheb: —Checauresi e̱rib re li rox cutan. Eb li cui̱nk incꞌaꞌ teꞌcua̱nk riqꞌuin rixakileb, chan.

San Mateo 21:16

Ut queꞌxye re li Jesús: —¿Ma yo̱cat chirabinquil li yo̱queb chixyebal li sa̱j al?— Ut li Jesús quixye reheb: —Yo̱quin chirabinquil. ¿Ma ma̱ jun cua e̱rilom li tzꞌi̱banbil saꞌ li Santil Hu li naxye chi joꞌcaꞌin: Eb li cocꞌal ut li toj nequeꞌtuꞌuc nequeꞌxqꞌue xlokꞌal li Dios chi tzꞌakal?— (Sal. 8:2)

Josué 8:35

Laj Josué quiril xsaꞌ li chakꞌrab chiruheb li tenamit. Ma̱ jun li a̱tin li quixtzꞌi̱ba laj Moisés incꞌaꞌ ta qui-ileꞌ chiruheb chixjunileb laj Israel, joꞌ cui̱nk, joꞌ ixk, joꞌ cocꞌal, joꞌeb ajcuiꞌ li jalaneb xtenamit li cuanqueb saꞌ xya̱nkeb laj Israel.