Joel 1:9 - Li Santil hu

⁹ Eb laj tij, li nequeꞌcꞌanjelac chiru li Dios, yo̱queb chi ya̱bac, xban nak ma̱cꞌaꞌ chic li ru li acui̱mk, chi moco li vino re teꞌxmayeja saꞌ lix templo li Ka̱cuaꞌ.

Q'eqchi Bible

⁹ Maak'a' chik li mayejak triiw ut b'iin sa' rochoch li Qaawa' Yos; jo'kan naq ra wankeb' laj tij, eb' laj k'anjel chiru li Qaawa'.

Joel 1:9 ပူးပေါင်းရင်းမြစ်များ

Joel 2:17

Eb laj tij li nequeꞌcꞌanjelac chiru li nimajcual Dios, cheꞌxakli̱k saꞌ xyi li oqueba̱l re li templo ut li artal ut cheꞌya̱bak. Nak teꞌtijok laj tij, teꞌxye chi joꞌcaꞌin: Ma̱qꞌue taxak li raylal saꞌ xbe̱neb la̱ tenamit, at Ka̱cuaꞌ. Chacuyeb taxak xma̱queb. Ma̱qꞌueheb taxak chi numta̱c saꞌ xbe̱neb la̱ tenamit li incꞌaꞌ nequeꞌpa̱ban. Incꞌaꞌ taxak ta̱qꞌueheb chi seꞌe̱c la̱ tenamit re nak incꞌaꞌ teꞌyehekꞌ re: ¿Bar cuan lix Dioseb?

Joel 2:14

¿Ani ta biꞌ ta̱naꞌok re cꞌaꞌru tixba̱nu li Dios? Cui te̱yotꞌ e̱chꞌo̱l, ma̱re tixjal xcꞌaꞌux ut incꞌaꞌ chic tixqꞌue li raylal saꞌ e̱be̱n. Ma̱re texrosobtesi ut tixqꞌue cuiꞌchic e̱re le̱ trigo ut le̱ uvas. Ut texmayejak cuiꞌchic chiru li Ka̱cuaꞌ le̱ Dios.

Joel 1:13

La̱ex aj tij, li nequexcꞌanjelac chiru lix artal li Ka̱cuaꞌ, chexya̱bak ut cheqꞌuehak e̱rakꞌ kꞌes ru che̱rix re rahil chꞌo̱lej. Ut chenumsihak li kꞌojyi̱n chi ra saꞌ le̱ chꞌo̱l xban nak ma̱cꞌaꞌ chic li cꞌaꞌru te̱mayeja chiru li artal saꞌ lix templo li Ka̱cuaꞌ.

Oseas 9:4

Nak cua̱nkex saꞌ li tenamit aꞌan incꞌaꞌ chic ta̱ru̱k texmayejak chiru li Dios. Chi moco li vino chi moco li xul te̱mayeja chiru. Ut nak texcuaꞌak chanchan nak yo̱kex chixyoꞌlenquil junak li camenak ut muxbil chic ru le̱ pa̱ba̱l ta̱cana̱k. Incꞌaꞌ chic ta̱ru̱k texmayejak chiru li Dios. Li tzacae̱mk aꞌan caꞌaj cuiꞌ re te̱tzaca la̱ex.

Isaías 61:6

Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.

Joel 1:16

¿Ma incꞌaꞌ ta biꞌ yo̱co rilbal nak xsacheꞌ chiku li kacui̱mk? Ut, ¿ma sahak ta biꞌ chic kachꞌo̱l saꞌ lix templo li kaDios?

Lamentaciones 1:16

Xban li raylal li yo̱co chixcꞌulbal, nocoya̱bac. Natꞌuluc xyaꞌal ku. Ma̱ ani nacꞌojoban kachꞌo̱l ut ma̱ ani naru naqꞌuehoc xcacuil kachꞌo̱l. Ut eb li kalal kacꞌajol xeꞌcana chi ma̱cꞌaꞌ chic cuan reheb xban nak eb li xicꞌ nequeꞌiloc ke xeꞌnumta saꞌ kabe̱n.

Lamentaciones 1:4

Kꞌaxal ra saꞌ xchꞌo̱leb li be li nequeꞌxic aran Sión xban nak ma̱ ani nanumeꞌ aran re teꞌxic saꞌ eb li ninkꞌe. Ma̱ ani nacuan chiruheb li oqueba̱l re li tenamit ut eb laj tij yo̱queb chixjikꞌbal xchꞌo̱leb xban li raylal yo̱queb chixcꞌulbal. Kꞌaxal ra saꞌ xchꞌo̱leb li tukꞌ ixk joꞌqueb ajcuiꞌ chixjunileb li tenamit.

2 Crónicas 13:10

Abanan, li kaDios la̱o, aꞌan li Ka̱cuaꞌ. Incꞌaꞌ yo̱co chixtzꞌekta̱nanquil. Eb laj tij li yo̱queb chi cꞌanjelac chiru li Ka̱cuaꞌ, aꞌaneb li ralal xcꞌajol laj Aarón ut eb li nequeꞌtenkꞌan reheb, aꞌaneb laj levitas.

Éxodo 28:1

Saꞌ xya̱nkeb laj Israel ta̱sicꞌ ru la̱ cuas laj Aarón joꞌqueb ajcuiꞌ li ralal. Aꞌaneb laj Nadab, laj Abiú, laj Eleazar ut laj Itamar. Aꞌaneb li ta̱xakabeb chi cꞌanjelac chicuu chokꞌ aj tij.