Joel 1:7 - Li Santil hu

⁷ Xeꞌxsach ru chi junaj cua li ka-uva. Ut xeꞌxsach ajcuiꞌ li kacheꞌ higo. Quilajeꞌtꞌaneꞌ li rukꞌ. Michꞌbil chic rix queꞌxcanab ut ma̱cꞌaꞌ chic xxak.

Q'eqchi Bible

⁷ Xe'xsach chi junajwa li uub', xe'xjuk'i eb' li xche'el li iig: xe'xmich' rix chixjunileb' li che' ut saqeb' aj chik li ruq' xe'xkanab'.

Joel 1:7 ပူးပေါင်းရင်းမြစ်များ

Amós 4:9

Ut quixye ajcuiꞌ: —Xintakla li tikcual ikꞌ ut quichakic le̱ racui̱mk xban. Ut xintaklaheb li motzoꞌ chixsachbal ru le̱ racui̱mk. Eb laj sa̱cꞌ queꞌxcꞌux le̱ racui̱mk ut queꞌxcꞌux ajcuiꞌ xto̱nal le̱ uvas ut queꞌxcꞌux lix xak le̱ cheꞌ higo ut olivo. Abanan ma̱ jaruj xeraj sukꞌi̱c cuiqꞌuin, chan li Ka̱cuaꞌ.

Isaías 5:6

Tintzꞌekta̱na li chꞌochꞌ aꞌan. Tincanab chi pimocꞌ ut tincanab chi ta̱mc li qꞌuix saꞌ xya̱nk. Incꞌaꞌ chic tinsabesi ru, chi moco kꞌunobresinbilak chic ru. Ut incꞌaꞌ chic tintakla li chok re tixqꞌue li hab saꞌ xbe̱n, chan li raro inban.

Joel 1:12

Xchakic lix cheꞌel li uvas. Ma̱cꞌaꞌ chic lix cheꞌel li higo. Xchakic lix cheꞌel li granado ut li calaꞌ joꞌqueb ajcuiꞌ lix cheꞌel li manzana. Chixjunileb li cheꞌ xelajeꞌchakic saꞌ li cꞌaleba̱l. Xban aꞌan nak li tenamit junelic ra saꞌ xchꞌo̱l.

Habacuc 3:17

La̱in sahak saꞌ inchꞌo̱l riqꞌuin li Ka̱cuaꞌ. Usta incꞌaꞌ chic ta̱atzꞌumak lix to̱nal li higo ut incꞌaꞌ chic ta̱u̱chi̱nk li uvas, ut usta incꞌaꞌ chic ta̱u̱chi̱nk lix to̱nal li olivo, ut usta ma̱cꞌaꞌakeb chic li carner saꞌ eb li corral ut ma̱cꞌaꞌakeb chic li cuacax saꞌ eb lix naꞌaj, ta̱sahokꞌ saꞌ inchꞌo̱l.

Oseas 2:12

La̱in tinsach li racui̱mk uvas ut li cheꞌ higo li quixye nak aꞌan lix tojbal li quiqꞌueheꞌ re xbaneb li cui̱nk li nequeꞌrahoc re. Ma̱cꞌaꞌ chic ta̱e̱lk saꞌ xnaꞌaj li acui̱mk uvas ut ma̱cꞌaꞌak chic li cheꞌ li nau̱chin. Teꞌsachekꞌ xbaneb li joskꞌ aj xul.

Jeremías 8:13

La̱in tinsach ruheb lin tenamit chi junaj cua. Chanchanakeb chic li xto̱nal li uvas ut li higos li incꞌaꞌ nau̱chin, li chaki lix xak. Ut li cꞌaꞌru quinqꞌue reheb ta̱isi̱k chiruheb.

Isaías 24:7

Lix to̱nal li uvas xchakic. Ma̱cꞌaꞌ chic li vino. Kꞌaxal ra saꞌ xchꞌo̱leb li cristian li sa saꞌ xchꞌo̱leb nak queꞌcuan.

Salmos 105:33

Quixsacheb lix uvas ut lix cheꞌel li higo. Quilajxtoki li cheꞌ saꞌ li naꞌajej aꞌan.

Éxodo 10:15

Quikꞌojyi̱noꞌ li tenamit Egipto xban xqꞌuialeb laj sa̱cꞌ ut quitzꞌapon li chꞌochꞌ xbaneb. Quilajeꞌxcuaꞌ chixjunil li cheꞌcꞌam ut li ru li cheꞌ li incꞌaꞌ qui-osoꞌ xban li sakbach, quilajeꞌxcꞌux. Ma̱cꞌaꞌ chic cꞌaꞌru rax ru quicana saꞌ li tenamit Egipto. Ma̱cꞌaꞌ chic li cheꞌcꞌam, ut ma̱cꞌaꞌeb chic lix xak li cheꞌ.

Éxodo 10:14

Quilajeꞌchal laj sa̱cꞌ saꞌ chixjunil li tenamit Egipto. Nequeꞌhirirnac saꞌ xbe̱n li tenamit. Ma̱ jun cua rilomeb aꞌan chalen kꞌe cutan, ut ma̱ jun cua chic teꞌril mokon.

Isaías 32:12

Chetenak re le̱ chꞌo̱l xban xrahil e̱chꞌo̱l xban nak ma̱cꞌaꞌak chic li cha̱bil chꞌochꞌ xnaꞌaj le̱ racui̱mk. Ut quilajeꞌsacheꞌ xnaꞌaj le̱ uvas.

Malaquías 3:11

—La̱in incꞌaꞌ tincanab chi sachecꞌ le̱ racui̱mk. Incꞌaꞌ tincanabeb li xul chixsachbal ru le̱ racui̱mk. Ta̱cua̱nk ban ru chi nabal le̱ uvas.