Jeremías 9:8 - Li Santil hu

⁸ Lix tzꞌu̱mal reheb chanchan li tzimaj li nacamsin xban li balakꞌic nequeꞌxba̱nu. Riqꞌuin xtzꞌu̱mal reheb nequeꞌa̱tinac chi cha̱bil riqꞌuineb li ras ri̱tzꞌin. Abanan saꞌ xchꞌo̱leb nequeꞌxcꞌu̱b ru chanru teꞌxbalakꞌiheb.

Q'eqchi Bible

⁸ Li ru'uj raq'eb' chanchan li simaj nakamsink, junes b'alaq'il aatin wank chi xtz'uumal reheb'. Sa neke'xk'e xsahil xch'ooleb' li ras riitz'in, ab'an sa' li xch'ooleb' yookeb' xsik'b'al li xluktesinkileb'.

Jeremías 9:8 ပူးပေါင်းရင်းမြစ်များ

Salmos 28:3

Mina̱juntakꞌe̱ta riqꞌuineb li incꞌaꞌ useb xnaꞌleb ut li nequeꞌba̱nun ma̱usilal re nak incꞌaꞌ tincꞌul li teꞌxcꞌul eb aꞌan. Eb aꞌan nequeꞌxye nak nequeꞌraj cua̱nc saꞌ usilal riqꞌuineb li rech cabal abanan li ra̱meb nujenak chi ma̱usilal.

Jeremías 9:3

Li Ka̱cuaꞌ quixye: —Junelic se̱beb xchꞌo̱l chi ticꞌtiꞌic lin tenamit. Chanchaneb li nequeꞌcutuc riqꞌuin tzimaj. Nequeꞌxqꞌue xcuanquil li ticꞌtiꞌ ut incꞌaꞌ nequeꞌxqꞌue xcuanquil li ya̱l. Numtajenak li ma̱usilal nequeꞌxba̱nu ut incꞌaꞌ nequeꞌraj xqꞌuebal inlokꞌal, la̱in li Ka̱cuaꞌ.

Salmos 120:3

La̱ex aj balakꞌ, ¿cꞌaꞌru nequera nak nequexticꞌtiꞌic? Ut, ¿cꞌaꞌru li us te̱cꞌul?

Salmos 57:4

La̱in cuanquin saꞌ xya̱nkeb li joskꞌ aj cristian. Chanchaneb li joskꞌ aj cakcoj li nequeꞌcamsin. Li ruch reheb chanchan li chꞌi̱chꞌ re camsi̱nc. Ut li ruꞌuj rakꞌeb chanchan li kꞌesnal chꞌi̱chꞌ.

Salmos 55:21

Kꞌun li ra̱tin li naxye. Chanchan xkꞌunil li mantequilla. Abanan li ra̱m nujenak chi joskꞌil. Li ra̱tin chanchan li cha̱bil aceite re banoc. Kꞌaxal sa naa̱tinac. Abanan kꞌaxal ra nanak cuiꞌ li ra̱tin naxye. Chanchan nanak cuiꞌ li kꞌesnal chꞌi̱chꞌ.

Salmos 12:2

Nequeꞌxticꞌtiꞌi ribeb ut riqꞌuin cha̱bil a̱tin nequeꞌkꞌunbesin re xbalakꞌinquil li ras ri̱tzꞌin.

2 Samuel 3:27

Nak laj Abner quicuulac Hebrón, laj Joab quixcꞌam chi mukmu saꞌ li oqueba̱l re ta̱a̱tinak riqꞌuin xjunes. Ut quixcuj lix chꞌi̱chꞌ saꞌ xcꞌatk xsaꞌ ut quixcamsi. Quixcamsi re tixtoj rix li ma̱c li quixba̱nu nak quixcamsi laj Asael li ri̱tzꞌin laj Joab.

Jeremías 9:5

Eb li rami̱gueb rib nequeꞌxbalakꞌi ribeb chi ribileb rib. Ut ma̱ ani naxye li ya̱l. Queꞌcꞌay chi ticꞌtiꞌic ut incꞌaꞌ nequeꞌxcanab xba̱nunquil li ma̱usilal.

Jeremías 5:26

Saꞌ xya̱nkeb lin tenamit cuanqueb li incꞌaꞌ useb xnaꞌleb. Yo̱queb chixsicꞌbal chanru nak teꞌxba̱nu ma̱usilal reheb li ras ri̱tzꞌin. Chanchaneb laj yo li nequeꞌxqꞌue li raꞌal re xchapbaleb li cocꞌ xul.

Salmos 64:8

Ut saꞌ xbe̱neb ajcuiꞌ ta̱sukꞌi̱k li ra̱tineb. Ut teꞌseꞌe̱k xbaneb li teꞌilok reheb.

Salmos 35:20

Eb aꞌan incꞌaꞌ nequeꞌraj cua̱nc saꞌ usilal. Junes li incꞌaꞌ us nequeꞌxcꞌoxla xba̱nunquil reheb li tu̱laneb.

Proverbios 25:18

Li ani naxyoꞌob ticꞌtiꞌ chirix li rami̱g, aꞌan naxba̱nu raylal re. Chanchan junak li martillo, malaj junak li chꞌi̱chꞌ caꞌ pacꞌal xkꞌesnal, malaj ut chanchan li tzimaj kꞌes ruꞌuj.

Jeremías 9:4

Incꞌaꞌ naru te̱cꞌojob e̱chꞌo̱l riqꞌuineb le̱ ras e̱ri̱tzꞌin, usta nequeꞌxye nak eb aꞌan tzꞌakal e̱rami̱g. Chi moco ta̱ru̱k te̱cꞌojob e̱chꞌo̱l riqꞌuin le̱ ras ut le̱ ri̱tzꞌin xban nak li asbej ut li i̱tzꞌinbej nequeꞌbalakꞌin. Eb li amigo nequeꞌyoꞌoban ticꞌtiꞌ.

Miqueas 6:12

Eb li biom nequeꞌxrahobtesiheb li nebaꞌ nak nequeꞌxmakꞌ chiruheb li cꞌaꞌru cuan reheb. Ut li cuanqueb saꞌ li tenamit aj balakꞌeb ut aj ticꞌtiꞌeb.

Salmos 12:3

At Ka̱cuaꞌ, chakꞌuseb re nak teꞌxcanab ticꞌtiꞌic ut balakꞌi̱nc. Chakꞌuseb re nak teꞌxcanab xnimobresinquil ribeb riqꞌuin li cꞌaꞌru nequeꞌxye.

Salmos 62:5

Caꞌaj cuiꞌ riqꞌuin li Dios cau inchꞌo̱l. Ut riqꞌuin aꞌan ninyoꞌonin.

Jeremías 5:9

¿Ma incꞌaꞌ ta biꞌ tinqꞌueheb chixtojbal lix ma̱queb li tenamit aꞌin xban li ma̱usilal li nequeꞌxba̱nu?