Jeremías 9:4 - Li Santil hu

⁴ Incꞌaꞌ naru te̱cꞌojob e̱chꞌo̱l riqꞌuineb le̱ ras e̱ri̱tzꞌin, usta nequeꞌxye nak eb aꞌan tzꞌakal e̱rami̱g. Chi moco ta̱ru̱k te̱cꞌojob e̱chꞌo̱l riqꞌuin le̱ ras ut le̱ ri̱tzꞌin xban nak li asbej ut li i̱tzꞌinbej nequeꞌbalakꞌin. Eb li amigo nequeꞌyoꞌoban ticꞌtiꞌ.

Q'eqchi Bible

⁴ Li junjunq chixkolaq rib' chiru li ras riitz'in, chi moko chixk'ojob' xch'ool chirix li ramiiw, xb'aan naq eb' li ras riitz'ineb' rib' neke'b'alaq'ik ut chixjunileb' li amiiw junes q'ab'ank neke'xb'aanu.

Jeremías 9:4 ပူးပေါင်းရင်းမြစ်များ

Jeremías 6:28

Kꞌaxal cauheb xchꞌo̱l. Chanchan xcacuil li chꞌi̱chꞌ bronce ut hierro. Kꞌetkꞌeteb ut junes ticꞌtiꞌic nequeꞌxba̱nu. Chixjunileb incꞌaꞌ useb xnaꞌleb.

San Mateo 10:21

Saꞌ eb li cutan aꞌan, cuan li asbej tixkꞌaxtesi li i̱tzꞌinbej re ta̱camsi̱k ut cuan li i̱tzꞌinbej tixkꞌaxtesi li asbej. Ut cuan li yucuaꞌbej tixkꞌaxtesi li alalbej. Ut cuan li alalbej xicꞌ teꞌrileb lix naꞌ xyucuaꞌ ut teꞌxqꞌueheb chi camsi̱c.

Levítico 19:16

Mexyoꞌoban a̱tin chirixeb le̱ ras e̱ri̱tzꞌin. Ut me̱qꞌueheb chi camsi̱c le̱ ras e̱ri̱tzꞌin. La̱in li Ka̱cuaꞌ Dios xinyehoc re aꞌin.

Jeremías 12:6

Eb la̱ cuas ut eb la̱ cui̱tzꞌin yo̱queb chabalakꞌinquil. La̱ cuechꞌalal xeꞌxjunaji ribeb riqꞌuineb li yo̱queb chixcꞌu̱banquil ru chanru nak teꞌxba̱nu raylal a̱cue. Ma̱cꞌojob a̱chꞌo̱l riqꞌuineb, usta cha̱bil nequeꞌa̱tinac a̱cuiqꞌuin.

Proverbios 25:18

Li ani naxyoꞌob ticꞌtiꞌ chirix li rami̱g, aꞌan naxba̱nu raylal re. Chanchan junak li martillo, malaj junak li chꞌi̱chꞌ caꞌ pacꞌal xkꞌesnal, malaj ut chanchan li tzimaj kꞌes ruꞌuj.

Proverbios 10:18

Li ani xicꞌ na-iloc chi mukmu, aꞌan aj ticꞌtiꞌ. Ut li ani nacuulac chiru moloc ticꞌtiꞌ, aꞌan ma̱cꞌaꞌ xnaꞌleb.

Salmos 15:3

Eb aꞌan incꞌaꞌ nequeꞌxba̱nu ma̱usilal reheb li ras ri̱tzꞌin chi moco nequeꞌxyoꞌob a̱tin chirixeb ut incꞌaꞌ nequeꞌxsume xhobbaleb.

Génesis 32:28

Ut li cui̱nk quixye: —Anakcuan ma̱cuaꞌ chic aj Jacob a̱cꞌabaꞌ. Aj Israel chic a̱cꞌabaꞌ xban nak xayal a̱metzꞌe̱u riqꞌuin li Dios joꞌ ajcuiꞌ riqꞌuineb li cui̱nk. La̱at cau a̱cuib, chan.

1 Ts 4:6

Ma̱ ani tixmux rib riqꞌuin xmakꞌbal rixakil junak cui̱nk ut ma̱ ani tixmux rib riqꞌuin xmakꞌbal xbe̱lom junak ixk. Incꞌaꞌ teꞌxba̱nu chi joꞌcan xban nak li Ka̱cuaꞌ Jesucristo ta̱rakok a̱tin saꞌ xbe̱n chixjunileb li nequeꞌba̱nun re li naꞌleb aꞌan, joꞌ ac yebil e̱re kaban.

San Lucas 21:16

Texkꞌaxtesi̱k saꞌ rukꞌeb li xicꞌ nequeꞌiloc e̱re xbaneb le̱ naꞌ e̱yucuaꞌ ut xbaneb le̱ ras ut le̱ ri̱tzꞌin ut eb le̱ rechꞌalal joꞌ eb ajcuiꞌ le̱ rami̱g. Ut cuan li cuanqueb saꞌ e̱ya̱nk li teꞌcamsi̱k.

San Mateo 10:17

Cauhak le̱ chꞌo̱l xban nak cuanqueb li teꞌkꞌaxtesi̱nk e̱re saꞌ rukꞌeb laj rakol a̱tin. Ut chi ma̱cꞌaꞌ e̱ma̱c texsaqꞌuekꞌ xbaneb saꞌ li cab li nequeꞌxchꞌutub cuiꞌ ribeb laj judío.

Ezequiel 22:9

Saꞌ e̱ya̱nk cuanqueb li nequeꞌyoꞌoban ticꞌtiꞌ chirixeb li ras ri̱tzꞌin re nak teꞌcamsi̱k. Cuanqueb li nequeꞌxcuaꞌ li tzacae̱mk li quimayeja̱c chiruheb li jalanil dios saꞌ eb li tzu̱l. Ut nequeꞌxba̱nu li ma̱usilal.

Proverbios 6:19

li ani nakꞌaban ut li ani nayoꞌoban pletic saꞌ xya̱nkeb li ras ri̱tzꞌin.

Proverbios 6:16

Cuan cuukub li naꞌleb li incꞌaꞌ nacuulac chiru li Dios. Aꞌan eb aꞌin:

Salmos 101:5

La̱in tinye reheb nak teꞌxcanab a̱tinac li nequeꞌxyoꞌob a̱tin chirixeb li ras ri̱tzꞌin. Ut incꞌaꞌ tincuy xma̱queb li nequeꞌxkꞌetkꞌeti ribeb ut nequeꞌxnimobresi ribeb.

Isaías 59:13

La̱o xkatzꞌekta̱na li Ka̱cuaꞌ. Xkaticꞌtiꞌi ut incꞌaꞌ nakaba̱nu li cꞌaꞌru naraj. Junes ma̱usilal ut rahobtesi̱nc nakaba̱nu. Ut nakacꞌu̱b ru chanru nak tobalakꞌi̱nk.

Jeremías 9:8

Lix tzꞌu̱mal reheb chanchan li tzimaj li nacamsin xban li balakꞌic nequeꞌxba̱nu. Riqꞌuin xtzꞌu̱mal reheb nequeꞌa̱tinac chi cha̱bil riqꞌuineb li ras ri̱tzꞌin. Abanan saꞌ xchꞌo̱leb nequeꞌxcꞌu̱b ru chanru teꞌxbalakꞌiheb.

Malaquías 2:10

¿Cꞌaꞌut nak toj nequesicꞌ ru li junju̱nk? ¿Ma incꞌaꞌ ta biꞌ jun ajcuiꞌ li kaYucuaꞌ? ¿Ma incꞌaꞌ ta biꞌ jun ajcuiꞌ li Dios li quiyoꞌobtesin ke? ¿Cꞌaꞌut nak nequeba̱nu chi joꞌcan riqꞌuineb le̱ ras e̱ri̱tzꞌin? ¿Cꞌaꞌut nak incꞌaꞌ nequeba̱nu chi tzꞌakal? ¿Cꞌaꞌut nak nequetzꞌekta̱na li contrato li quixba̱nu li Dios riqꞌuineb li kaxeꞌto̱nil yucuaꞌ?

Proverbios 4:16

Eb aꞌan incꞌaꞌ saheb xchꞌo̱l cui incꞌaꞌ nequeꞌxba̱nu li ma̱usilal. Ut incꞌaꞌ nequeꞌcuar chixcꞌoxlanquil li incꞌaꞌ us.

Proverbios 4:17

Li ma̱usilal li nequeꞌxba̱nu chanchan chic lix cua rucꞌaheb.

Isaías 9:16

Eb li nequeꞌcꞌamoc be, aꞌaneb li nequeꞌbalakꞌin reheb li tenamit. Ut eb li tenamit nequeꞌxpa̱b li cꞌaꞌru nequeꞌxye. Joꞌcan nak nequeꞌsach.