Jeremías 9:23 - Li Santil hu

²³ Li Ka̱cuaꞌ quixye: —Li ani cuan xnaꞌleb mixnimobresi rib xban nak cuan xnaꞌleb, chi moco li cau rib tixnimobresi rib xban nak cau rib. Ut li biom incꞌaꞌ tixnimobresi rib xban nak cuan xbiomal.

Q'eqchi Bible

²³ Jo'ka'in kixye li Qaawa': “Mixk'e xloq'al xjunes rib' li wank xna'leb' sa' xk'ab'a' naq wank xna'leb', chi moko chixnima rib' li wank xwankil, chi moko li b'ihom sa' xk'ab'a' li xb'ihomal.

Jeremías 9:23 ပူးပေါင်းရင်းမြစ်များ

Isaías 5:21

Raylal ta̱cha̱lk saꞌ e̱be̱n la̱ex li nequeye nak cuan e̱naꞌleb e̱junes e̱rib ut la̱ex li se̱b e̱chꞌo̱l nak nequecꞌoxla e̱rib.

Eclesiastés 9:11

Cuan jun chic xinqꞌue retal saꞌ ruchichꞌochꞌ nak ma̱cuaꞌeb li kꞌaxal se̱beb li nequeꞌe̱chanin re li ma̱tan saꞌ li a̱linac, chi moco eb li cauheb rib li nequeꞌnumta saꞌ li ple̱t. Ut eb li cuanqueb xnaꞌleb incꞌaꞌ nequeꞌxtau xtzacae̱mkeb yal xban nak cuanqueb xnaꞌleb. Ut eb li se̱beb xchꞌo̱l incꞌaꞌ nequeꞌbiomoꞌ yal xban nak se̱beb xchꞌo̱l. Ut eb li tzolbileb moco rajlal ta nequeꞌcꞌuleꞌ saꞌ usilal. Chixjunil aꞌin moco nequeꞌxnau ta jokꞌe teꞌxcꞌul li chꞌaꞌajquilal.

Romanos 1:22

Eb aꞌan nequeꞌxye nak cuanqueb xnaꞌleb abanan ma̱cꞌaꞌeb xnaꞌleb.

Ezequiel 7:19

Teꞌxcut lix oro ut lix plata saꞌ be xban nak ma̱cꞌaꞌ chic ta̱oc cuiꞌ reheb. Chi moco li oro chi moco li plata ta̱ru̱k ta̱colok reheb saꞌ xkꞌehil nak li Ka̱cuaꞌ tixcꞌut lix joskꞌil. Incꞌaꞌ chic ta̱sahokꞌ xchꞌo̱leb riqꞌuin lix oro ut lix plata chi moco ta̱cꞌojla̱k xchꞌo̱leb xban nak ma̱cꞌaꞌak chic lix tzacae̱mkeb. Lix oro ut lix plata, aꞌan li quiqꞌuehoc reheb chi ma̱cobc.

Proverbios 11:4

Li biomal incꞌaꞌ naru nacoloc saꞌ xkꞌehil li rakba a̱tin. Abanan li ti̱quilal nacoloc chiru li ca̱mc.

Daniel 4:37

Ut anakcuan la̱in li rey Nabucodonosor ninlokꞌoni li tzꞌakal Rey li cuan saꞌ choxa. Ninnima ru ut ninqꞌue xlokꞌal xban nak naxba̱nu chixjunil saꞌ xya̱lal ut saꞌ ti̱quilal. Ut naxcubsi xcuanquil li ani naxnimobresi rib xjunes, chan laj Nabucodonosor.

Salmos 62:10

Me̱cꞌojob e̱chꞌo̱l saꞌ xbe̱n li pletic. Ut me̱cꞌoxla nak yal riqꞌuin elkꞌac te̱tau li tzꞌakal biomal. Usta cuan cꞌaꞌru e̱re, abanan me̱cꞌojob e̱chꞌo̱l saꞌ xbe̱n.

Deuteronomio 8:17

Incꞌaꞌ taxak te̱cꞌoxla nak riqꞌuin le̱ cuanquil ut riqꞌuin le̱ metzꞌe̱u cuan chixjunil li cꞌaꞌru e̱re.

1 Timoteo 6:10

Li xrahinquil ru li tumin, aꞌan xxeꞌ xto̱nal chixjunil li ma̱usilal. Cuanqueb li queꞌxtzꞌekta̱na lix pa̱ba̱l xban xrahinquil ru li tumin. Ut qꞌuila raylal queꞌxbok saꞌ xbe̱neb. Ut nequeꞌyotꞌotꞌnac saꞌ xchꞌo̱leb riqꞌuin li incꞌaꞌ us nequeꞌxba̱nu.

San Marcos 10:24

Lix tzolom queꞌsach xchꞌo̱leb nak queꞌrabi aꞌan. Aban li Jesús quixye cuiꞌchic reheb: —Ex cualal incꞌajol, cꞌajoꞌ xchꞌaꞌajquil nak teꞌoc saꞌ xnimajcual cuanquilal li Dios li nequeꞌxic xchꞌo̱l chirix lix biomal.

Sofonías 1:18

Chi moco lix plata chi moco lix oro ta̱ru̱k ta̱colok reheb chiru lix joskꞌil li Dios saꞌ li cutan aꞌan. Lix joskꞌil li Dios chanchan li xam nak tixsach chixjunil li ruchichꞌochꞌ. Chixjunileb li cuanqueb saꞌ ruchichꞌochꞌ teꞌosokꞌ chiru junpa̱t.

Ezequiel 29:9

La̱in tinsukꞌisi li naꞌajej Egipto chokꞌ chaki chꞌochꞌ. Ma̱cꞌaꞌ chic cua̱nk chi saꞌ. Ut eb li tenamit teꞌxqꞌue retal nak la̱in li Ka̱cuaꞌ li nimajcual Dios. La̱at caye, “Li nimaꞌ Nilo cue la̱in. La̱in quinyi̱ban re,” chancat.

Isaías 10:8

Lix reyeb laj Asiria naxye: —Chixjunileb li cuanqueb chokꞌ rey cuanqueb rubel incuanquil.

Eclesiastés 2:19

Ma̱ ani nanaꞌoc re ma cuan xnaꞌleb malaj ut ma̱cꞌaꞌ li ta̱oc chokꞌ cue̱kaj. Incꞌaꞌ ninnau ma cuan xnaꞌleb li ta̱e̱chani̱nk re li cꞌaꞌru cue li xinqꞌue inchꞌo̱l xcꞌanjelanquil riqꞌuin lin naꞌleb. Joꞌcan nak chixjunil li cꞌaꞌru xinba̱nu, ma̱cꞌaꞌ na-oc cuiꞌ.

1 Samuel 17:42

Laj filisteo quiril nak chꞌinaꞌus na-iloc laj David. Xban nak toj sa̱j al, incꞌaꞌ quixqꞌue xcuanquil.

Daniel 3:15

—Aꞌut anakcuan, ¿ma te̱ba̱nu li xinye? ¿Ma te̱cuikꞌib e̱rib ut te̱lokꞌoni li jalam u̱ch li xinyi̱b nak te̱rabi li xya̱b li trompeta, li xo̱lb, li tambor, li arpa, li salterio, li zampoña ut li cꞌaꞌak chic re ru chi cuajbil? Cui ut incꞌaꞌ nequelokꞌoni, saꞌ ajcuiꞌ li ho̱nal aꞌan texcutekꞌ saꞌ li horno li yo̱ xam chi saꞌ, ut ¿cꞌaꞌ na ru chi diosil ta̱colok e̱re saꞌ cuukꞌ? chan li rey.

1 Corintios 1:31

Joꞌcan nak caꞌaj cuiꞌ li Ka̱cuaꞌ takanimobresi. Joꞌcaꞌin tzꞌi̱banbil retalil saꞌ li Santil Hu: Mikanimobresi kib. Chikanimobresihak ban xcuanquil li Ka̱cuaꞌ.

Filipenses 3:8

Relic chi ya̱l chixjunil li cꞌaꞌak re ru xinba̱nu chak junxil ma̱cꞌaꞌ chic na-oc cuiꞌ chicuu anakcuan xban nak kꞌaxal cuiꞌchic nim xlokꞌal xpa̱banquil li Ka̱cuaꞌ Jesucristo. Re nak la̱inak chic re li Cristo, xintzꞌekta̱na chixjunil li xinba̱nu chak junxil. Aꞌan yal mul aj chic chicuu anakcuan.

Filipenses 3:10

Xincanab xba̱nunquil chixjunil li quinba̱nu chak junxil re nak tincua̱nk chi sum a̱tin riqꞌuin li Cristo. Nacuaj xcꞌulbal lix cuanquilal li Dios li quicuaclesin cuiꞌchic re li Cristo chi yoꞌyo saꞌ xya̱nkeb li camenak. Nacuaj tintzꞌako̱nk riqꞌuin li raylal li quixcꞌul ut nacuaj nak tinba̱nu joꞌ quixba̱nu li Cristo nak quixqꞌue rib chi ca̱mc.

Li xHu LAJ JOB 32:13

La̱ex incꞌaꞌ naru nequeye nak cuan le̱ naꞌleb xban nak incꞌaꞌ xexru xsumenquil laj Job. Caꞌaj cuiꞌ li Dios naru nasumen re li cꞌaꞌru yo̱ chixyebal laj Job.

Proverbios 3:5

Cauhak e̱chꞌo̱l riqꞌuin li Ka̱cuaꞌ. Me̱cꞌojob e̱chꞌo̱l e̱junes e̱rib yal xban nak cuan e̱naꞌleb.

Proverbios 21:30

Chiru li Ka̱cuaꞌ ma̱cꞌaꞌ na-oc cuiꞌ li naꞌleb re li ruchichꞌochꞌ.

Isaías 20:5

Cꞌajoꞌ nak teꞌsachk xchꞌo̱leb ut teꞌxuta̱na̱k eb li queꞌxcꞌojob xchꞌo̱leb saꞌ xbe̱neb laj Etiopía. Joꞌcan ajcuiꞌ teꞌxcꞌul eb li queꞌxqꞌue xlokꞌal laj Egipto.

Isaías 47:10

Xecꞌojob e̱chꞌo̱l riqꞌuin li ma̱usilal xeba̱nu ut xeye, “Ma̱ ani na-iloc ke,” chanquex. Xebalakꞌi e̱rib xban nak xecꞌoxla nak cuan e̱naꞌleb ut xeye, “La̱o kꞌaxal cuan kacuanquil. Ma̱ jun chic cuan xcuanquil joꞌ la̱o,” chanquex.

Jeremías 48:7

La̱ex texchapekꞌ ajcuiꞌ xban nak nequecꞌojob e̱chꞌo̱l saꞌ xbe̱n le̱ biomal. Ut laj Quemos le̱ dios ta̱chapekꞌ ut ta̱cꞌamekꞌ chi pre̱xil rochbeneb laj tij joꞌ eb ajcuiꞌ li cuanqueb xcuanquil.

Jeremías 49:4

¿Cꞌaꞌut nak nequenimobresi e̱rib xban li ru takꞌa li na-el cuiꞌ chi us li acui̱mk? La̱ex li incꞌaꞌ us e̱naꞌleb, ¿ma incꞌaꞌ nequeqꞌue retal nak ta̱sachekꞌ ru li ru takꞌa? ¿Cꞌaꞌut nak nequecꞌojob e̱chꞌo̱l saꞌ xbe̱n le̱ biomal? Ut nequeye “¿Ani ta cuiꞌ ta̱ru̱k chi cha̱lc chi pletic kiqꞌuin?” chanquex.

Li xHu LAJ JOB 41:15

Li rix kꞌaxal cau. Chanchan xcacuil li chꞌi̱chꞌ. Ut tzꞌaptzꞌo chi us.

Salmos 33:5

Li Ka̱cuaꞌ nacuulac chiru li ti̱quilal ut naxraheb li ti̱queb xchꞌo̱l. Ut li rusilal nacuan saꞌ chixjunil li ruchichꞌochꞌ.

Salmos 34:3

Chikalokꞌonihak li Ka̱cuaꞌ saꞌ comonil. Chikaqꞌuehak xlokꞌal lix cꞌabaꞌ chi junaj kacꞌaꞌux.

Salmos 44:9

Abanan anakcuan la̱at xoa̱canab kajunes ut xacꞌut kaxuta̱n. Incꞌaꞌ chic nocoa̱cuochbeni nak nocopletic riqꞌuineb li xicꞌ nequeꞌiloc ke.

Jeremías 31:34

Moco tento ta nak toj teꞌxye re li ras ri̱tzꞌin “¿Ma nacanau ani li tzꞌakal Dios?” xban nak chixjunileb, joꞌ cocꞌ joꞌ ni̱nk, teꞌxnau nak la̱in li Ka̱cuaꞌ Dios. Ut la̱in tincuyeb tinsacheb lix ma̱queb ut incꞌaꞌ chic ta̱nak saꞌ inchꞌo̱l lix ma̱usilaleb, chan li Ka̱cuaꞌ.

Jeremías 48:14

La̱ex aj Moab, ¿cꞌaꞌut nak nequeye nak la̱ex cha̱bil soldados ut cau e̱rib chi pletic?

Miqueas 6:8

Li Ka̱cuaꞌ incꞌaꞌ naraj aꞌan. Ac chꞌolchꞌo chiku li cꞌaꞌru us. Ac yebil ke cꞌaꞌru naraj li Ka̱cuaꞌ. Li Ka̱cuaꞌ naraj nak tocua̱nk saꞌ ti̱quilal ut takaqꞌue kachꞌo̱l chi uxta̱na̱nc u, ut chikacubsi kib re nak tocua̱nk chi sum a̱tin riqꞌuin li Dios.