Jeremías 9:19 - Li Santil hu

¹⁹ Toj aran Sión na-abi̱c li ya̱bac xban nak xo-osoꞌ. Numtajenak li kaxuta̱n xban nak tento nak takacanab li kanaꞌaj. Ut eb li kochoch juqꞌuinbil chic, chanqueb.

Q'eqchi Bible

¹⁹ Chalen chaq Sión na'ab'iik li rahil ch'oolejil: “Toq'ob' qu, k'ajo' naq yo qarahob'tesinkil! Relik chi yaal naq xookanab'aak sa' xutaan: xoo'isiik sa' li qatenamit ut li qochoch xkanaak chi po'lem”.

Jeremías 9:19 ပူးပေါင်းရင်းမြစ်များ

Jeremías 4:13

Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Deuteronomio 28:29

Yal te̱chꞌeꞌ aj chic le̱ be nak yo̱kex chi be̱c joꞌ nequeꞌxba̱nu li mutzꞌ nak nequeꞌxchꞌeꞌ lix be, usta chi cutan yo̱kex chi be̱c. Ut incꞌaꞌ te̱tau li be li texxic raj cuiꞌ. Incꞌaꞌ tex-e̱lk chi us riqꞌuin li cꞌaꞌru te̱ba̱nu. Junelic rahobtesinbilakex ut ta̱elkꞌa̱k li cꞌaꞌru e̱re. Ma̱ ani ta̱tenkꞌa̱nk e̱re.

Miqueas 2:10

Cuaclinkex ut ayukex xban nak li naꞌajej aꞌin incꞌaꞌ chic ta̱usa̱k. Xban li ma̱usilal nequeba̱nu, li naꞌajej aꞌin ta̱sachekꞌ.

Miqueas 2:4

Ut saꞌ eb li cutan aꞌan, eb li xicꞌ nequeꞌiloc e̱re texhob ut texretzꞌu ut teꞌxbicha li bich li nequebicha la̱ex yal re e̱hobbal: La̱o xo-osoꞌ. Xkasach chixjunil. Li Ka̱cuaꞌ quixmakꞌ chiku li kachꞌochꞌ ut quixjeqꞌui reheb li queꞌchapoc ke, chaꞌkeb e̱re.

Lamentaciones 5:2

Eb li jalaneb xtenamit queꞌxmakꞌ chiku li kanaꞌaj li xke̱chani junxil. Ut queꞌxmakꞌ ajcuiꞌ li kochoch.

Lamentaciones 4:15

Nequeꞌxye reheb: —Elenkex chiku. Muxbil e̱ru. Ayukex. Incꞌaꞌ tojilok e̱riqꞌuin, chanqueb li tenamit reheb. Queꞌe̱lelic ut queꞌco̱eb yalak bar saꞌ jalan tenamit. Ut eb li tenamit aꞌan queꞌxye: —Ma̱ jokꞌe naru teꞌcua̱nk saꞌ kaya̱nk.—

Jeremías 4:20

Tojeꞌ ajcuiꞌ xkacꞌul jun li raylal ut xchal jun chic saꞌ kabe̱n. Xsacheꞌ ru chixjunil li kanaꞌaj. Saꞌ junpa̱t xeꞌsacheꞌ ruheb li kamuheba̱l. Ut eb li tꞌicr xeꞌpejeꞌ.

Jeremías 2:14

¿Ma cuanqueb ta biꞌ chokꞌ lokꞌbil mo̱s eb laj Israel? ¿Ma re ta biꞌ nak teꞌcua̱nk chokꞌ rahobtesinbil mo̱s nak queꞌyoꞌla? ¿Cꞌaꞌut nak rahobtesinbileb anakcuan?

Levítico 20:22

Joꞌcan nak cheba̱nu chixjunil li chakꞌrab li yo̱quin chixqꞌuebal e̱re ut te̱pa̱b le̱ taklanquil re nak incꞌaꞌ tex-isi̱k saꞌ li naꞌajej Canaán li texincꞌam cuiꞌ la̱in.

Levítico 18:28

Cui la̱ex te̱ba̱nu li ma̱usilal joꞌ queꞌxba̱nu eb aꞌan, te̱mux ru li naꞌajej ut naru nequex-isi̱c saꞌ le̱ naꞌaj joꞌ nak queꞌisi̱c eb aꞌan.

Levítico 18:25

Xban li ma̱usilal li queꞌxba̱nu, queꞌxmux ru li naꞌajej. Joꞌcan nak la̱in tinqꞌueheb chixtojbal rix lix ma̱queb nak teꞌisi̱k saꞌ lix naꞌajeb.

Jeremías 7:15

Texintzꞌekta̱na joꞌ nak quintzꞌekta̱naheb chixjunileb le̱ rechꞌalal, li ralal xcꞌajol laj Efraín. La̱in li Ka̱cuaꞌ ninyehoc re aꞌin.—

Jeremías 7:19

Abanan, ¿ma cue ta biꞌ la̱in yo̱queb chixba̱nunquil li raylal? ¿Ma ma̱cuaꞌ ta biꞌ aꞌaneb li teꞌxsach ribeb riqꞌuin li cꞌaꞌru nequeꞌxba̱nu?

Jeremías 7:29

La̱ex aj Jerusalén, besomak li rismal le̱ jolom ut cutumak chi najt. Ut ocankex chi ya̱bac saꞌ xbe̱neb li tzu̱l. Li Ka̱cuaꞌ xextzꞌekta̱na xban nak yo̱ xjoskꞌil saꞌ e̱be̱n la̱ex lix tenamit.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Isaías 32:9

La̱ex ixk aj Jerusalén, li ma̱cꞌaꞌ e̱cꞌaꞌux, cheqꞌuehak retal li oc cue chixyebal. La̱ex li cꞌojcꞌo e̱chꞌo̱l anakcuan cherabihak li cua̱tin.

Ezequiel 27:2

—At ralal cui̱nk, bicha li bich re rahil chꞌo̱lej chirixeb laj Tiro.