Jeremías 9:15 - Li Santil hu

¹⁵ Joꞌcan nak la̱in li nimajcual Dios, lix Dioseb laj Israel, tinqꞌue li raylal saꞌ xbe̱neb. Chanchan nak tinqꞌue chixtzacaheb li cꞌahil tzacae̱mk. Ut chanchan tinqꞌue li haꞌ li banbil xsaꞌ chiruqꞌueb.

Q'eqchi Bible

¹⁵ Jo'kan naq laa'in, li Nimajwal Yos, li xYos laj Israel, ninye chi jo'ka'in: Tink'eheb' chi xtzekankil li ch'am aj tzekemq ut tink'eheb' chi uk'ak li ha' nakamsink.

Jeremías 9:15 ပူးပေါင်းရင်းမြစ်များ

Jeremías 8:14

Eb lix tenamit li Dios queꞌxye: —¿Cꞌaꞌut nak tocana̱k arin? Takachꞌutub kib ut toxic saꞌ eb li tenamit li cauresinbil chi us re takacol cuiꞌ kib. Aran toca̱mk xban nak li Ka̱cuaꞌ li kaDios quixye nak to-osokꞌ. Chanchan nak xqꞌue li haꞌ li banbil xsaꞌ chikucꞌ re toca̱mk xban nak xoma̱cob chiru.

Lamentaciones 3:15

Junes raylal nincꞌul. Chanchan nak junes cꞌa chic li nintzaca.

Salmos 80:5

Cꞌajoꞌ li ya̱bac nakaba̱nu xban nak incꞌaꞌ nocoa̱sume. Incꞌaꞌ chic nakacꞌoxla tzaca̱nc. Aꞌ chic li ya̱bac nakaba̱nu.

Jeremías 23:15

Aꞌan aꞌin li quixye li Ka̱cuaꞌ li nimajcual Dios chirixeb li profeta: Xban li ma̱c queꞌxba̱nu li profetas aj Jerusalén, xnumta li ma̱c saꞌ chixjunil li naꞌajej aꞌin. Xban li ma̱c queꞌxba̱nu, la̱in tinqꞌue raylal saꞌ xbe̱neb. Chanchan nak tinqꞌue li tzacae̱mk cꞌa chixtzacaheb ut chanchan nak tinqꞌue li haꞌ li banbil xsaꞌ chiruqꞌueb, chan.

Apocalipsis 8:11

Li chahim aꞌan, Cꞌa xcꞌabaꞌ. Caꞌchꞌin chic ma̱ yijach li haꞌ quicꞌahoꞌ ut nabaleb li tenamit queꞌcam xban nak queꞌrucꞌ li cꞌahil haꞌ.

Lamentaciones 3:19

La̱in nincꞌoxlac chirix chixjunil li raylal ut li rahil chꞌo̱lejil li nincꞌul. Nacuecꞌa tzꞌakal xmay li raylal li nincꞌul.

Jeremías 25:15

Joꞌcaꞌin quixye cue li Ka̱cuaꞌ lix Dioseb laj Israel: —Chap li secꞌ li tinqꞌue a̱cue li nujenak riqꞌuin vino retalil lin joskꞌil ut ta̱qꞌue chiruqꞌueb chixjunileb li xni̱nkal ru tenamit li tatintakla cuiꞌ.

Isaías 2:22

Me̱cꞌojob e̱chꞌo̱l saꞌ xbe̱neb li cristian xban nak eb aꞌan ma̱cꞌaꞌ nequeꞌoc cuiꞌ. Moco najt ta nequeꞌcuan. ¿Cꞌaꞌru aj e nak te̱qꞌueheb xlokꞌal?

Isaías 2:17

Eb li nequeꞌxnimobresi ribeb ut eb li nequeꞌxkꞌetkꞌeti ribeb ta̱cubsi̱k xcuanquileb. Saꞌ eb li cutan aꞌan caꞌaj cuiꞌ li Ka̱cuaꞌ Dios ta̱nima̱k xcuanquil.

Salmos 75:8

Ta̱cuulak xkꞌehil nak li Dios ta̱rakok a̱tin saꞌ xbe̱neb li incꞌaꞌ useb xnaꞌleb. Chanchan nak cuan jun secꞌ li cꞌahil vino saꞌ rukꞌ ut tixhoy ut teꞌrucꞌ toj retal teꞌxchoy. Joꞌcan tixba̱nu li Dios nak ta̱rakok a̱tin saꞌ xbe̱neb toj retal teꞌrecꞌa xrahil li tojba ma̱c li tixqꞌue saꞌ xbe̱neb.

Salmos 69:21

Nak quintzꞌoca, cꞌa queꞌxqꞌue chintzaca, ut nak ta̱chakik cue, vinagre queꞌxqꞌue chicuucꞌ.

Salmos 60:3

Cꞌajoꞌ li raylal xaqꞌue saꞌ kabe̱n. Chanchan nak xoa̱qꞌue chi ucꞌac vino. Chanchan tocala̱k xocana xban li raylal li xaqꞌue saꞌ kabe̱n.

Deuteronomio 29:18

Cheqꞌue retal nak ma̱ jun saꞌ e̱ya̱nk tixtzꞌekta̱na li Ka̱cuaꞌ le̱ Dios re tixlokꞌoniheb lix jalanil dios li jalaneb xtenamit. Ma̱ jun taxak saꞌ e̱ya̱nk tixba̱nu aꞌan, chi moco li cui̱nk, chi moco li ixk, chi moco jun cabalak, chi moco jun xte̱paleb. Incꞌaꞌ te̱ba̱nu chi joꞌcan re nak ma̱cuaꞌakex joꞌ li cꞌahil kꞌe̱n li nacamsin.

Deuteronomio 28:36

Li Ka̱cuaꞌ texqꞌue chi cꞌamecꞌ la̱ex joꞌ ajcuiꞌ le̱ rey saꞌ jalan tenamit li incꞌaꞌ nequenau ru, chi moco le̱ xeꞌto̱nil yucuaꞌ queꞌxnau ru. Ut aran te̱lokꞌoni li jalanil dios li yi̱banbileb riqꞌuin cheꞌ ut riqꞌuin pec.

Jeremías 24:10

Tebinkꞌaxtesi saꞌ rukꞌeb li xicꞌ nequeꞌiloc reheb saꞌ li ple̱t. Tintakla cueꞌej ut yajel saꞌ xbe̱neb toj retal teꞌosokꞌ saꞌ li naꞌajej li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ, chan li Ka̱cuaꞌ.

Jeremías 44:27

La̱in tinba̱nu̱nk re nak incꞌaꞌ us tex-e̱lk. Ta̱sachekꞌ e̱ru. Eb laj judío li cuanqueb Egipto teꞌca̱mk. Teꞌcamsi̱k riqꞌuin chꞌi̱chꞌ saꞌ li ple̱t malaj ut xban cueꞌej.

Jeremías 49:37

Tincanabeb laj Elam chi sachecꞌ ruheb xbaneb li xicꞌ nequeꞌiloc reheb, li teꞌajok xcamsinquileb. Xban nak xnumta lin joskꞌil saꞌ xbe̱neb, la̱in tintakla xcamsinquileb chi chꞌi̱chꞌ toj retal nak teꞌosokꞌ chixjunileb, chan li Ka̱cuaꞌ.

Ezequiel 5:2

Jun jachal la̱ cuismal ta̱cꞌat saꞌ xyi li tenamit nak ac xrakeꞌ li ple̱t. Ut li jun jachal chic ta̱seti chi chꞌi̱chꞌ chixjun sutam li tenamit. Ut li jun jachal chic ta̱cut saꞌ ikꞌ ut ta̱cꞌamekꞌ yalak bar. Ut la̱in tincua̱linaheb li tenamit riqꞌuin chꞌi̱chꞌ.

Ezequiel 5:12

Jun jachal le̱ tenamit teꞌca̱mk xban caki yajel ut cueꞌej. Ut li jun jachal chic teꞌcamsi̱k chi chꞌi̱chꞌ chirix le̱ tenamit. Ut li jun jachal chic tebinjeqꞌui ru saꞌ jalan tenamit. Chanchan cutbileb saꞌ ikꞌ tinba̱nu reheb nak tincua̱linaheb chi chꞌi̱chꞌ.