Jeremías 9:14 - Li Santil hu

¹⁴ Queꞌxba̱nu ban li cꞌaꞌru nequeꞌraj eb aꞌan xban xcacuilal xchꞌo̱leb. Ut queꞌxlokꞌoniheb li yi̱banbil dios Baal joꞌ quicꞌuteꞌ chiruheb xban lix xeꞌto̱nil yucuaꞌeb.

Q'eqchi Bible

¹⁴ ke'xb'aanu b'an chik li nawulak chiruheb' jo' chanru xkawilal li xjolomeb', ut ke'xloq'oni ru laj Bahal, jo' ke'tzole'k wi' chaq xb'aaneb' li xna' xyuwa'eb'.

Jeremías 9:14 ပူးပေါင်းရင်းမြစ်များ

Jeremías 7:24

Abanan eb aꞌan incꞌaꞌ queꞌraj xba̱nunquil li cꞌaꞌru quinye. Queꞌxcacuubresi ban lix chꞌo̱leb. Queꞌxba̱nu li ma̱usilal li queꞌraj xba̱nunquil xjuneseb. Incꞌaꞌ queꞌabin chicuu. Kꞌaxal cuiꞌchic nabal li ma̱usilal queꞌxba̱nu.

Jeremías 3:17

Saꞌ eb li cutan aꞌan li tenamit Jerusalén “Xcꞌojariba̱l li Ka̱cuaꞌ” chic tixcꞌabaꞌin. Ut chixjunileb li xni̱nkal ru tenamit teꞌxchꞌutub ribeb aran chixqꞌuebal inlokꞌal la̱in li Ka̱cuaꞌ. Ut incꞌaꞌ chic teꞌxcacuubresi xchꞌo̱leb chixba̱nunquil li ma̱usilal li queꞌxrahi ru xba̱nunquil junxil.

1 Pedro 1:18

La̱ex nequenau nak xban li Dios colbilex chic chiru li joꞌ ma̱joꞌil naꞌleb li quilajeꞌxcꞌut chak che̱ru le̱ xeꞌto̱nil yucuaꞌ. Moco colbilex ta riqꞌuin cꞌaꞌak re ru na-osoꞌ joꞌ li oro ut li plata.

Efesios 2:3

Joꞌcan ajcuiꞌ la̱o aj judío. Junxil xkaba̱nu chak li ma̱usilal li naxrahi ru li kachꞌo̱l xba̱nunquil. Xkaba̱nu li incꞌaꞌ us li xkaj xba̱nunquil kajunes. Joꞌcan nak tento raj takacꞌul xtojbal li kama̱c joꞌ eb chixjunileb li incꞌaꞌ nequeꞌraj pa̱ba̱nc.

Gálatas 1:14

La̱in li kꞌaxal cuiꞌchic quinqꞌue inchꞌo̱l chiruheb li cuech sa̱jilal chixba̱nunquil li cꞌaꞌru naxye lix pa̱ba̱leb laj judío. Ut kꞌaxal cuiꞌchic quinba̱nu li naꞌleb canabanbil ke xbaneb li kaxeꞌ kato̱n.

Jeremías 2:8

Eb laj tij incꞌaꞌ queꞌxcꞌoxla insicꞌbal. Eb li nequeꞌxcꞌut li chakꞌrab chiruheb li tenamit incꞌaꞌ queꞌxqꞌue inlokꞌal. Eb li nequeꞌtaklan saꞌ xbe̱neb laj Israel queꞌxkꞌet li cua̱tin. Ut eb li profetas queꞌa̱tinac saꞌ xcꞌabaꞌ li yi̱banbil dios Baal, ut queꞌxlokꞌoniheb li jalanil dios li ma̱cꞌaꞌ nequeꞌoc cuiꞌ.

Génesis 6:5

Li Ka̱cuaꞌ Dios quiril nak yo̱ chi numta̱c lix ma̱queb li cristian saꞌ ruchichꞌochꞌ. Caꞌaj cuiꞌ li ma̱usilal nequeꞌxcꞌoxla.

Jeremías 44:17

La̱o takaba̱nu chixjunil li cꞌaꞌru xkaye. Takacꞌat kapom chiru li kanaꞌ po, li nequeꞌxye “Reina del Cielo” re. Takamayeja li kavino chiru joꞌ queꞌxba̱nu li kayucuaꞌ ut eb li karey joꞌ eb ajcuiꞌ li xeꞌtaklan saꞌ kabe̱n saꞌ eb li tenamit li cuanqueb Judá ut aran Jerusalén. Saꞌ eb li cutan aꞌan sa saꞌ kachꞌo̱l ut cuan nabal katzacae̱mk. Ma̱ jun cua xkacꞌul raylal.

Jeremías 2:23

¿Cꞌaꞌut nak nequeye nak incꞌaꞌ xemux e̱rib? ¿Cꞌaꞌut nak nequeye nak incꞌaꞌ xelokꞌoniheb li jalanil dios? Qꞌuehomak retal cꞌaꞌru xeba̱nu saꞌ li ru takꞌa. Cꞌoxlahomak li ma̱usilal xeba̱nu. Chanchanex li camello li yo̱queb chi a̱linac yalak bar chixsicꞌbal lix sum.

Jeremías 11:8

Abanan eb aꞌan incꞌaꞌ queꞌrabi li cꞌaꞌru quinye. Queꞌxba̱nu ban li ma̱usilal li queꞌraj xba̱nunquil eb aꞌan. Joꞌcan nak tinqꞌue saꞌ xbe̱neb li raylal li quinye chak saꞌ li contrato.

Jeremías 13:10

Eb li tenamit aꞌin numtajenak lix ma̱usilaleb ut kꞌaxal cauheb xchꞌo̱l. Queꞌxkꞌet li cua̱tin ut queꞌxcuikꞌib ribeb chiruheb li jalanil dios re teꞌxlokꞌoni ut queꞌcꞌanjelac chiruheb. Joꞌcan nak tinsacheb. Chanchanakeb chic li cꞌa̱mal saꞌ aꞌin li ma̱cꞌaꞌ chic na-oc cuiꞌ.

Jeremías 16:12

Ut la̱ex kꞌaxal cuiꞌchic yibru nequeba̱nu chiru li queꞌxba̱nu le̱ xeꞌto̱nil yucuaꞌ. Nequeba̱nu li ma̱usilal li nequeraj xba̱nunquil yal e̱junes ut incꞌaꞌ us le̱ naꞌleb. Incꞌaꞌ nequeba̱nu li cꞌaꞌru naxye li Ka̱cuaꞌ.

Jeremías 23:27

¿Ma nequeꞌxcꞌoxla ta biꞌ li profeta aꞌan nak tineꞌxtzꞌekta̱na lin tenamit riqꞌuin li cꞌaꞌru nequeꞌxye chi ribileb rib joꞌ queꞌxba̱nu lix xeꞌto̱nil yucuaꞌ nak queꞌxlokꞌoni li yi̱banbil dios Baal?

Amós 2:4

Ut quixye cuiꞌchic li Ka̱cuaꞌ: —Nabal sut ac xincuy xma̱queb laj Judá. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌxtzꞌekta̱na lin chakꞌrab ut incꞌaꞌ nequeꞌxba̱nu li cꞌaꞌru ninye reheb. Queꞌxlokꞌoni li yi̱banbil dios joꞌ queꞌxba̱nu lix naꞌ xyucuaꞌeb.

Li xHu LAJ JOB 9:18

Junes rahil chꞌo̱lej yo̱quin chixcꞌulbal. Incꞌaꞌ niquinixqꞌue chi hila̱nc caꞌchꞌinak.

Jeremías 8:14

Eb lix tenamit li Dios queꞌxye: —¿Cꞌaꞌut nak tocana̱k arin? Takachꞌutub kib ut toxic saꞌ eb li tenamit li cauresinbil chi us re takacol cuiꞌ kib. Aran toca̱mk xban nak li Ka̱cuaꞌ li kaDios quixye nak to-osokꞌ. Chanchan nak xqꞌue li haꞌ li banbil xsaꞌ chikucꞌ re toca̱mk xban nak xoma̱cob chiru.

Jeremías 23:15

Aꞌan aꞌin li quixye li Ka̱cuaꞌ li nimajcual Dios chirixeb li profeta: Xban li ma̱c queꞌxba̱nu li profetas aj Jerusalén, xnumta li ma̱c saꞌ chixjunil li naꞌajej aꞌin. Xban li ma̱c queꞌxba̱nu, la̱in tinqꞌue raylal saꞌ xbe̱neb. Chanchan nak tinqꞌue li tzacae̱mk cꞌa chixtzacaheb ut chanchan nak tinqꞌue li haꞌ li banbil xsaꞌ chiruqꞌueb, chan.

Lamentaciones 3:15

Junes raylal nincꞌul. Chanchan nak junes cꞌa chic li nintzaca.