Jeremías 9:12 - Li Santil hu

¹² ¿Ani ta biꞌ ta̱ru̱k tixtau ru cꞌaꞌru xya̱lal li yo̱ chi cꞌulma̱nc? ¿Ma cuan ta biꞌ junak quiqꞌueheꞌ xnaꞌleb xban li Ka̱cuaꞌ re ta̱ru̱k tixchꞌolob xya̱lal? ¿Cꞌaꞌut nak quisach ru li naꞌajej aꞌin? Chanchan chic li chaki chꞌochꞌ quicana. Ut ma̱ ani chic nanumeꞌ aran, chan laj Jeremías.

Q'eqchi Bible

¹² Ani tz'aqal wank xna'leb' chi xtawb'al ru a'in? Ani x'aatinaak xb'aan li Qaawa'? Xyehaq anaqwan. K'a'ut naq x'oso'k li qana'aj ut xkanaak jo' li chaqich'och', chi maajun chik nanume'k aran?

Jeremías 9:12 ပူးပေါင်းရင်းမြစ်များ

Oseas 14:9

Cui cuan junak saꞌ e̱ya̱nk cuan xnaꞌleb chixtaubal ru li tzꞌi̱banbil arin, chixqꞌuehak retal lix ya̱lal. Li cꞌaꞌru naxba̱nu li Ka̱cuaꞌ, aꞌan ti̱c ut cha̱bil. Ut eb li ti̱queb xchꞌo̱l nequeꞌxba̱nu li cꞌaꞌru naraj li Dios. Aꞌut li kꞌetkꞌeteb teꞌosokꞌ xban nak incꞌaꞌ nequeꞌxba̱nu li cꞌaꞌru naraj li Dios.

Salmos 107:43

Li ani cuanqueb xnaꞌleb cheꞌxqꞌuehak retal li cꞌaꞌru naxba̱nu li Dios ut cheꞌxqꞌuehak retal nak kꞌaxal nim li ruxta̱n.

Salmos 107:34

Ut li chꞌochꞌ li cha̱bil na-el li acui̱mk chiru, naxsukꞌisi chi ma̱cꞌaꞌ chic na-el chiru. Naxba̱nu chi joꞌcan xban li ma̱usilal li nequeꞌxba̱nu li tenamit.

Deuteronomio 32:29

Us raj cui cuan xnaꞌlebeb. Us raj nak teꞌxqꞌue retal li raylal li teꞌxcꞌul. Ut us raj ajcuiꞌ cui teꞌxqꞌue retal chanru nak teꞌosokꞌ.

Apocalipsis 1:3

Us xak re li ani naril xsaꞌ li hu aꞌin ut naxqꞌue retal li cꞌaꞌru naxye. Us xak re li ani naxba̱nu li cꞌaꞌru tzꞌi̱banbil chi saꞌ xban nak relic chi ya̱l nak yo̱ chi cuulac xkꞌehil nak ta̱cꞌulma̱nk li cꞌaꞌru naxye.

San Mateo 24:15

Chetzolak rix chi us li cꞌaꞌru quixye li profeta Daniel re nak te̱tau ru li cꞌaꞌru ta̱cꞌulma̱nk. Aꞌan quixye nak eb laj balakꞌ teꞌrocsi saꞌ li rochoch li Dios bar ma̱cuaꞌ xcꞌulub cuiꞌ cua̱nc li kꞌaxal yibru ut xucuajel rilbal xban lix ma̱usilal, ut riqꞌuin aꞌan teꞌxmux ru lix templo li Dios. (Dan. 9:27; 12:11)

Ezequiel 14:23

Nak te̱ril lix yibal ru lix yehom xba̱nuhomeb ta̱cꞌojla̱k e̱chꞌo̱l xban nak te̱qꞌue retal nak xcꞌulubeb xcꞌulbal li tojba ma̱c li xinqꞌue saꞌ xbe̱neb, chan li Ka̱cuaꞌ li nimajcual Dios.

Isaías 42:23

¿Ma cuan junak saꞌ e̱ya̱nk la̱ex ta̱raj rabinquil li cꞌaꞌru xcꞌulman? Ut, ¿ma cuan junak ta̱raj tixjultica mokon?

Jeremías 9:20

Laj Jeremías quixye: —La̱in quinye reheb, “La̱ex ixk, abihomak li cꞌaꞌru naxye li Ka̱cuaꞌ. Qꞌuehomak retal li naxye. Cꞌutumak chiruheb le̱ coꞌ chanru teꞌya̱bak. Ut cꞌutumak ajcuiꞌ li bich re rahil chꞌo̱lej chiruheb le̱ rami̱g.

Jeremías 23:10

Saꞌ li naꞌajej aꞌin nabaleb li nequeꞌxmux ru xsumlajiqueb. Eb li tenamit yalyo̱queb xkꞌe chixba̱nunquil li ma̱usilal. Xban nak li cuanqueb saꞌ xcuanquil nequeꞌxba̱nu li cꞌaꞌru nequeꞌraj xjuneseb, joꞌcan nak li Ka̱cuaꞌ quixtzꞌekta̱na li chꞌochꞌ. Chaki chic li chꞌochꞌ ut chaki chic li pachꞌayaꞌ.

Jeremías 23:16

Li Ka̱cuaꞌ li nimajcual Dios quixye reheb li cuanqueb Jerusalén: —Me̱rabi li cꞌaꞌru nequeꞌxye eb li profeta aꞌin. Junes ticꞌtiꞌ nequeꞌxye. Yal cꞌoxlanbil xbaneb aꞌan. Ma̱cuaꞌ la̱in quinyehoc re.

Jeremías 23:22

Cui ta queꞌxnau li cꞌaꞌru cuan saꞌ inchꞌo̱l la̱in, queꞌxye raj li cua̱tin reheb lin tenamit. Ut eb aꞌan queꞌsukꞌi raj cuiqꞌuin ut queꞌxcanab raj xba̱nunquil li ma̱usilal.

Jeremías 23:28

Li ani namatqꞌuec chixyehak cꞌaꞌru lix matcꞌ. Ut li ani naxnau li cua̱tin, chixyehak resil chi anchal xchꞌo̱l. ¿Ma kꞌaxal us ta biꞌ li qꞌuim chiru li trigo?

Joel 1:11

Chiyotꞌekꞌ e̱chꞌo̱l la̱ex li nequex-au uvas ut trigo. Chexya̱bak xban nak xsacheꞌ le̱ racui̱mk ut ma̱cꞌaꞌ chic le̱ trigo chi moco le̱ cebada.

Sofonías 3:6

Ut quixye li Ka̱cuaꞌ: —Nabaleb li xni̱nkal ru tenamit xinsacheb. Ma̱cꞌaꞌ chic cristian xeꞌcana saꞌ li naꞌajej. Xinsach ruheb chi junaj cua. Naquirnac saꞌ eb li be. Ma̱ ani chic nanumeꞌ aran. Xinsacheb lix tenamit chi junaj cua.

Oseas 4:10

Te̱tzaca li nequeꞌxmayeja li tenamit, abanan incꞌaꞌ ta̱cꞌojla̱k e̱chꞌo̱l. Te̱lokꞌoni li jalanil dios, ut te̱tzꞌa̱ma e̱cocꞌal chiru. Abanan incꞌaꞌ chic teꞌcua̱nk le̱ ralal e̱cꞌajol. Incꞌaꞌ chic texta̱mk xban nak niquine̱tzꞌekta̱na la̱in.