Jeremías 9:10 - Li Santil hu

¹⁰ Laj Jeremías quixye: —La̱in tinya̱bak chirix li cꞌaꞌru quixcꞌul li tzu̱l ut li pachꞌayaꞌ. Xeꞌcana chi ma̱cꞌaꞌ chic cuan chiru ut ma̱ ani chic nanumeꞌ aran. Incꞌaꞌ chic nequeꞌabi̱c chi ya̱bac li cuacax. Queꞌe̱lelic li xul li nequeꞌrupupic chiru choxa. Ut queꞌe̱lelic ajcuiꞌ chixjunileb li joskꞌ aj xul, chan.

Q'eqchi Bible

¹⁰ “Chexyaab'aq ut chexq'oqonq chirixeb' li tzuul, b'ichahomaq junaq b'ich re rahil ch'oolej chirixeb' li taq'a, xb'aan naq xe'choqleek ut maajun chik nanume'k aran. Ink'a' chik neke'me'lok li wakax; eb' li xik'anel xul chiru choxa ut eb' li josq' aj xul xe'elelikje'k.

Jeremías 9:10 ပူးပေါင်းရင်းမြစ်များ

Jeremías 12:4

¿Joꞌ najtil chic ta̱cua̱nk li kachꞌochꞌ chi ma̱cꞌaꞌ cuan chi saꞌ? ¿Joꞌ najtil chic ta̱cana̱k li pachꞌayaꞌ chi chaki? ¿Ma ma̱cuaꞌ ta biꞌ xban lix ma̱usilaleb li tenamit nak queꞌsacheꞌ ru li xul li nequeꞌrupupic joꞌ eb ajcuiꞌ li queto̱mk? Eb aꞌan yo̱queb chixyebal: “Li Dios incꞌaꞌ ta̱ril chanru nak to-osokꞌ,” chanqueb.—

Oseas 4:3

Xban li ma̱usilal li nequeꞌxba̱nu, li chꞌochꞌ ta̱chakik ut ma̱cꞌaꞌ chic ta̱e̱lk chiru. Chixjunil li cuan chiru ta̱ca̱mk. Chixjunil li xul saꞌ qꞌuicheꞌ joꞌqueb ajcuiꞌ li nequeꞌrupupic chiru choxa telajeꞌca̱mk ut telajeꞌca̱mk ajcuiꞌ li car li nequeꞌcuan saꞌ li palau.

Ezequiel 33:28

La̱in tinsach ru li naꞌajej ut ma̱cꞌaꞌ chic ta̱cua̱nk chi saꞌ. Tinsach lix cuanquileb li queꞌxkꞌetkꞌeti cuiꞌ ribeb. Ma̱cꞌaꞌ chic tincanab saꞌ eb li tzu̱l li cuanqueb Israel toj retal nak ma̱ ani ta̱numekꞌ aran.

Ezequiel 29:11

Ma̱ jun li cristian chi moco li xul teꞌnumekꞌ aran. Chiru caꞌcꞌa̱l (40) chihab ma̱cꞌaꞌ ta̱cua̱nk aran.

Ezequiel 14:15

Malaj ut tintakla li joskꞌ aj xul saꞌ li tenamit chixcamsinquileb li cristian, ma̱cꞌaꞌak chic cristian teꞌcana̱k aran. Ut ma̱ ani chic ta̱ru̱k ta̱numekꞌ aran xbaneb li joskꞌ aj xul.

Jeremías 12:10

Nabaleb li jalan tenamit li cuanqueb xcuanquil xeꞌxsach ru lix naꞌaj li cuacui̱mk. Xeꞌxyekꞌi saꞌ rokeb li cuacui̱mk. Ut xeꞌxsukꞌisi lin cha̱bil naꞌaj joꞌ chaki chꞌochꞌ xban nak ma̱cꞌaꞌ chic cuan aran.

Jeremías 7:29

La̱ex aj Jerusalén, besomak li rismal le̱ jolom ut cutumak chi najt. Ut ocankex chi ya̱bac saꞌ xbe̱neb li tzu̱l. Li Ka̱cuaꞌ xextzꞌekta̱na xban nak yo̱ xjoskꞌil saꞌ e̱be̱n la̱ex lix tenamit.

Lamentaciones 2:11

Incꞌaꞌ chic sa nin-iloc xban li ya̱bac ninba̱nu. Nayotꞌeꞌ li cua̱m xban xrahil inchꞌo̱l xban nak queꞌsacheꞌ ruheb lin tenamit. Ut li cocꞌal nequeꞌcam saꞌ be xban xtzꞌocajiqueb.

Lamentaciones 1:16

Xban li raylal li yo̱co chixcꞌulbal, nocoya̱bac. Natꞌuluc xyaꞌal ku. Ma̱ ani nacꞌojoban kachꞌo̱l ut ma̱ ani naru naqꞌuehoc xcacuil kachꞌo̱l. Ut eb li kalal kacꞌajol xeꞌcana chi ma̱cꞌaꞌ chic cuan reheb xban nak eb li xicꞌ nequeꞌiloc ke xeꞌnumta saꞌ kabe̱n.

Jeremías 23:10

Saꞌ li naꞌajej aꞌin nabaleb li nequeꞌxmux ru xsumlajiqueb. Eb li tenamit yalyo̱queb xkꞌe chixba̱nunquil li ma̱usilal. Xban nak li cuanqueb saꞌ xcuanquil nequeꞌxba̱nu li cꞌaꞌru nequeꞌraj xjuneseb, joꞌcan nak li Ka̱cuaꞌ quixtzꞌekta̱na li chꞌochꞌ. Chaki chic li chꞌochꞌ ut chaki chic li pachꞌayaꞌ.

Jeremías 14:6

Eb li bu̱r li cuanqueb saꞌ qꞌuicheꞌ nequeꞌxakli saꞌ xbe̱n li bol chixcꞌulbal li ikꞌ joꞌ nequeꞌxba̱nu laj xoj. Moymoy chic saꞌ ruheb xban nak ma̱cꞌaꞌ chic richajeb.—

Jeremías 8:18

Laj Jeremías quixye: —At Ka̱cuaꞌ, cꞌajoꞌ xrahil inchꞌo̱l. Incꞌaꞌ chic nincuy.

Jeremías 2:6

Incꞌaꞌ chic queꞌxcꞌoxla insicꞌbal, usta la̱in quin-isin chak reheb saꞌ li naꞌajej Egipto ut usta la̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ cuan ut bar xiu xiu cuiꞌ li cua̱nc. La̱in quincꞌamoc be chiruheb nak queꞌnumeꞌ saꞌ li naꞌajej bar ma̱cꞌaꞌ haꞌ, chi moco cuanqueb cristian, chi moco queꞌnumeꞌ cristian aran.

Isaías 49:19

Usta xsacheꞌ ru la̱ tenamit ut xtzꞌekta̱na̱c la̱ chꞌochꞌ, abanan teꞌnabalokꞌ cuiꞌchic li tenamit ut incꞌaꞌ chic ta̱tzꞌaklok li naꞌajej chokꞌ reheb. Ut eb li xeꞌsachoc a̱cuu teꞌcua̱nk chi najt.

Isaías 41:15

La̱in tinqꞌue e̱cuanquil chi numta̱c saꞌ xbe̱neb li xicꞌ nequeꞌiloc e̱re. Chanchanakex chic li cꞌanjeleba̱l re risinquil li rix li trigo, li kꞌes ut toj acꞌ. Texnumta̱k saꞌ xbe̱neb li xicꞌ nequeꞌiloc e̱re. Chanchan nak te̱puqꞌui li tzu̱l re nak teꞌcꞌamekꞌ xban li ikꞌ.

Jeremías 50:3

Jun li nimla tenamit ta̱cha̱lk chak saꞌ li norte chi pletic riqꞌuineb laj Babilonia ut tixsach ruheb. Ma̱cꞌaꞌ chic ta̱cua̱nk aran, chi moco cristian, chi moco xul.”

Ezequiel 27:2

—At ralal cui̱nk, bicha li bich re rahil chꞌo̱lej chirixeb laj Tiro.

Joel 1:13

La̱ex aj tij, li nequexcꞌanjelac chiru lix artal li Ka̱cuaꞌ, chexya̱bak ut cheqꞌuehak e̱rakꞌ kꞌes ru che̱rix re rahil chꞌo̱lej. Ut chenumsihak li kꞌojyi̱n chi ra saꞌ le̱ chꞌo̱l xban nak ma̱cꞌaꞌ chic li cꞌaꞌru te̱mayeja chiru li artal saꞌ lix templo li Ka̱cuaꞌ.

Joel 1:19

At Ka̱cuaꞌ, a̱cuiqꞌuin yo̱quin chixtzꞌa̱manquil katenkꞌanquil. La̱at nacanau nak li xam xcꞌat chixjunil li pim ut xeꞌcꞌat ajcuiꞌ chixjunil li cheꞌ saꞌ eb li cꞌaleba̱l.

Amós 5:1

Abihomak li a̱tin aꞌin li oc cue xyebal anakcuan. Tinbicha jun li bich re rahil chꞌo̱lej xban li raylal li cha̱lc re saꞌ e̱be̱n, la̱ex laj Israel.

Amós 5:16

Joꞌcaꞌin quixye li Ka̱cuaꞌ, li nimajcual Dios: —Saꞌ eb li be japjo̱k e̱re chi ya̱bac xban li raylal li yo̱kex chixcꞌulbal. Te̱bokeb li cuanqueb saꞌ cꞌaleba̱l chi ya̱bac e̱riqꞌuin ut te̱bokeb ajcuiꞌ li tojbileb chi ya̱bac.

Miqueas 2:4

Ut saꞌ eb li cutan aꞌan, eb li xicꞌ nequeꞌiloc e̱re texhob ut texretzꞌu ut teꞌxbicha li bich li nequebicha la̱ex yal re e̱hobbal: La̱o xo-osoꞌ. Xkasach chixjunil. Li Ka̱cuaꞌ quixmakꞌ chiku li kachꞌochꞌ ut quixjeqꞌui reheb li queꞌchapoc ke, chaꞌkeb e̱re.

Jeremías 2:15

Chanchan nak nequeꞌxjap re li cakcoj xban xjoskꞌileb nak queꞌchal li jalan tenamit chixrahobtesinquileb laj Israel. Queꞌxsach ru li racui̱mkeb ut queꞌxcꞌat lix tenamiteb. Quicana chi ma̱cꞌaꞌ cuan chi saꞌ.

Jeremías 12:11

Ma̱cꞌaꞌ chic na-oc cuiꞌ queꞌxcanab li naꞌajej. Ma̱cꞌaꞌ chic cuan chi saꞌ. Chanchan li chaki chꞌochꞌ quicana ut ma̱ ani na-oc xcꞌaꞌux chirilbal.

Lamentaciones 5:18

Chixjunil li cuan saꞌ li tzu̱l Sión ac juqꞌuinbil. Juneseb aj chic li yac nequeꞌbe̱c aran.

Ezequiel 6:6

Saꞌ chixjunil li naꞌajej li texcua̱nk cuiꞌ ta̱sachekꞌ ruheb. Ta̱sachekꞌ ruheb chi junaj cua le̱ artal li nequexlokꞌonin cuiꞌ ut eb le̱ yi̱banbil dios ta̱puqꞌui̱k. Li artal li nequecꞌat cuiꞌ li incienso teꞌpoꞌi̱k. Chixjunil li quilaje̱yi̱b ta̱poꞌi̱k chi junaj cua.

Miqueas 3:12

Joꞌcan utan xban li ma̱usilal li yo̱quex chixba̱nunquil, li naꞌajej Sión ta̱becma̱nk chokꞌ xnaꞌaj li acui̱mk. E̱ma̱c la̱ex nak ta̱juqꞌuekꞌ li ni̱nki cab li cuanqueb Jerusalén. Ut li tzu̱l li cuan cuiꞌ li templo ta̱cana̱k joꞌ li tzu̱l qꞌuicheꞌ ru.