Jeremías 8:6 - Li Santil hu

⁶ Xinqꞌue retal chi tzꞌakal li cꞌaꞌru nequeꞌxye. Incꞌaꞌ nequeꞌa̱tinac saꞌ xya̱lal. Ma̱ ani nayotꞌeꞌ xchꞌo̱l xban li ma̱usilal naxba̱nu. Ma̱ ani naxye, “¿Cꞌaꞌru li incꞌaꞌ us xinba̱nu?” Nequeꞌxba̱nu ban li cꞌaꞌru nequeꞌraj. Chanchaneb li cacua̱y li nequeꞌxcutbe rib nak nequeꞌxic saꞌ li ple̱t.

Q'eqchi Bible

⁶ Xe'wab'i chi us: maajun reheb' nayehok li yaal; maajun naraho'k xch'ool chirix li xmaa'usilal ut naxye ta: K'aru xinb'aanu? Chixjunileb' xe'xjal xb'eheb' ut neke'xb'aanu li k'aru neke'raj; xe'kaano'k ruheb', kama'eb' chik li kawaay li neke'kaano'k ru chi yalok.

Jeremías 8:6 ပူးပေါင်းရင်းမြစ်များ

Salmos 14:2

Li Ka̱cuaꞌ toj saꞌ choxa narileb chak li cuanqueb saꞌ ruchichꞌochꞌ ma cuan tana junak saꞌ xya̱nkeb cuan xnaꞌleb re tixcꞌoxla li Dios.

Ezequiel 18:28

Xban nak quixqꞌue retal nak moco us ta nak yo̱ chi kꞌetoc a̱tin, joꞌcan nak quixcanab xba̱nunquil li ma̱usilal. Relic chi ya̱l li jun aꞌan ta̱cua̱nk xyuꞌam. Incꞌaꞌ ta̱ca̱mk.

2 Pedro 3:9

Cuan li nequeꞌxye nak li Ka̱cuaꞌ Jesucristo xbay chak chi cha̱lc. Incꞌaꞌ ajcuiꞌ xcꞌulun joꞌ quixye, chanqueb. Abanan incꞌaꞌ yo̱ chak chi ba̱yc. Toj ma̱jiꞌ nacꞌulun xban nak nim lix cuyum e̱riqꞌuin la̱ex. Incꞌaꞌ naraj nak ta̱sachk junak. Naraj ban nak teꞌyotꞌekꞌ xchꞌo̱l ut teꞌxjal xcꞌaꞌux.

Malaquías 3:16

Abanan eb li nequeꞌxxucua ru li Ka̱cuaꞌ queꞌxjultica chi ribileb rib li rusilal li Dios. Ut li Ka̱cuaꞌ quirabi ut quixqꞌue retal li cꞌaꞌru queꞌxye. Ut chiru li Ka̱cuaꞌ quitzꞌi̱ba̱c saꞌ jun li hu lix cꞌabaꞌeb li nequeꞌxucuan ru ut nequeꞌqꞌuehoc xlokꞌal li Ka̱cuaꞌ.

Miqueas 7:2

Ma̱ jun chic li cui̱nk ti̱c xchꞌo̱l saꞌ ruchichꞌochꞌ ut ma̱ ani chic junak cha̱bil. Chixjunileb nequeꞌcamsin ut li junju̱nk nequeꞌxsicꞌ chanru nak ta̱ru̱k teꞌxbalakꞌi li ras ri̱tzꞌin.

Apocalipsis 9:20

Ut li joꞌ qꞌuial chic li cristian li incꞌaꞌ queꞌcamsi̱c xban li raylal aꞌan incꞌaꞌ ajcuiꞌ queꞌyotꞌeꞌ xchꞌo̱leb ut incꞌaꞌ queꞌxcanab xba̱nunquil li ma̱usilal. Incꞌaꞌ queꞌxcanab xlokꞌoninquil li ma̱us aj musikꞌej chi moco queꞌxcanab xlokꞌoninquileb li jalanil dios yi̱banbil riqꞌuin oro, plata, kꞌan chꞌi̱chꞌ bronce joꞌ ajcuiꞌ riqꞌuin pec ut cheꞌ. Incꞌaꞌ queꞌxcanab xlokꞌoninquileb li yi̱banbil dios aꞌin, li incꞌaꞌ nequeꞌiloc, chi moco nequeꞌabin, chi moco nequeꞌbe̱c.

Hageo 1:7

Li nimajcual Dios quixye reheb: —Checꞌoxla chi us li cꞌaꞌru yo̱quex chixba̱nunquil.

Hageo 1:5

Li nimajcual Dios quixye reheb: —Checꞌoxla chi us li cꞌaꞌru yo̱quex chixba̱nunquil.

Ezequiel 22:30

La̱in xinsicꞌ jun saꞌ xya̱nkeb re nak tixcoleb chicuu. Xinsicꞌ jun naru tixchꞌolob lix ya̱lal chiruheb re nak incꞌaꞌ tinsacheb lin tenamit. Abanan ma̱ jun cha̱bil xintau.

Jeremías 5:1

Li Ka̱cuaꞌ quixye: —La̱ex aj Jerusalén, sicꞌomak saꞌ eb li be ut saꞌ eb li cꞌayil. Qꞌuehomak retal chanru lix naꞌlebeb li tenamit. Cui cuan junak li ta̱raj cua̱nc saꞌ xya̱lal ut saꞌ ti̱quilal, la̱in tincuy xma̱queb li tenamit aꞌin.

Isaías 59:16

Li Ka̱cuaꞌ quisach xchꞌo̱l chirilbal nak ma̱ ani natenkꞌan reheb li rahobtesinbileb. Ma̱ ani na-oquen chirixeb. Joꞌcan nak riqꞌuin xcuanquil quixcoleb ut quixxakab xcuanquil li ti̱quilal.

Isaías 30:18

Abanan li Ka̱cuaꞌ yo̱ chiroybeninquil re ta̱ruxta̱na e̱ru. Naraj xcꞌutbesinquil che̱ru nak aꞌan naxtokꞌoba e̱ru. Li Ka̱cuaꞌ li nimajcual Dios aꞌan ti̱c xchꞌo̱l. Us xak reheb li nequeꞌxcꞌojob xchꞌo̱l riqꞌuin li Ka̱cuaꞌ.

Li xHu LAJ JOB 10:2

At Ka̱cuaꞌ, at inDios, mina̱qꞌue chixtojbal inma̱c. Ye cue cꞌaꞌru inma̱c cha̱cuu.

Jeremías 23:25

La̱in nacuabi li cꞌaꞌru nequeꞌxye li profetas aj balakꞌ. Nequeꞌticꞌtiꞌic saꞌ incꞌabaꞌ ut nequeꞌxye: “Joꞌcaꞌin xinmatqꞌue”, chanqueb.

Li xHu LAJ JOB 34:31

At Job, ¿ma ac xaye ta biꞌ re li Dios nak xacanab a̱cuib chi balakꞌic, abanan incꞌaꞌ chic ta̱ba̱nu?

Li xHu LAJ JOB 34:32

¿Ma xaye re nak tixcꞌut cha̱cuu cꞌaꞌru li ma̱c li toj ma̱ji nacaqꞌue retal? ¿Ma xaye re nak cui incꞌaꞌ us xaba̱nu, incꞌaꞌ chic ta̱ba̱nu?

Isaías 57:17

Xban li ma̱usilal li nequeꞌxba̱nu ut xban nak chixjunil nequeꞌxrahi ru, la̱in xinjoskꞌoꞌ riqꞌuineb. La̱in xinqꞌueheb chixtojbal lix ma̱queb ut xincanabeb xjuneseb. Abanan xeꞌxcacuubresi xchꞌo̱leb ut junelic xeꞌxba̱nu li incꞌaꞌ us.

Jeremías 3:5

¿Ma junelic ta biꞌ yo̱k a̱joskꞌil saꞌ kabe̱n? ¿Ma chi ti̱c incꞌaꞌ ta̱numekꞌ a̱joskꞌil?” chanquex. La̱ex aj Israel, joꞌcan yo̱quex chixyebal. Abanan toj yo̱quex chixba̱nunquil chixjunil li ma̱usilal, chan li Dios.

Daniel 9:11

Chikajunilo la̱o aj Israel, xkakꞌet li chakꞌrab li caqꞌue ke ut incꞌaꞌ xkaba̱nu li cꞌaꞌru caye. Joꞌcan nak xtꞌaneꞌ saꞌ kabe̱n chixjunil li raylal li tzꞌi̱banbil saꞌ li chakꞌrab li caqꞌue re laj Moisés, laj cꞌanjel cha̱cuu. Xoma̱cob cha̱cuu, at Ka̱cuaꞌ.

Sofonías 3:7

Li Ka̱cuaꞌ quixye: —Saꞌ inchꞌo̱l la̱in nak riqꞌuin aꞌin tineꞌxxucua laj Jerusalén ut teꞌxcꞌul lix kꞌusbaleb li xinqꞌue, re nak incꞌaꞌ tinsach ru lix tenamiteb. Abanan kꞌaxal cuiꞌchic queꞌxba̱nu li ma̱usilal.