Jeremías 8:22 - Li Santil hu

²² ¿Ma ma̱cꞌaꞌ li ban aran Galaad? ¿Ma ma̱cꞌaꞌ junak aj banonel naru toxqꞌuirtesi? ¿Cꞌaꞌut nak incꞌaꞌ xo-usa? chan laj Jeremías.

Q'eqchi Bible

²² Ma maak'a' tawi' junaq b'an aran Galahad? Ma maajun tawi' naru chi b'anok aran? K'a'ut naq ink'a' nak'iraak lintenamit?

Jeremías 8:22 ပူးပေါင်းရင်းမြစ်များ

Jeremías 46:11

La̱ex aj Egipto, usta texxic toj Galaad chixsicꞌbal le̱ ban, li ban ma̱cꞌaꞌ chic ta̱oc cuiꞌ. La̱ex incꞌaꞌ chic tex-usa̱k.

Génesis 37:25

Chirix chic aꞌan, queꞌchunla ut queꞌoc chi cuaꞌac. Nak yo̱queb chi cuaꞌac queꞌril nak yo̱queb chi cha̱lc jun chꞌu̱t eb li cui̱nk aj ismaelita. Yo̱queb chak chi cha̱lc Galaad. Ut chirixeb lix camello yo̱queb chak chixcꞌambal oxib pa̱y ru li sununquil ban re teꞌxcꞌayi aran Egipto. Aꞌin lix cꞌabaꞌeb li oxib pa̱y ru chi sununquil ban: aromas, bálsamo ut mirra.

Jeremías 51:8

Abanan chiru junpa̱t quisacheꞌ ru li tenamit Babilonia. Chexya̱bak chirixeb. Yalomak xbanbal lix tochꞌolal. Ma̱re ta̱qꞌuira̱k.

San Lucas 8:43

Saꞌ xya̱nkeb cuan jun li ixk cablaju chihab xticlajic xyajel. Junelic yo̱ lix yajel li ixk aꞌan ut incꞌaꞌ chic natzꞌap lix quiqꞌuel. Quixqꞌue rib chi banecꞌ riqꞌuin nabaleb aj banonel ut nabal li tumin quixsach. Abanan ma̱ jun quiru chi banoc re.

Génesis 43:11

Ut laj Israel, li yucuaꞌbej, quixye reheb: —¿Cꞌaꞌru xjalenquil? Cui tento nak ta̱xic, xicak. Nak la̱ex texxic, te̱cꞌam caꞌchꞌinak li sahil echej li kꞌaxal cha̱bil na-el saꞌ li chꞌochꞌ arin ut te̱si aꞌin re li cui̱nk li nataklan aran. Aꞌaneb aꞌin li ma̱tan li te̱si re. Te̱cꞌam caꞌchꞌinak li bálsamo, caꞌchꞌinak li xyaꞌal cab, li sununquil ban, aromas ut mirra. Ut te̱cꞌam ajcuiꞌ li nueces ut li almendras.

Jeremías 9:1

Us raj cui lin jolom joꞌ jun li yuꞌam haꞌ ut li xnakꞌ cuu joꞌ li haꞌ li nabe̱c rok. Tinya̱bak raj chi kꞌek chi cutan chirixeb li cuech tenamitil li queꞌcamsi̱c.

Jeremías 14:19

Laj Jeremías quixye: —At Ka̱cuaꞌ, ¿ma xatzꞌekta̱naheb li ralal xcꞌajol laj Judá chi junaj cua? ¿Ma xicꞌ nacacuileb li cuanqueb Sión? ¿Cꞌaꞌut nak xatakla li raylal aꞌin saꞌ kabe̱n li ma̱cꞌaꞌ xbanol? La̱o xkoybeni li tuktu̱quil usilal, abanan incꞌaꞌ xkacꞌul. Xkoybeni nak toqꞌuira̱k, abanan xiu xiu chic cuanco.

Lamentaciones 2:13

¿Cꞌaꞌ ta cuiꞌ ru tinye che̱rix la̱ex li cuanquex Jerusalén? ¿Cꞌaꞌru texinjuntakꞌe̱ta cuiꞌ? ¿Chan ta cuiꞌ ru nak tincꞌojob e̱chꞌo̱l, la̱ex li cuanquex Sión? Kꞌaxal nim li raylal cuanquex cuiꞌ. Chanchan xnimal li palau. ¿Ani ta̱ru̱k ta̱colok e̱re?

Números 32:1

Kꞌaxal nabaleb lix queto̱mkeb li ralal xcꞌajol laj Rubén ut eb li ralal xcꞌajol laj Gad. Queꞌril li naꞌajej Jazer ut Galaad ut queꞌxqꞌue retal nak cha̱bil re qꞌuiresi̱nc queto̱mk.

Jeremías 6:7

Incꞌaꞌ nequeꞌxcanab xba̱nunquil li ma̱usilal. Chanchaneb jun li jul haꞌ li incꞌaꞌ nachakic. Caꞌaj cuiꞌ li rahobtesi̱nc ut li elkꞌa̱c na-abi̱c resil. Junes raylal ut yajel nacuan saꞌ li tenamit aꞌan.

Jeremías 9:11

Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.

Jeremías 22:6

Chicuu la̱in, lix palacio lix reyeb laj Judá kꞌaxal chꞌinaꞌus. Chanchan li naꞌajej Galaad ut chanchan li tzu̱l li cuan Líbano. Abanan la̱in tinsach lix chꞌinaꞌusal ut tincanab chi ma̱cꞌaꞌ chic cuan chi saꞌ, chi moco cristian.

Ezequiel 27:17

Eb laj Judá ut eb laj Israel queꞌyacoc e̱riqꞌuin. Queꞌxjal li cꞌaꞌru e̱re riqꞌuin li trigo li nachal saꞌ eb li tenamit Minit ut Panag. Queꞌxjal ajcuiꞌ riqꞌuin li xyaꞌal cab, li aceite olivo ut li sununquil ban.