Jeremías 8:2 - Li Santil hu

² Nequeꞌtꞌanaxin teꞌcana̱k saꞌ chꞌochꞌ chiru li sakꞌe ut li po joꞌ ajcuiꞌ chiru li chahim li queꞌxra ut queꞌxlokꞌoniheb. Teꞌcanaba̱k lix bakeleb chiruheb li queꞌxsicꞌ cuiꞌ xnaꞌlebeb. Ut ma̱ ani ta̱xocok reheb, chi moco teꞌmukekꞌ. Chanchanakeb chic li cꞌot tzꞌektzꞌo saꞌ chꞌochꞌ.

Q'eqchi Bible

² ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Jeremías 8:2 ပူးပေါင်းရင်းမြစ်များ

2 Reyes 23:5

Quirisiheb laj tij li queꞌcꞌanjelac chiruheb li jalanil dios, li queꞌxakaba̱c xbaneb li rey junxil chixcꞌatbal li incienso saꞌ eb li naꞌajej li najt xteram li cuanqueb Judá ut Jerusalén. Ut quirisiheb ajcuiꞌ li queꞌcꞌatoc incienso re xlokꞌoninquileb laj Baal, li sakꞌe ut li po joꞌ eb ajcuiꞌ li chahim.

Hechos 7:42

Joꞌcan nak li Ka̱cuaꞌ Dios quixcanabeb xjuneseb. Quixcanabeb chixlokꞌoninquil li chahim li cuan chiru choxa. Ut quitzꞌakloc ru li tzꞌi̱banbil chak najter xbaneb li profeta nak queꞌxye: La̱ex aj Israel, ¿ma quexmayejac ta biꞌ chak chicuu la̱in nak yo̱quex chak chi numecꞌ saꞌ li chaki chꞌochꞌ chiru caꞌcꞌa̱l chihab?

Jeremías 9:22

Eb li camenak tꞌantꞌo̱queb yalak bar. Chanchaneb li cꞌot saꞌ li cꞌaleba̱l. Chanchan li ru trigo li natꞌaneꞌ chirixeb li yo̱queb chi sicꞌoc re ut ma̱ ani ta̱xocok re”, chan.

Deuteronomio 4:19

Nak te̱ril li choxa, li sakꞌe, li po, ut li chahim, me̱lokꞌoniheb xban nak li Ka̱cuaꞌ le̱ Dios quixyi̱b eb aꞌan re nak teꞌcꞌanjelak chiruheb chixjunileb li cuanqueb saꞌ ruchichꞌochꞌ.

Sofonías 1:5

Tinsacheb ru li nequeꞌtakeꞌ saꞌ xbe̱n li rochocheb ut nequeꞌxlokꞌoni li sakꞌe, ut li po, joꞌqueb ajcuiꞌ li chahim. Nequeꞌxcuikꞌib rib ut nequeꞌxpatzꞌ xcꞌabaꞌ lix dioseb Milcom. Ut nequeꞌxpatzꞌ ajcuiꞌ incꞌabaꞌ la̱in.

Ezequiel 8:16

Ut quinixcꞌam toj saꞌ li oqueba̱l re li templo. Saꞌ xyi lix mu cab ut li artal cuanqueb o̱b xcaꞌcꞌa̱l li cui̱nk. Li rixeb nacana bar cuan cuiꞌ lix templo li Dios. Yo̱queb chi iloc saꞌ releb sakꞌe ut yo̱queb chixlokꞌoninquil li sakꞌe.

Jeremías 36:30

Anakcuan tinye a̱cue, at rey Joacim, ma̱ jun reheb la̱ cualal a̱cꞌajol teꞌcꞌanjelak chokꞌ xreyeb li ralal xcꞌajol laj David. Ut nak tatca̱mk, la̱ tzꞌejcual tꞌantꞌo ta̱cana̱k. Tixcꞌul li sakꞌe chi cutan ut li xchuꞌque chiru kꞌojyi̱n.

Jeremías 22:19

Teꞌxmuk joꞌ nak namukeꞌ li bu̱r. Quelonbil teꞌxba̱nu nak teꞌxcꞌam toj chirix li tenamit Jerusalén. Ta̱cutekꞌ toj jun pacꞌal li oqueba̱l.

Jeremías 19:13

Joꞌcan ajcuiꞌ li rochocheb laj Jerusalén ut eb li rochoch lix reyeb laj Judá muxbil chic ruheb. Chanchaneb li naꞌajej Tofet xban nak queꞌxcꞌat lix pomeb ut queꞌxmayeja li vino chiruheb li chahim ut chiruheb ajcuiꞌ li yi̱banbil dios,” chan li Dios re laj Jeremías.

Jeremías 16:4

Jun li yajel kꞌaxal ra ta̱camsi̱nk reheb. Ma̱ ani ta̱ya̱bak chirixeb chi moco teꞌmukekꞌ. Nequeꞌtꞌanaxin saꞌ chꞌochꞌ teꞌcana̱k. Chanchanakeb li cꞌot. Teꞌcamsi̱k saꞌ li ple̱t, malaj ut xban li cueꞌej. Ut eb li xul li nequeꞌrupupic ut eb li joskꞌ aj xul teꞌxtiu lix tibeleb.

Salmos 83:10

La̱at casach ruheb saꞌ li naꞌajej Endor ut aran queꞌkꞌa ut queꞌsukꞌi chokꞌ xkꞌemal li chꞌochꞌ.

2 Reyes 21:3

Laj Manasés quilajxyi̱b cuiꞌchic eb li naꞌajej najt xteram re xlokꞌoninquileb li jalanil dios. Aꞌan eb li naꞌajej li quilajxjuqꞌui laj Ezequías lix yucuaꞌ. Quixxakab li artal re xlokꞌoninquil laj Baal li jalanil dios. Quixyi̱b ajcuiꞌ lix jalam u̱ch lix Asera lix dioseb joꞌ quixba̱nu laj Acab li quicuan chokꞌ xreyeb laj Israel. Ut quixlokꞌoniheb ajcuiꞌ li chahim, li po ut li sakꞌe.

Sofonías 1:17

Quixye li Ka̱cuaꞌ: —Tinqꞌueheb saꞌ raylal chixjunileb laj Judá ut eb laj Jerusalén. Chanchanakeb li mutzꞌ nak teꞌxyal raj xsicꞌbal bar teꞌxic chixcolbaleb rib, abanan incꞌaꞌ teꞌru̱k xban nak xeꞌma̱cob chicuu. Lix quiqꞌueleb ta̱hoyekꞌ ut aran ta̱osokꞌ saꞌ li poks ut lix tibeleb ta̱kꞌa̱k ut aran ta̱osokꞌ, chan li Ka̱cuaꞌ.

Eclesiastés 6:3

Junak cui̱nk naru nacuan jun cientak li ralal xcꞌajol. Ut naru ajcuiꞌ nacuan nabalak chihab saꞌ ruchichꞌochꞌ. Usta kꞌaxal najt rok lix yuꞌam saꞌ ruchichꞌochꞌ, ma̱cꞌaꞌ na-oc cuiꞌ cui incꞌaꞌ naxyal xsahil li cꞌaꞌru cuan re chi moco namukeꞌ saꞌ xya̱lal. La̱in nincꞌoxla nak kꞌaxal us junak li cꞌulaꞌal yal nanumeꞌ chiru li cui̱nk aꞌan.

2 Reyes 21:5

Ut saꞌ li cuib chi neba̱l re li templo laj Manasés quixyi̱beb li artal re xlokꞌoninquileb li chahim.

2 Reyes 17:16

Queꞌxtzꞌekta̱na chixjunil li chakꞌrab li quiqꞌueheꞌ reheb xban li Ka̱cuaꞌ lix Dioseb. Ut queꞌxyi̱b riqꞌuin li chꞌi̱chꞌ cuib xjalam u̱ch li cuacax ut queꞌxlokꞌoni. Queꞌxyi̱b lix jalam u̱ch lix Asera lix dioseb. Ut queꞌxlokꞌoni ajcuiꞌ laj Baal ut eb li chahim, li sakꞌe ut li po.

Deuteronomio 17:3

riqꞌuin xlokꞌoninquil li jalanil dios, malaj li sakꞌe, li po ut li chahim chi ac xye e̱re li Ka̱cuaꞌ nak incꞌaꞌ te̱ba̱nu.

Salmos 53:5

Saꞌ jun cutan teꞌxucuak lix tenamit li Dios, usta incꞌaꞌ raj tento nak teꞌxucuak xban nak li Dios tixsacheb ru li xicꞌ nequeꞌiloc reheb. Teꞌcꞌutekꞌ xxuta̱n nak teꞌtzꞌekta̱na̱k xban li Dios.

Jeremías 14:16

Ut eb li tenamit li yo̱queb chi abi̱nc re li cꞌaꞌru nequeꞌxye li profeta aꞌin, teꞌcutekꞌ saꞌ eb li be re Jerusalén xban li ple̱t ut xban cueꞌej. Ut ma̱ ani ta̱ru̱k ta̱mukuk reheb. Incꞌaꞌ teꞌmukekꞌ li rixakileb chi moco li ralal xcꞌajoleb. La̱in tintakla li raylal saꞌ xbe̱neb joꞌ xcꞌulubeb xcꞌulbal.

Jeremías 16:11

Ut la̱at ta̱ye reheb, “Li Ka̱cuaꞌ tixba̱nu e̱re chi joꞌcan xban nak eb le̱ xeꞌto̱nil yucuaꞌ queꞌxcanab xlokꞌoninquil li Ka̱cuaꞌ ut queꞌxlokꞌoniheb li jalanil dios ut queꞌcꞌanjelac chiruheb. Queꞌxtzꞌekta̱na li Ka̱cuaꞌ ut incꞌaꞌ queꞌxba̱nu li cꞌaꞌru naxye saꞌ lix chakꞌrab.

Jeremías 31:40

Joꞌ ajcuiꞌ chixjunil li ru takꞌa li nequeꞌmukeꞌ cuiꞌ li camenak ut nequeꞌcuteꞌ cuiꞌ lix chahil, joꞌ eb ajcuiꞌ li cꞌaleba̱l li cuan cuiꞌ li nimaꞌ Cedrón, ut nacuulac ajcuiꞌ toj saꞌ li xuc li cuan cuiꞌ li oqueba̱l li nequeꞌnumeꞌ cuiꞌ li cacua̱y. Chixjunil li naꞌajej aꞌan santobresinbilak chicuu la̱in li Ka̱cuaꞌ. Ut li tenamit incꞌaꞌ chic ta̱sachekꞌ ru chi moco ta̱juqꞌuekꞌ, chan li Dios.

Ezequiel 6:5

Tinqꞌueheb li camenak chiruheb lix yi̱banbil dios. Ut lix bakeleb tincuteb chixjun sutam lix artaleb.

Ezequiel 29:5

La̱in tatincanab saꞌ li chaki chꞌochꞌ a̱cuochbeneb chixjunileb li car li cuanqueb saꞌ eb li nimaꞌ. Tatcana̱k chi tꞌantꞌo saꞌ chꞌochꞌ ut incꞌaꞌ tatmukekꞌ. Ut eb li joskꞌ aj xul ut eb li soꞌsol teꞌxtiu le̱ tibel.

Salmos 83:11

Chasach ta ruheb laj cꞌamol be joꞌ caba̱nu reheb laj Oreb ut laj Zeeb. Chasach ta ruheb chixjunileb laj cꞌamol be joꞌ caba̱nu reheb laj Zeba ut laj Zalmuna.

Jeremías 9:20

Laj Jeremías quixye: —La̱in quinye reheb, “La̱ex ixk, abihomak li cꞌaꞌru naxye li Ka̱cuaꞌ. Qꞌuehomak retal li naxye. Cꞌutumak chiruheb le̱ coꞌ chanru teꞌya̱bak. Ut cꞌutumak ajcuiꞌ li bich re rahil chꞌo̱lej chiruheb le̱ rami̱g.

Jeremías 9:21

Li ca̱mc xchal saꞌ kabe̱n. Chanchan nak x-oc saꞌ li kaventana. Chanchan nak x-oc saꞌ eb li cab li cauresinbil chi us re takacol cuiꞌ kib. Queꞌcamsi̱c li cocꞌal saꞌ be ut queꞌcamsi̱c li cui̱nk li toj sa̱jeb saꞌ eb li cꞌayiba̱l.

Jeremías 16:6

Chixjunileb li cuanqueb saꞌ li naꞌajej aꞌin teꞌca̱mk, joꞌ li cuanqueb xcuanquil, joꞌ li ma̱cꞌaꞌeb xcuanquil. Ma̱ ani ta̱mukuk reheb, ut ma̱ ani ta̱rahokꞌ xchꞌo̱l chirixeb. Incꞌaꞌ teꞌxjo li rismal xjolomeb, chi moco teꞌxset xtibeleb xban xrahil xchꞌo̱leb.

Jeremías 25:33

Ut eb li xeꞌqꞌueheꞌ chi camsi̱c xban li Ka̱cuaꞌ tꞌanaxi̱nkeb yalak bar saꞌ chꞌochꞌ joꞌ li cꞌot. Ma̱ ani ta̱ya̱bak chirixeb, chi moco teꞌmukekꞌ.

Ezequiel 39:5

La̱at tatcamsi̱k saꞌ li cꞌaleba̱l. La̱in li nimajcual Dios ninyehoc re aꞌin.