Jeremías 8:15 - Li Santil hu

¹⁵ Xkoybeni nak ta̱cua̱nk li tuktu̱quil usilal, abanan incꞌaꞌ xkacꞌul. Xkoybeni raj nak to-usa̱k, abanan incꞌaꞌ xo-usa. Xiu xiu ban chic cuanco.

Q'eqchi Bible

¹⁵ Xqoyb'eni wank sa' tuqtuukilal, ut maajun usilal xqataw. Xqayo'oni li kawilal, ut a' li xiwak xchalk sa' qab'een.

Jeremías 8:15 ပူးပေါင်းရင်းမြစ်များ

Jeremías 14:19

Laj Jeremías quixye: —At Ka̱cuaꞌ, ¿ma xatzꞌekta̱naheb li ralal xcꞌajol laj Judá chi junaj cua? ¿Ma xicꞌ nacacuileb li cuanqueb Sión? ¿Cꞌaꞌut nak xatakla li raylal aꞌin saꞌ kabe̱n li ma̱cꞌaꞌ xbanol? La̱o xkoybeni li tuktu̱quil usilal, abanan incꞌaꞌ xkacꞌul. Xkoybeni nak toqꞌuira̱k, abanan xiu xiu chic cuanco.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

Miqueas 1:12

Eb li cuanqueb aran Marot nequeꞌraj raj nak ta̱cotzk li raylal li yo̱queb chixcꞌulbal. Abanan canabanbileb xban li Ka̱cuaꞌ chixcꞌulbal li raylal ut cha̱lc ajcuiꞌ re saꞌ xbe̱neb li cuanqueb Jerusalén.

Jeremías 8:11

Chiruheb aꞌan moco nim ta li raylal li yo̱ chixcꞌulbal lin tenamit. Eb aꞌan nequeꞌxye nak ma̱cꞌaꞌ raylal. Nequeꞌxye nak cuan li tuktu̱quil usilal. Abanan ma̱cꞌaꞌ tuktu̱quil usilal.

Jeremías 4:10

Laj Jeremías quixye: —At Ka̱cuaꞌ, at nimajcual Dios, relic chi ya̱l la̱at xabalakꞌiheb li tenamit. Xaye nak ta̱cua̱nk li tuktu̱quil usilal, abanan ca̱mc yo̱ chi cha̱lc saꞌ kabe̱n.

Li xHu LAJ JOB 30:26

Nak yo̱quin chiroybeninquil li us, xchal li raylal saꞌ inbe̱n. Nak yo̱quin chiroybeninquil nak us ta̱e̱lk chicuu chixjunil li xinba̱nu, xsach chicuu chixjunil.

Jeremías 6:25

Mexxic saꞌ be chi moco texxic saꞌ xnaꞌaj le̱ racui̱mk xban nak xiu xiu yalak bar. Eb li xicꞌ nequeꞌiloc ke cuanqueb xchꞌi̱chꞌ saꞌ rukꞌeb, chanqueb.

Jeremías 12:12

Saꞌ eb li tzu̱l quilajeꞌchal li queꞌsachoc ru lin naꞌaj. La̱in quintaklaheb li xicꞌ nequeꞌiloc reheb chi pletic riqꞌuineb ut chixsachbal ru chixjunil li naꞌajej. Ma̱ ani chic ta̱cua̱nk chi tuktu xchꞌo̱l.

Ezequiel 7:25

Xucuajel li raylal li ta̱cha̱lk saꞌ e̱be̱n. Te̱sicꞌ raj chic bar ta̱cꞌojla̱k e̱chꞌo̱l, abanan ma̱ bar te̱tau.