Jeremías 8:14 - Li Santil hu

¹⁴ Eb lix tenamit li Dios queꞌxye: —¿Cꞌaꞌut nak tocana̱k arin? Takachꞌutub kib ut toxic saꞌ eb li tenamit li cauresinbil chi us re takacol cuiꞌ kib. Aran toca̱mk xban nak li Ka̱cuaꞌ li kaDios quixye nak to-osokꞌ. Chanchan nak xqꞌue li haꞌ li banbil xsaꞌ chikucꞌ re toca̱mk xban nak xoma̱cob chiru.

Q'eqchi Bible

¹⁴ Ut eb' li tenamit te'xye: “K'a'ut naq xaqxooko xaq arin? Qach'utub'aq qib', okaqo sa' li kawub'resinb'il na'ajej ut kamqo aran. Li Qaawa', li qaYos, xooxkanab' chi kamk, xooxk'e chi uk'ak ha' nakamsink, xb'aan naq xoomaakob'k ut xqaq'etq'eti qib' chiru.

Jeremías 8:14 ပူးပေါင်းရင်းမြစ်များ

Jeremías 23:15

Aꞌan aꞌin li quixye li Ka̱cuaꞌ li nimajcual Dios chirixeb li profeta: Xban li ma̱c queꞌxba̱nu li profetas aj Jerusalén, xnumta li ma̱c saꞌ chixjunil li naꞌajej aꞌin. Xban li ma̱c queꞌxba̱nu, la̱in tinqꞌue raylal saꞌ xbe̱neb. Chanchan nak tinqꞌue li tzacae̱mk cꞌa chixtzacaheb ut chanchan nak tinqꞌue li haꞌ li banbil xsaꞌ chiruqꞌueb, chan.

Jeremías 9:15

Joꞌcan nak la̱in li nimajcual Dios, lix Dioseb laj Israel, tinqꞌue li raylal saꞌ xbe̱neb. Chanchan nak tinqꞌue chixtzacaheb li cꞌahil tzacae̱mk. Ut chanchan tinqꞌue li haꞌ li banbil xsaꞌ chiruqꞌueb.

Lamentaciones 3:19

La̱in nincꞌoxlac chirix chixjunil li raylal ut li rahil chꞌo̱lejil li nincꞌul. Nacuecꞌa tzꞌakal xmay li raylal li nincꞌul.

Jeremías 35:11

Ut nak laj Nabucodonosor, lix reyeb laj Babilonia, quichal chi pletic saꞌ li katenamit, xkaye chi kibil kib, “Toxic Jerusalén re nak toe̱lelik chiruheb li soldados aj Babilonia ut aj Siria. Ut chalen toj anakcuan cuanco arin Jerusalén,” chanqueb.

San Mateo 27:34

Ut queꞌxqꞌue vino re li Jesús yubil riqꞌuin cꞌahil ban re xcotzbal li raylal, abanan nak quixyal, incꞌaꞌ quirucꞌ.

Salmos 69:21

Nak quintzꞌoca, cꞌa queꞌxqꞌue chintzaca, ut nak ta̱chakik cue, vinagre queꞌxqꞌue chicuucꞌ.

2 Samuel 20:6

Joꞌcan nak li rey quixye re laj Abisai: —Laj Seba, li ralal laj Bicri, kꞌaxal cuiꞌchic nabal li chꞌaꞌajquilal tixcꞌam chak saꞌ kabe̱n chiru laj Absalón. Joꞌcan nak cꞌameb li cui̱nk li nequeꞌcꞌanjelac chicuu ut texxic chixsicꞌbal. Ma̱re anchal ta̱oc saꞌ eb li tenamit sutsu saꞌ tzꞌac ut incꞌaꞌ chic ta̱ru̱k takachap, chan.

Deuteronomio 29:18

Cheqꞌue retal nak ma̱ jun saꞌ e̱ya̱nk tixtzꞌekta̱na li Ka̱cuaꞌ le̱ Dios re tixlokꞌoniheb lix jalanil dios li jalaneb xtenamit. Ma̱ jun taxak saꞌ e̱ya̱nk tixba̱nu aꞌan, chi moco li cui̱nk, chi moco li ixk, chi moco jun cabalak, chi moco jun xte̱paleb. Incꞌaꞌ te̱ba̱nu chi joꞌcan re nak ma̱cuaꞌakex joꞌ li cꞌahil kꞌe̱n li nacamsin.

Zacarías 2:13

Chixjunileb li cuanqueb saꞌ ruchichꞌochꞌ cheꞌxxucua ta ru li Ka̱cuaꞌ ut incꞌaꞌ ta chic teꞌecꞌa̱nk xban nak aꞌan tixcanab chak lix Santil Naꞌaj ut ta̱cha̱lk saꞌ kaya̱nk.

Habacuc 2:20

Li tzꞌakal Dios, aꞌan cuan saꞌ lix santil templo. Chixjunileb taxak li cuanqueb saꞌ ruchichꞌochꞌ teꞌxxucua ru.

Amós 6:10

Ut nak ta̱oc junak li rechꞌalal chirisinquil li camenak saꞌ li cab re tixcꞌat, tixye: ¿Ma toj cuan junak yoꞌyo xcana? Ut li jun li cuan chak toj saꞌ cab ta̱chakꞌok ut tixye: Ma̱cꞌaꞌ. Caꞌaj chic la̱in xincana. Ut ma̱patzꞌ xcꞌabaꞌ li Ka̱cuaꞌ, chaꞌak.

Jeremías 14:20

At Ka̱cuaꞌ, la̱o xoma̱cob cha̱cuu. Nakanau nak incꞌaꞌ us xkaba̱nu. Ut queꞌma̱cob ajcuiꞌ cha̱cuu eb li kaxeꞌto̱nil yucuaꞌ.

Salmos 39:2

Xinba̱nu cuib joꞌ li mem. Ma̱cꞌaꞌ xinye. Usta raj us li xinye, abanan incꞌaꞌ xina̱tinac. Ut quiniman ajcuiꞌ lin raylal.

Deuteronomio 32:32

Eb li xicꞌ nequeꞌiloc reheb chanchaneb laj Sodoma ut chanchaneb laj Gomorra. Li cꞌaꞌru nequeꞌxba̱nu chanchaneb ru li uvas li cꞌa li nacamsin.

Levítico 10:3

Tojoꞌnak laj Moisés quixye re laj Aarón: —Aꞌan aꞌin li quiraj xyebal li Ka̱cuaꞌ nak quixye: “Ta̱cꞌutu̱nk lin santilal chiruheb li ani nequeꞌxba̱nu li cꞌaꞌru ninye. Ut chiruheb chixjunileb li tenamit ta̱qꞌuehekꞌ inlokꞌal.”— Ut laj Aarón incꞌaꞌ quichakꞌoc nak quirabi li cꞌaꞌru quixye.

Isaías 47:5

—La̱ex aj Babilonia, cꞌojlankex ut mex-ecꞌan chic. Cana̱kex saꞌ kꞌojyi̱n xban nak ma̱cꞌaꞌ chic e̱cuanquil saꞌ xbe̱neb li xni̱nkal tenamit.

Jeremías 3:25

Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.

Jeremías 14:7

Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.

Jeremías 9:14

Queꞌxba̱nu ban li cꞌaꞌru nequeꞌraj eb aꞌan xban xcacuilal xchꞌo̱leb. Ut queꞌxlokꞌoniheb li yi̱banbil dios Baal joꞌ quicꞌuteꞌ chiruheb xban lix xeꞌto̱nil yucuaꞌeb.