Jeremías 7:9 - Li Santil hu

⁹ La̱ex nequex-elkꞌac, nequexcamsin, nequemux ru le̱ sumlajic, nequepatzꞌ xcꞌabaꞌ li Dios chi ma̱cꞌaꞌ rajbal, nequecꞌat li pom chiru li yi̱banbil dios Baal ut nequelokꞌoniheb li yi̱banbil dios li incꞌaꞌ quenau chak ru junxil.

Q'eqchi Bible

⁹ Nekex'elq'ak, nekekamsi leeras eeriitz'in, nekexmuxuk sumlaak, nekexyehok jurament sa' tik'ti', nekexmayejak chiruheb' laj Bahal ut nekeloq'oni ruheb' li yos ink'a' eenawomeb' ru.

Jeremías 7:9 ပူးပေါင်းရင်းမြစ်များ

Jeremías 7:6

Incꞌaꞌ te̱rahobtesi li jalan xtenamiteb, chi moco li ma̱cꞌaꞌ xnaꞌ xyucuaꞌeb ut li xma̱lcaꞌan, chi moco te̱qꞌue chi camsi̱c li ma̱cꞌaꞌ xma̱queb ut incꞌaꞌ te̱bok raylal saꞌ e̱be̱n riqꞌuin nak nequelokꞌoni li yi̱banbil dios.

Éxodo 20:3

Incꞌaꞌ naru nacuan jalanil dios e̱riqꞌuin chicuu la̱in.

Jeremías 11:17

La̱in li nimajcual Dios. La̱in quinsicꞌoc ruheb ut la̱in ajcuiꞌ xinyehoc reheb nak teꞌxcꞌul li raylal aꞌin xban nak eb laj Judá ut eb laj Israel xeꞌxchikꞌ injoskꞌil riqꞌuin xcꞌatbal li pom chiru li yi̱banbil dios Baal, chan li Dios.

Jeremías 11:13

La̱ex aj Judá, kꞌaxal nabaleb le̱ jalanil dios joꞌ xqꞌuialeb le̱ tenamit. Ut la̱ex aj Jerusalén, kꞌaxal nabal li artal xeyi̱b joꞌ xqꞌuial li be saꞌ le̱ tenamit. Xeyi̱beb li artal re xcꞌatbal li pom chiru li dios Baal, li kꞌaxal yibru.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

1 Reyes 18:21

Ut laj Elías quijiloc cuanqueb cuiꞌ chixjunil li tenamit ut quixye reheb: —¿Joꞌ najtil chic texcua̱nk chi cuib ru le̱ cꞌaꞌux? Cui li Ka̱cuaꞌ, aꞌan li tzꞌakal Dios, ¿cꞌaꞌut nak incꞌaꞌ te̱pa̱b? Ut cui laj Baal, aꞌan li tzꞌakal Dios, ta̱kehomak aꞌan, chan. Ut eb li tenamit ma̱ jun a̱tin queꞌxye.

Apocalipsis 21:8

Abanan li cꞌaꞌru teꞌre̱chani li incꞌaꞌ useb xnaꞌleb, aꞌan li xxamlel li azufre li chanchan palau, aꞌan lix naꞌajeb li nequeꞌxucuac, ut eb li incꞌaꞌ nequeꞌpa̱ban, ut eb li queꞌxmux ru lix pa̱ba̱leb, ut eb li nequeꞌxcamsi ras ri̱tzꞌin, ut eb laj coꞌbe̱t laj yumbe̱t, ut eb laj tu̱l, ut eb li nequeꞌlokꞌonin jalanil dios, joꞌqueb ajcuiꞌ laj ticꞌtiꞌ. Li cꞌaꞌru teꞌre̱chani eb aꞌan, aꞌan li xcab camic nak teꞌcutekꞌ saꞌ li xam.—

Romanos 2:2

Nakanau nak li Dios ti̱c xchꞌo̱l ut aꞌan ta̱rakok a̱tin chi tzꞌakal saꞌ xbe̱neb li nequeꞌba̱nun re li ma̱usilal.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Sofonías 1:5

Tinsacheb ru li nequeꞌtakeꞌ saꞌ xbe̱n li rochocheb ut nequeꞌxlokꞌoni li sakꞌe, ut li po, joꞌqueb ajcuiꞌ li chahim. Nequeꞌxcuikꞌib rib ut nequeꞌxpatzꞌ xcꞌabaꞌ lix dioseb Milcom. Ut nequeꞌxpatzꞌ ajcuiꞌ incꞌabaꞌ la̱in.

Ezequiel 18:18

Li yucuaꞌbej ta̱ca̱mk xban li ma̱c li quixba̱nu nak quixmakꞌ chiru li ras ri̱tzꞌin li cꞌaꞌru cuan reheb ut qui-elkꞌa̱c. Quixba̱nu li ma̱usilal reheb li ras ri̱tzꞌin.

Jeremías 44:3

Xinba̱nu chi joꞌcan reheb xban li ma̱usilal queꞌxba̱nu. Queꞌxqꞌue injoskꞌil nak queꞌxcꞌat xpomeb ut queꞌxlokꞌoni li jalanil dios li incꞌaꞌ xeꞌxnau ru eb aꞌan, chi moco la̱ex, chi moco le̱ naꞌ e̱yucuaꞌ.

Jeremías 32:29

Eb laj Babilonia teꞌcha̱lk chi pletic saꞌ li tenamit aꞌin ut teꞌre̱chani. Teꞌxcꞌat li tenamit ut teꞌxcꞌat ajcuiꞌ eb li cab li queꞌxlokꞌoni cuiꞌ lix dios Baal nak queꞌxcꞌat lix pomeb chiru. Ut queꞌxhoy li vino chiruheb li jalanil dios. Joꞌcan nak queꞌxchikꞌ injoskꞌil.

Jeremías 13:10

Eb li tenamit aꞌin numtajenak lix ma̱usilaleb ut kꞌaxal cauheb xchꞌo̱l. Queꞌxkꞌet li cua̱tin ut queꞌxcuikꞌib ribeb chiruheb li jalanil dios re teꞌxlokꞌoni ut queꞌcꞌanjelac chiruheb. Joꞌcan nak tinsacheb. Chanchanakeb chic li cꞌa̱mal saꞌ aꞌin li ma̱cꞌaꞌ chic na-oc cuiꞌ.

Jueces 5:8

Nak nequeꞌoc chixlokꞌoninquil li jalanil dios, naticla cuiꞌchic li ple̱t. Ut ma̱ jun saꞌ xya̱nkeb li caꞌcꞌa̱l mil (40,000) chi cui̱nk quicuan xchꞌi̱chꞌ malaj xla̱ns re teꞌxcol cuiꞌ ribeb nak queꞌchal chi pletic li xicꞌ nequeꞌiloc reheb.

Deuteronomio 32:17

Queꞌmayejac chiruheb li ma̱us aj musikꞌej ut queꞌxlokꞌoniheb li moco dioseb ta. Queꞌxlokꞌoni li jalanil dios li incꞌaꞌ queꞌxlokꞌoni lix xeꞌto̱nil yucuaꞌ chi moco queꞌrabi resil.

Isaías 1:13

Me̱cꞌam chak chic le̱ mayej li ma̱cꞌaꞌ na-oc cuiꞌ. Incꞌaꞌ chic nacuaj rutzꞌbal li pom. Xintitzꞌ xban. La̱ex nequeninkꞌei li xyoꞌlajic li po ut li hiloba̱l cutan. Abanan incꞌaꞌ chic nacuaj rilbal le̱ ninkꞌe xban nak junes ma̱usilal nequeba̱nu.

Isaías 58:2

Cuulaj cuulaj yo̱queb chinsicꞌbal. Nequeꞌraj xnaubal cꞌaꞌru tincuaj teꞌxba̱nu. Chanchaneb jun li tenamit li nequeꞌxba̱nu li us. Chanchan nak incꞌaꞌ xeꞌxkꞌet lin chakꞌrab. Nequeꞌxtzꞌa̱ma chicuu li chakꞌrab li ti̱c. Nequeꞌxye nak nacuulac chiruheb inlokꞌoninquil, chan li Dios.

Jeremías 1:16

Aꞌan aꞌin li tojba ma̱c li tinqꞌue saꞌ xbe̱neb lin tenamit xban li ma̱usilal queꞌxba̱nu. Quineꞌxtzꞌekta̱na ut queꞌxcꞌat lix pomeb re xlokꞌoninquileb li jalanil dios ut queꞌxlokꞌoniheb li jalam u̱ch li queꞌxyi̱b riqꞌuin rukꞌeb.

Jeremías 5:7

Li Ka̱cuaꞌ quixye: —¿Chanru nak tincuy tinsach le̱ ma̱c? Eb le̱ ralal e̱cꞌajol xineꞌxtzꞌekta̱na ut xeꞌxba̱nu li juramento saꞌ xcꞌabaꞌeb li jalanil dios li moco dioseb ta. La̱in quinqꞌuehoc re li cꞌaꞌru queꞌraj. Abanan eb aꞌan xeꞌxlokꞌoniheb li jalanil dios. Chanchan nak queꞌxmux ru lix sumlajiqueb ut queꞌco̱eb riqꞌuineb li ixk li nequeꞌxcꞌayi ribeb.

Jeremías 18:15

Li Ka̱cuaꞌ quixye: —Abanan eb lin tenamit xineꞌxtzꞌekta̱na. Incꞌaꞌ chic niquineꞌxlokꞌoni. Aꞌ chic li jalanil dios nequeꞌxlokꞌoni ut nequeꞌxcꞌat li pom chiru. Queꞌxcanab xba̱nunquil li ti̱quilal li queꞌxba̱nu junxil. Junes chic li incꞌaꞌ us nequeꞌxba̱nu.

Jeremías 19:4

Tinba̱nu chi joꞌcan xban nak eb aꞌan xineꞌxtzꞌekta̱na ut xeꞌxsukꞌisi li naꞌajej aꞌin chokꞌ xnaꞌajeb li jalanil dios. Xeꞌxcꞌat li incienso re xlokꞌoninquileb li jalanil dios li ma̱ jun sut queꞌxnau ru eb aꞌan chi moco queꞌxnau ru eb lix xeꞌto̱nil yucuaꞌ, chi moco eb lix reyeb laj Judá. Ut queꞌxcamsiheb nabal li ma̱cꞌaꞌeb xma̱c. Chanchan nak quinujac li naꞌajej riqꞌuin lix quiqꞌueleb.

Jeremías 44:8

¿Cꞌaꞌut nak nequechikꞌ injoskꞌil riqꞌuin xlokꞌoninquileb li dios li xeyi̱b ut riqꞌuin xcꞌatbal le̱ pom chiruheb li dios li cuanqueb arin Egipto li bar xexchal cuiꞌ chi cua̱nc? La̱ex te̱sach e̱rib e̱junes ut texhobekꞌ ut xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Jeremías 44:9

¿Ma xsach saꞌ e̱chꞌo̱l li ma̱usilal li queꞌxba̱nu le̱ xeꞌto̱nil yucuaꞌ ut eb li rey ut eb li rixakileb saꞌ li naꞌajej Judá? ¿Ma xsach saꞌ e̱chꞌo̱l li ma̱usilal li xeba̱nu la̱ex ut eb le̱ rixakil aran Judá ut aran Jerusalén?

Jeremías 48:35

La̱in tinsach ruheb li nequeꞌmayejac saꞌ eb li naꞌajej li najt xteram li cuanqueb Moab ut nequeꞌxcꞌat li pom chiruheb lix dioseb, chan li Ka̱cuaꞌ.

Ezequiel 5:11

La̱in li yoꞌyo̱quil Dios ninye riqꞌuin juramento nak la̱in tinsach e̱ru xban nak xemux ru lin templo xban chixjunil li ma̱usilal xeba̱nu. La̱in incꞌaꞌ tincuy e̱ma̱c chi moco tincuil xtokꞌoba̱l e̱ru.

Ezequiel 23:39

Saꞌ eb li cutan nak queꞌxmayejaheb lix cocꞌaleb chiruheb lix yi̱banbil dios queꞌoc saꞌ lin templo ut queꞌxmux ru.

Oseas 2:13

La̱in tinqꞌue chixtojbal xma̱c a ixk aꞌin li quinixtzꞌekta̱na ut quixcꞌat li pom chiru laj Baal. Kꞌaxal chꞌinaꞌus nak quixtikib rib nak quixqꞌue li xcaꞌ xic oro ut quixqꞌue lix matkꞌab ut lix kꞌol ut co̱ chirixeb li cui̱nk li nequeꞌrahoc re ut incꞌaꞌ chic niquinixcꞌoxla la̱in li Ka̱cuaꞌ.

Oseas 6:9

Eb laj tij chanchaneb laj e̱lkꞌ li nequeꞌxmuk ribeb saꞌ li be li naxic saꞌ li tenamit Siquem re nak teꞌxcamsi li cristian nak teꞌnumekꞌ aran. Nacuulac chiruheb laj tij xba̱nunquil li ma̱usilal.

Amós 4:5

Ayukex. Chemayeja le̱ caxlan cua li cuan xchꞌamal ut yehomak resil li joꞌ qꞌuial xemayeja xban nak aꞌan li nacuulac che̱ru xba̱nunquil, la̱ex aj Israel, chan li Ka̱cuaꞌ Dios.

Jeremías 5:2

Cuanqueb li nequeꞌxba̱nu li juramento saꞌ incꞌabaꞌ la̱in li yoꞌyo̱quil Dios. Abanan moco ya̱l ta li nequeꞌxye xban nak moco nequeꞌxba̱nu ta chi anchaleb xchꞌo̱l, chan li Dios.

Ezequiel 20:30

Joꞌcan nak ta̱ye reheb laj Israel nak la̱in li Ka̱cuaꞌ Dios ninye: ¿Ma toj te̱mux e̱rib joꞌ queꞌxba̱nu le̱ naꞌ e̱yucuaꞌ? ¿Ma te̱lokꞌoniheb li jalanil dios joꞌ queꞌxba̱nu eb aꞌan?