Jeremías 7:34 - Li Santil hu

³⁴ La̱in tincuisi li sahil chꞌo̱lej saꞌ eb li tenamit li cuanqueb Judá joꞌ ajcuiꞌ saꞌ li tenamit Jerusalén. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱leb. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk chic sumla̱c. Eb li tenamit teꞌcana̱k chi ma̱cꞌaꞌ chic cuan chi saꞌ joꞌ li chaki chꞌochꞌ.—

Q'eqchi Bible

³⁴ Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Jeremías 7:34 ပူးပေါင်းရင်းမြစ်များ

Apocalipsis 18:23

Incꞌaꞌ chic ta̱ilma̱nk junak xam saꞌ li tenamit aꞌan. Ut incꞌaꞌ ajcuiꞌ ta̱abi̱k xya̱b xcuxeb li nequeꞌsahoꞌ saꞌ xchꞌo̱leb saꞌ junak sumla̱c. Teꞌxcꞌul chi joꞌcan xban nak eb laj cꞌay li queꞌcuan saꞌ li tenamit aꞌan queꞌxnimobresi ribeb, ut riqꞌuin li tu̱lac queꞌxba̱nu, queꞌxbalakꞌi chixjunileb li tenamit.

Oseas 2:11

La̱in tincuisi li ninkꞌei̱c chiru, li naqꞌuehoc xsahil xchꞌo̱l. Incꞌaꞌ chic ta̱ninkꞌei̱k rajlal chihab, rajlal po chi moco saꞌ li hiloba̱l cutan joꞌ cꞌaynak xba̱nunquil. Incꞌaꞌ chic tixninkꞌei ruheb lix dios.

Ezequiel 26:13

La̱in tinba̱nu nak incꞌaꞌ chic ta̱abi̱k xya̱b le̱ bich chi moco ta̱abi̱k xya̱b le̱ arpa.

Jeremías 25:10

Incꞌaꞌ chic ta̱abima̱nk li bich re sahil chꞌo̱lej. Incꞌaꞌ chic ta̱abima̱nk li bich re sumla̱c, chi moco ta̱abi̱k chic xya̱b li queꞌec, ut incꞌaꞌ chic lochlo̱keb li candil.

Jeremías 16:9

Li Ka̱cuaꞌ li nimajcual Dios, lix Dioseb laj Israel quixye: —La̱in tincuisi li sahil chꞌo̱lejil saꞌ li tenamit aꞌin. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱l. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk sumla̱c. Eb li cuanqueb anakcuan teꞌril nak tinba̱nu aꞌin.

Isaías 1:7

Queꞌsacheꞌ ruheb le̱ tenamit ut queꞌcꞌateꞌ. Yo̱quex chi iloc la̱ex nak eb li jalan xtenamit nequeꞌxtzaca li cꞌaꞌru xerau. Eb li jalan xtenamit queꞌxchap chixjunil li cꞌaꞌru e̱re ut le̱ chꞌochꞌ xcana chi ma̱cꞌaꞌ chic cuan chi saꞌ.

Levítico 26:33

La̱in tinjeqꞌui e̱ru saꞌ xya̱nkeb li xni̱nkal ru tenamit. Ut tebinqꞌue li xicꞌ nequeꞌiloc e̱re che̱ra̱linanquil riqꞌuin chꞌi̱chꞌ. Tinsach ru le̱ naꞌaj ut juqꞌuinbilakeb chic le̱ tenamit.

Miqueas 7:13

Ut xban li ma̱usilal li yo̱quex chixba̱nunquil la̱ex aj Israel, le̱ chꞌochꞌ incꞌaꞌ chic us ta̱cana̱k. Ma̱cꞌaꞌ chic ta̱e̱lk chiru.

Jeremías 4:27

Li Ka̱cuaꞌ quixye nak tixsach ru lix chꞌochꞌeb. Abanan incꞌaꞌ tixsach ruheb chi junaj cua.

Isaías 3:26

Eb li cuanqueb saꞌ li tenamit teꞌya̱bak ut teꞌxqꞌue li kꞌes ru tꞌicr chirixeb. Li tenamit Jerusalén tzꞌekta̱nanbil ta̱cana̱k.

Jeremías 33:10

Li Ka̱cuaꞌ quixye: —La̱ex nequeye nak li naꞌajej aꞌin ma̱cꞌaꞌ cuan chi saꞌ, chi moco li cristian, chi moco li xul. Abanan saꞌ eb li tenamit li cuanqueb Judá ut saꞌ eb li be li cuanqueb Jerusalén, usta ma̱cꞌaꞌeb cristian ut ma̱cꞌaꞌeb xul, ta̱abima̱nk cuiꞌchic li japoc e.

Isaías 6:11

Ut la̱in quinpatzꞌ re, —¿Joꞌ najtil teꞌxcꞌul chi joꞌcaꞌin, at Ka̱cuaꞌ?— Li Dios quixye cue: —Toj retal teꞌsachekꞌ chixjunileb li tenamit. Ma̱ jun chic ta̱cana̱k saꞌ rochocheb ut lix chꞌochꞌeb ta̱cana̱k chi ma̱cꞌaꞌ chic cuan.

Salmos 78:63

Queꞌcamsi̱c li sa̱j cui̱nk saꞌ li ple̱t ut eb li tukꞌ ixk queꞌcana chi ma̱ ani chic teꞌsumla̱k cuiꞌ.

Jeremías 22:6

Chicuu la̱in, lix palacio lix reyeb laj Judá kꞌaxal chꞌinaꞌus. Chanchan li naꞌajej Galaad ut chanchan li tzu̱l li cuan Líbano. Abanan la̱in tinsach lix chꞌinaꞌusal ut tincanab chi ma̱cꞌaꞌ chic cuan chi saꞌ, chi moco cristian.

Jeremías 27:17

Me̱pa̱b li cꞌaꞌru nequeꞌxye. Texcꞌanjelak chiru lix reyeb laj Babilonia re nak ta̱cua̱nk e̱yuꞌam. ¿Cꞌaꞌru aj e nak ta̱sachekꞌ ru li tenamit aꞌin?

Jeremías 44:6

Joꞌcan nak quinumta lin joskꞌil saꞌ xbe̱neb ut quicuisi injoskꞌil saꞌ xbe̱neb li tenamit li cuanqueb Judá ut saꞌ eb li be li cuanqueb Jerusalén. La̱in quinsach ruheb ut ma̱cꞌaꞌ cuan saꞌ eb li tenamit toj chalen anakcuan.

Lamentaciones 5:14

Incꞌaꞌ chic nequeꞌcꞌojla chire li oqueba̱l re li tenamit eb li ac che̱queb. Ut eb li toj sa̱j incꞌaꞌ chic nequeꞌbichan.

Li xHu LAJ JOB 3:7

Us raj nak junes rahil chꞌo̱lej quicuan saꞌ li kꞌojyi̱n nak quinyoꞌla. Ut ma̱ ani raj quibichan xban xsahil xchꞌo̱l.

Jeremías 4:26

Ut li cha̱bil chꞌochꞌ quisukꞌi chaki chꞌochꞌ. Poꞌbileb chic li tenamit xban xjoskꞌil li Ka̱cuaꞌ.

Jeremías 33:11

Ta̱abima̱nk cuiꞌchic xya̱b xcuxeb li yo̱queb chixjapbal reheb xban xsahil xchꞌo̱leb. Ta̱abima̱nk nak yo̱keb chi sahokꞌ saꞌ xchꞌo̱leb li yo̱queb chi ninkꞌei̱c saꞌ li sumla̱c. Ta̱abi̱k ajcuiꞌ xya̱b xcuxeb nak yo̱keb chixlokꞌoninquil li Dios ut nequeꞌxye: Lokꞌoninbil taxak li Ka̱cuaꞌ li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic. Ta̱abi̱k ajcuiꞌ xya̱b xcuxeb nak yo̱keb chixcꞌambal lix mayejeb re bantioxi̱nc saꞌ lix templo li Ka̱cuaꞌ. Tebinqꞌue cuiꞌchic chi sukꞌi̱c saꞌ lix naꞌajeb eb li queꞌcꞌameꞌ chi pre̱xil ut teꞌcua̱nk cuiꞌchic joꞌ nak queꞌcuan junxil.

Ezequiel 7:11

Xnumta li ma̱usilal ut xban nak cuan nabal li ma̱usilal xnumta li rahobtesi̱nc. Ma̱ jun e̱re teꞌcolekꞌ, usta cuanqueb xbiomal ut usta ni̱nkeb xcuanquil. Telajeꞌosokꞌ ban chixjunileb ut ma̱ ani chic ta̱ya̱bak xban nak chixjunileb teꞌosokꞌ.

Oseas 2:13

La̱in tinqꞌue chixtojbal xma̱c a ixk aꞌin li quinixtzꞌekta̱na ut quixcꞌat li pom chiru laj Baal. Kꞌaxal chꞌinaꞌus nak quixtikib rib nak quixqꞌue li xcaꞌ xic oro ut quixqꞌue lix matkꞌab ut lix kꞌol ut co̱ chirixeb li cui̱nk li nequeꞌrahoc re ut incꞌaꞌ chic niquinixcꞌoxla la̱in li Ka̱cuaꞌ.