Jeremías 7:25 - Li Santil hu

²⁵ Chalen saꞌ li cutan nak le̱ xeꞌto̱nil yucuaꞌ queꞌel chak Egipto toj chalen anakcuan, rajlal quintaklaheb lin profeta riqꞌuineb chixchꞌolobanquil lix ya̱lal chiruheb.

Q'eqchi Bible

²⁵ “Chalen naq ke'elk chaq leena' leeyuwa' sa' li tenamit Ejiipt toj anaqwan, rajlal xintaqla eerik'in eb' li propeet, laj k'anjeleb' chiwu.

Jeremías 7:25 ပူးပေါင်းရင်းမြစ်များ

Jeremías 25:4

Li Ka̱cuaꞌ xtakla e̱riqꞌuin nabal sut eb li profetas li nequeꞌcꞌanjelac chiru, abanan la̱ex incꞌaꞌ queqꞌue retal li cꞌaꞌru queꞌxye chi moco xex-abin chiruheb.

2 Crónicas 36:15

Li Ka̱cuaꞌ lix Dioseb lix xeꞌto̱nil yucuaꞌeb nabal sut quixtakla lix profeta riqꞌuineb chixkꞌusbaleb xban nak quiril xtokꞌoba̱leb ru ut xban ajcuiꞌ nak saꞌ li tenamit aꞌan cuan lix templo.

Ezequiel 2:3

Ut li Ka̱cuaꞌ quixye cue: —At ralal cui̱nk, yo̱quin cha̱taklanquil riqꞌuineb li ralal xcꞌajol laj Israel. Eb li tenamit aꞌan kꞌaxal kꞌetkꞌeteb ut queꞌxkꞌet li cua̱tin. Eb aꞌan joꞌ eb ajcuiꞌ lix xeꞌto̱nil yucuaꞌeb yo̱queb chi ma̱cobc chicuu toj chalen anakcuan.

Jeremías 7:13

Anakcuan ut cꞌajoꞌ li ma̱usilal xeba̱nu. La̱in qꞌuila sut xinye e̱re nak te̱jal e̱cꞌaꞌux, abanan la̱ex incꞌaꞌ nequeraj rabinquil li cua̱tin. La̱in xexinbok re nak texsukꞌi̱k cuiqꞌuin, abanan incꞌaꞌ xeraj.

Nehemías 9:26

Abanan queꞌxchikꞌ a̱joskꞌil xban nak queꞌxkꞌet la̱ cua̱tin. Queꞌxtzꞌekta̱na li chakꞌrab li caqꞌue reheb. Queꞌxcamsiheb li profeta li queꞌyehoc reheb nak teꞌsukꞌi̱k cuiꞌchic a̱cuiqꞌuin. Cꞌajoꞌ li ma̱usilal queꞌxba̱nu.

Nehemías 9:30

Nabal chihab cacuyeb xma̱queb. Ut caqꞌue la̱ Santil Musikꞌ reheb la̱ profeta re nak teꞌxchꞌolob lix ya̱lal chiruheb. Abanan incꞌaꞌ queꞌabin. Joꞌcan nak cacanabeb saꞌ rukꞌeb li jalan xtenamiteb.

Esdras 9:7

Chalen nak toj cuanqueb li kaxeꞌto̱nil yucuaꞌ toj anakcuan yo̱co chi ma̱cobc cha̱cuu. Xban li kama̱usilal, ut xban ajcuiꞌ lix ma̱usilaleb li karey ut eb laj tij, la̱o cokꞌaxtesi̱c saꞌ rukꞌeb li rey li jalan xtenamiteb. Cochapeꞌ ut cocꞌameꞌ chi najt saꞌ jalan tenamit. Cuan queꞌcamsi̱c riqꞌuin chꞌi̱chꞌ. Queꞌrelkꞌa li cꞌaꞌru cuan ke ut quicꞌuteꞌ kaxuta̱n toj chalen anakcuan.

Deuteronomio 9:7

Chijulticokꞌ e̱re chanru nak quechikꞌ chak xjoskꞌil li Ka̱cuaꞌ le̱ Dios nak cuanquex saꞌ li chaki chꞌochꞌ. Chalen saꞌ li cutan nak quex-el chak Egipto toj chalen anakcuan nak cuanquex saꞌ li naꞌajej aꞌin, yo̱quex chixkꞌetkꞌetinquil e̱rib chiru li Ka̱cuaꞌ.

San Lucas 11:49

Li Dios, aꞌan cuan xnaꞌleb. Joꞌcan nak quixye, “La̱in tintaklaheb li profeta ut eb li apóstol riqꞌuineb. Saꞌ xya̱nkeb aꞌan cuan te̱camsiheb, ut cuan ajcuiꞌ te̱ta̱keheb re xchapbaleb.”

2 Crónicas 24:19

Li Ka̱cuaꞌ quixtaklaheb lix profeta chi a̱tinac riqꞌuineb li tenamit ut chixyebal reheb nak teꞌsukꞌi̱k riqꞌuin li Ka̱cuaꞌ. Queꞌxye reheb nak incꞌaꞌ us yo̱queb. Abanan li tenamit incꞌaꞌ queꞌabin chiruheb.

Isaías 5:4

¿Cꞌaꞌ chic ru incꞌaꞌ xinba̱nu re li cuacui̱mk nak nequeye la̱ex? Nak quicuoybeni nak tixqꞌue li cha̱bil uvas, aꞌ chic li ma̱cuaꞌ cha̱bil li qui-el.

Jeremías 11:7

Chalen nak queꞌcuisi chak le̱ xeꞌto̱nil yucuaꞌ Egipto ut toj chalen anakcuan la̱in nabal sut quebinkꞌus. Chalen junxil yo̱quin chak chixyebal reheb: Cherabihak li cꞌaꞌru ninye.

Jeremías 25:3

Ut quixye reheb: —Chalen nak yo̱ oxlaju chihab roquic chokꞌ xreyeb laj Judá laj Josías li ralal laj Amón ut toj anakcuan li Ka̱cuaꞌ yo̱ chi a̱tinac cuiqꞌuin. Ut chiru oxib xcaꞌcꞌa̱l (23) chihab la̱in rajlal yo̱quin chixyebal e̱re li cꞌaꞌru quixye li Ka̱cuaꞌ. Abanan la̱ex incꞌaꞌ xex-abin.

Jeremías 29:19

Teꞌxcꞌul chi joꞌcan xban nak incꞌaꞌ queꞌxpa̱b li cua̱tin li quiyeheꞌ reheb junelic xbaneb lin profetas li queꞌcꞌanjelac chicuu. Joꞌcan ajcuiꞌ la̱ex. Chi moco la̱ex li quexcꞌameꞌ chi najt xerabi li cua̱tin, chan li Ka̱cuaꞌ.

Jeremías 35:14

Laj Jonadab li ralal laj Recab quixye reheb li ralal xcꞌajol nak incꞌaꞌ teꞌrucꞌ li vino ut queꞌxba̱nu joꞌ quixye. Toj chalen anakcuan incꞌaꞌ nequeꞌrucꞌ li vino xban nak nequeꞌxba̱nu li cꞌaꞌru quixye lix xeꞌto̱nil yucuaꞌeb. Abanan la̱in nabal sut yo̱quin chixyebal e̱re cꞌaꞌru te̱ba̱nu ut incꞌaꞌ nequex-abin chicuu.

Jeremías 35:15

Nabal sut quintakla lin profetas e̱riqꞌuin. Queꞌxye e̱re nak che̱junilex te̱jal le̱ cꞌaꞌux ut te̱canab xba̱nunquil li ma̱usilal. Queꞌxye e̱re nak incꞌaꞌ te̱lokꞌoniheb li jalanil dios, chi moco texcꞌanjelak chiruheb. Cui te̱ba̱nu chi joꞌcan texcua̱nk saꞌ li naꞌajej li quinqꞌue reheb le̱ xeꞌto̱nil yucuaꞌ ut e̱re ajcuiꞌ la̱ex, chanqueb. Abanan, la̱ex incꞌaꞌ xex-abin chicuu.

Jeremías 44:4

Nabal sut quintaklaheb li profeta, laj cꞌanjel chicuu, riqꞌuineb. Eb li profeta queꞌxye reheb nak incꞌaꞌ teꞌxba̱nu li yibru naꞌleb aꞌin, li incꞌaꞌ nacuulac chicuu.

Oseas 12:10

La̱in xebintakla li profeta e̱riqꞌuin ut qꞌuila sut xincꞌut che̱ru lix ya̱lal. La̱in xina̱tinac riqꞌuineb li profeta riqꞌuin jaljo̱quil ru a̱tin ut eb li profeta queꞌxcꞌut che̱ru lix ya̱lal, chan li Ka̱cuaꞌ.

Amós 2:11

Saꞌ xya̱nkeb le̱ ralal e̱cꞌajol la̱ex aj Israel xinsiqꞌueb ru li teꞌcua̱nk chokꞌ profeta ut xinsiqꞌueb ru li toj sa̱jeb li queꞌxkꞌaxtesi rib chi cꞌanjelac chicuu chokꞌ Nazareo. ¿Ma incꞌaꞌ ta biꞌ ya̱l nak joꞌcan quinba̱nu? chan li Ka̱cuaꞌ.

Malaquías 3:7

Chalen nak toj cua̱nkeb chak le̱ naꞌ e̱yucuaꞌ, la̱ex quetzꞌekta̱na li chakꞌrab li quinqꞌue e̱re ut incꞌaꞌ queba̱nu li cꞌaꞌru quinye. Sukꞌinkex cuiqꞌuin ut la̱in texincꞌul cuiꞌchic chokꞌ cualal incꞌajol, chan li nimajcual Dios. Abanan la̱ex nequeye, “¿Cꞌaꞌru xopaltoꞌ cuiꞌ nak tosukꞌi̱k a̱cuiqꞌuin?” chanquex.

Oseas 11:7

Lin tenamit niquineꞌxtzꞌekta̱na. Junes kꞌetkꞌetil chic cuan saꞌ xchꞌo̱leb. Usta nequeꞌxye nak la̱in li kꞌaxal nim incuanquil, abanan ma̱ jun reheb naqꞌuehoc incuanquil.