Jeremías 7:2 - Li Santil hu

² —Xaklin chire lix puertil lin templo ut ta̱ye li a̱tin aꞌin reheb li cristian: Abihomak li cꞌaꞌru xye li Dios e̱re che̱junilex la̱ex aj Judá. Abihomak che̱junilex la̱ex li nequex-oc chixlokꞌoninquil li Ka̱cuaꞌ Dios.

Q'eqchi Bible

² “Xaqab' aawib' chire li rochoch li Yos ut k'e chi nawe'k li esil a'in: Chejunilex laa'ex aj Judá, li nekexnume'k sa' li okeb'aal a'in re xloq'oninkil ru li Qaawa', ab'ihomaq li aatin a'in.

Jeremías 7:2 ပူးပေါင်းရင်းမြစ်များ

Jeremías 26:2

Quixye re: —Xaklin saꞌ li neba̱l chiru li oqueba̱l re lin templo ut a̱tinan riqꞌuineb chixjunileb li nequeꞌchal chi lokꞌoni̱nc. Ye reheb chixjunil li a̱tin li xinye a̱cue. Ma̱ jun li a̱tin li xinye incꞌaꞌ ta ta̱ye reheb.

Apocalipsis 3:22

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel, chan li Cꞌajolbej reheb laj pa̱banel li cuanqueb Laodicea.

Amós 7:16

Joꞌcan nak chacuabi li ra̱tin li Ka̱cuaꞌ. La̱at incꞌaꞌ nacacuaj tinye li raylal li xchal saꞌ e̱be̱n la̱ex laj Israel, chi moco nacacuaj tinye li cꞌaꞌru xchal saꞌ e̱be̱n la̱ex li ralal xcꞌajol laj Isaac. Joꞌcan ut nak tinye a̱cue li cꞌaꞌru xye cha̱cuix li Ka̱cuaꞌ.

Isaías 1:10

La̱ex li nequexcꞌamoc be saꞌ li tenamit Jerusalén chanchanex laj Sodoma. Ut chanchanex laj Gomorra. Abihomak li yo̱ chixyebal e̱re li Ka̱cuaꞌ li kaDios. Qꞌuehomak retal lix ya̱lal li yo̱ chixchꞌolobanquil che̱ru.

Miqueas 1:2

Ut nak qui-oc chixyebal li cꞌaꞌru quiyeheꞌ re xban li Dios laj Miqueas quixye chi joꞌcaꞌin: —Cherabihak che̱junilex la̱ex li cuanquex saꞌ ruchichꞌochꞌ. Cheqꞌuehak retal li naxye li Ka̱cuaꞌ. Li nimajcual Dios ta̱a̱tinak chak saꞌ lix santil naꞌaj ut aꞌan ta̱yehok re nak cuan e̱ma̱c.

Oseas 5:1

La̱ex laj tij, cherabihak li oc cue chixyebal. La̱ex laj Israel, cheqꞌuehak retal li tinye. Ex ralal xcꞌajol li rey, abihomak li tinye anakcuan. Xexrakoc raj a̱tin saꞌ xbe̱neb li tenamit saꞌ ti̱quilal. Abanan incꞌaꞌ xeba̱nu. Joꞌcan nak ta̱rakekꞌ a̱tin saꞌ e̱be̱n la̱ex ut texinqꞌue chixtojbal rix le̱ ma̱c. Xeqꞌue e̱rib joꞌ jun raꞌal reheb laj Mizpa joꞌ ajcuiꞌ reheb laj Tabor.

Jeremías 44:24

Ut laj Jeremías quixye ajcuiꞌ reheb li tenamit, joꞌ eb ajcuiꞌ li ixk: —Abihomak li cꞌaꞌru naxye li Ka̱cuaꞌ, la̱ex aj Judá, li cuanquex arin Egipto.

Jeremías 36:10

Laj Baruc co̱ saꞌ xmu li templo cuan cuiꞌ li puerta toj acꞌ. Qui-oc saꞌ lix naꞌaj laj Gemarías li ralal laj Safán laj tzꞌi̱b. Ut aran quiril chiruheb li tenamit li quixye laj Jeremías li tzꞌi̱banbil saꞌ li botbil hu.

Jeremías 36:6

Ayu la̱at saꞌ li templo saꞌ li cutan nak tex-ayunik ut ta̱cuil xsaꞌ li hu aꞌin re nak chixjunileb li tenamit teꞌrabi li cꞌaꞌru quixye li Ka̱cuaꞌ. Ut ta̱cuil ajcuiꞌ xsaꞌ chiruheb chixjunileb li cristian li nequeꞌchal chak saꞌ eb li tenamit li cuanqueb Judá.

Jeremías 34:4

At Sedequías, chaqꞌuehak retal li yo̱quin chixyebal a̱cue. La̱at incꞌaꞌ tatcamsi̱k saꞌ li ple̱t.

Jeremías 19:14

Chirix chic aꞌan laj Jeremías qui-el Tofet ut co̱ cuiꞌchic Jerusalén, li quitakla̱c cuiꞌ xban li Ka̱cuaꞌ chixyebal reheb li tenamit cꞌaꞌru ta̱cꞌulma̱nk. Laj Jeremías quixakli saꞌ li neba̱l re li templo ut quixye reheb li tenamit chi joꞌcaꞌin:

Jeremías 10:1

La̱ex aj Israel, abihomak li oc re xyebal e̱re li Ka̱cuaꞌ.

Jeremías 2:4

La̱ex aj Israel, li ralal xcꞌajol laj Jacob, cherabihak li cꞌaꞌru yo̱ chixyebal e̱re li Ka̱cuaꞌ.

1 Reyes 22:19

Li profeta Micaías quixye ajcuiꞌ: —Qꞌuehomak retal li cꞌaꞌru quixcꞌutbesi chicuu li Ka̱cuaꞌ. Xcuil li Ka̱cuaꞌ cꞌojcꞌo saꞌ lix cꞌojariba̱l saꞌ choxa. Ut chixjunileb lix ángel xakxo̱queb chixcꞌatk. Cuanqueb saꞌ lix nim ukꞌ ut cuanqueb saꞌ lix tzꞌe.

Apocalipsis 3:13

Cui te̱raj xtaubal ru lix ya̱lal, cherabihak li naxye li Santil Musikꞌej reheb laj pa̱banel.— Joꞌcaꞌin quixye li Cꞌajolbej reheb laj pa̱banel li cuanqueb Filadelfia.

Apocalipsis 3:6

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel.— Joꞌcaꞌin quixye li Cꞌajolbej reheb laj pa̱banel li cuanqueb Sardis.

Apocalipsis 2:29

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel, chan li Cꞌajolbej reheb laj pa̱banel li cuanqueb Tiatira.

Apocalipsis 2:17

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue li choxahil cua li incꞌaꞌ na-ilman ru chixtzaca. Ut tinqꞌue ajcuiꞌ jun li saki pec re ut tzꞌi̱banbilak chiru jun li acꞌ cꞌabaꞌej. Ma̱ ani ta̱naꞌok re li cꞌabaꞌej. Caꞌaj cuiꞌ li ani li ta̱cꞌuluk re, chan li Cꞌajolbej reheb laj Pérgamo.

Apocalipsis 2:11

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, li jun aꞌan incꞌaꞌ tixcꞌul lix cab xcamic. Incꞌaꞌ ta̱xic saꞌ xbalba, chan li Cꞌajolbej reheb laj Esmirna.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

Hechos 5:42

Ut incꞌaꞌ queꞌxcanab xchꞌolobanquil xya̱lal chiruheb li tenamit saꞌ li templo ut saꞌ eb li rochoch ut queꞌxye resil nak li Jesucristo, aꞌan laj Colonel li yechiꞌinbil xban li Dios.

Hechos 5:20

—Ayukex saꞌ li templo ut te̱chꞌolob xya̱lal chiruheb li tenamit chirix li acꞌ yuꞌam, chan reheb.

San Juan 18:20

Li Jesús quixye re: —Junelic xinchꞌolob lix ya̱lal chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut saꞌ li templo. Ma̱cꞌaꞌ xinye reheb chi mukmu.

San Mateo 13:9

Tojoꞌnak li Jesús quixye reheb: —Li ani na-abin, chixqꞌuehak retal li cꞌaꞌru ninye, chan.

Miqueas 3:9

Abihomak li oc cue xyebal e̱re la̱ex li nequexcꞌamoc be chiruheb laj Israel li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb. La̱ex xicꞌ nequeril li ti̱quilal ut nequesukꞌisi li us chokꞌ ma̱usilal.

Miqueas 3:1

Ut quixye laj Miqueas: —Abihomak anakcuan la̱ex li nequexcꞌamoc be saꞌ xya̱nkeb li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb li ralal xcꞌajol laj Israel. ¿Ma incꞌaꞌ ta biꞌ tento ajcuiꞌ saꞌ e̱be̱n la̱ex xtaubal ru li ti̱quilal?

Salmos 122:2

Ut anakcuan cuanco chire li oqueba̱l re li tenamit Jerusalén.

Jeremías 2:2

—Ayu ut ye reheb laj Jerusalén chi cau xya̱b a̱cux nak la̱in li Ka̱cuaꞌ ninye chi joꞌcaꞌin: Jultic cue chanru nak xine̱ra saꞌ e̱sa̱jilal. Xine̱ra joꞌ jun li ixakilbej naxra lix be̱lom. Xine̱ta̱ke saꞌ li chaki chꞌochꞌ li incꞌaꞌ na-el cuiꞌ li acui̱mk.

Jeremías 7:1

Li Ka̱cuaꞌ Dios quia̱tinac riqꞌuin laj Jeremías ut quixye re:

Jeremías 11:6

Ut li Ka̱cuaꞌ quixye cue: —Ta̱ye li a̱tin aꞌin saꞌ eb li tenamit li cuanqueb Judá ut saꞌ li tenamit Jerusalén. Ta̱ye reheb chi joꞌcaꞌin: Abihomak li cꞌaꞌru naxye li contrato aꞌin ut te̱ba̱nu li cꞌaꞌru naxye.

Ezequiel 37:1

Quicuecꞌa lix cuanquilal li Dios cuiqꞌuin nak quicuil jun li visión. Ut lix musikꞌ li nimajcual Dios quicꞌamoc cue saꞌ jun li ru takꞌa nujenak chi bak.

Jeremías 28:5

Ut laj Jeremías quia̱tinac riqꞌuin laj Hananías chiruheb laj tij ut chiruheb ajcuiꞌ chixjunileb li tenamit li cuanqueb saꞌ li templo.