Jeremías 7:19 - Li Santil hu

¹⁹ Abanan, ¿ma cue ta biꞌ la̱in yo̱queb chixba̱nunquil li raylal? ¿Ma ma̱cuaꞌ ta biꞌ aꞌaneb li teꞌxsach ribeb riqꞌuin li cꞌaꞌru nequeꞌxba̱nu?

Q'eqchi Bible

¹⁹ Ma laa'in tab'i' yookeb' chinmajewankil? Ma ink'a' tab'i' a'aneb' ajwi' neke'xmajewa rib' ut chi jo'kan neke'xk'ut xxutaaneb'?

Jeremías 7:19 ပူးပေါင်းရင်းမြစ်များ

1 Corintios 10:22

Incꞌaꞌ us cui takaqꞌue xjoskꞌil li Ka̱cuaꞌ riqꞌuin xlokꞌoninquil li yi̱banbil dios. ¿Ma la̱o ta biꞌ nim kacuanquil chiru li Ka̱cuaꞌ? Ma̱ jokꞌe xban nak la̱o ma̱cꞌaꞌ kacuanquil.

Jeremías 20:11

Abanan, la̱at at inDios, la̱at cuancat cuiqꞌuin. La̱at tatcolok cue riqꞌuin la̱ cuanquil. Li teꞌraj xba̱nunquil raylal cue, incꞌaꞌ taxak us teꞌe̱lk. Xuta̱nal teꞌe̱lk nak teꞌril nak ma̱cꞌaꞌ naru teꞌxba̱nu cue. Ta̱cubsi taxak xcuanquileb chi junaj cua.

Jeremías 9:19

Toj aran Sión na-abi̱c li ya̱bac xban nak xo-osoꞌ. Numtajenak li kaxuta̱n xban nak tento nak takacanab li kanaꞌaj. Ut eb li kochoch juqꞌuinbil chic, chanqueb.

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Isaías 45:16

Abanan chixjunileb li nequeꞌyi̱ban re li jalanil dios sachso̱k xnaꞌleb teꞌcana̱k ut teꞌxuta̱na̱k. Teꞌseꞌe̱k ut teꞌhobekꞌ nak ta̱cꞌutekꞌ xxuta̱neb.

Isaías 1:24

Joꞌcan nak li Ka̱cuaꞌ li nimajcual Dios, li cau rib saꞌ xbe̱neb laj Israel, naxye chi joꞌcaꞌin: —La̱in tincuisi injoskꞌil saꞌ e̱be̱n la̱ex li xicꞌ nequex-iloc cue. Tinqꞌue re̱kaj e̱re li cꞌaꞌru nequeba̱nu cue.

Isaías 1:20

Abanan cui nequekꞌet li cua̱tin li yo̱quin chixyebal e̱re, camsinbil nak tex-osokꞌ. Ma̱cꞌaꞌ chic xjalenquil. La̱in li Ka̱cuaꞌ li xinyehoc e̱re aꞌin, chan li Dios.

Li xHu LAJ JOB 35:6

¿Cꞌaꞌru tixra li Dios nak yo̱cat chi ma̱cobc? Ut, ¿cꞌaꞌru tixra nak incꞌaꞌ tatma̱cobk?

Esdras 9:7

Chalen nak toj cuanqueb li kaxeꞌto̱nil yucuaꞌ toj anakcuan yo̱co chi ma̱cobc cha̱cuu. Xban li kama̱usilal, ut xban ajcuiꞌ lix ma̱usilaleb li karey ut eb laj tij, la̱o cokꞌaxtesi̱c saꞌ rukꞌeb li rey li jalan xtenamiteb. Cochapeꞌ ut cocꞌameꞌ chi najt saꞌ jalan tenamit. Cuan queꞌcamsi̱c riqꞌuin chꞌi̱chꞌ. Queꞌrelkꞌa li cꞌaꞌru cuan ke ut quicꞌuteꞌ kaxuta̱n toj chalen anakcuan.

Deuteronomio 32:16

Queꞌxchikꞌ xjoskꞌil li Ka̱cuaꞌ nak queꞌxlokꞌoni li jalanil dios. Quinumta xjoskꞌil xban li ma̱usilal queꞌxba̱nu.

Jeremías 2:17

La̱in li Ka̱cuaꞌ le̱ Dios li quincꞌamoc chak be che̱ru. ¿Ma ma̱cuaꞌ ta biꞌ xban nak quine̱tzꞌekta̱na nak yo̱quex chixcꞌulbal li raylal aꞌin?

Jeremías 8:19

Chacuabi taxak lix ya̱beb lin tenamit li cuanqueb chi najt nak nequeꞌxye, “¿Ma ma̱cꞌaꞌ ta biꞌ li Ka̱cuaꞌ aran Sión? ¿Ma ma̱ ani chic lix reyeb aran?” chanqueb. Li Ka̱cuaꞌ quixye re: —¿Cꞌaꞌut nak queꞌxqꞌue injoskꞌil riqꞌuin xlokꞌoninquileb li jalanil dios? ¿Cꞌaꞌut nak nequeꞌxqꞌue xlokꞌal li yi̱banbil dios li ma̱cꞌaꞌ nequeꞌoc cuiꞌ? chan.

Jeremías 15:9

Ta̱lucta̱k xchꞌo̱l li naꞌbej li quicuan cuukub xcocꞌal. Incꞌaꞌ chic ta̱ru̱k ta̱musikꞌak. Ut toj sa̱j nak ta̱ca̱mk. Sachso xchꞌo̱l ut ta̱xuta̱na̱k ta̱cana̱k xban nak ma̱cꞌaꞌ chic xcocꞌal. Ut cui cuanqueb li teꞌcolekꞌ, eb li xicꞌ nequeꞌiloc reheb teꞌxcamsiheb chi chꞌi̱chꞌ. La̱in li Ka̱cuaꞌ ninyehoc re aꞌan.—

Jeremías 22:22

Teꞌcꞌamekꞌ che̱ru chixjunileb li nequeꞌcꞌamoc be che̱ru. Chanchan nak teꞌcꞌamekꞌ xban ikꞌ. Teꞌcꞌamekꞌ saꞌ jalan naꞌajej chixjunileb li xeꞌxjunaji ribeb e̱riqꞌuin. Ta̱cubsi̱k e̱cuanquil ut xuta̱nal texcana̱k xban le̱ ma̱usilal.

Jeremías 25:7

Abanan la̱ex incꞌaꞌ xerabi li cꞌaꞌru xinye e̱re. Xechikꞌ ban injoskꞌil riqꞌuin xyi̱banquil le̱ jalanil dios. Joꞌcan nak xebok raylal saꞌ e̱be̱n.

Jeremías 44:3

Xinba̱nu chi joꞌcan reheb xban li ma̱usilal queꞌxba̱nu. Queꞌxqꞌue injoskꞌil nak queꞌxcꞌat xpomeb ut queꞌxlokꞌoni li jalanil dios li incꞌaꞌ xeꞌxnau ru eb aꞌan, chi moco la̱ex, chi moco le̱ naꞌ e̱yucuaꞌ.

Ezequiel 16:26

Caba̱nu li ma̱usilal riqꞌuineb laj Egipto li junes cua̱nc riqꞌuin ixk nequeꞌxcꞌoxla. Kꞌaxal xnumta li ma̱usilal li xaba̱nu riqꞌuineb ut riqꞌuin aꞌan cachikꞌ injoskꞌil.

Jeremías 3:25

Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.