Jeremías 7:15 - Li Santil hu

¹⁵ Texintzꞌekta̱na joꞌ nak quintzꞌekta̱naheb chixjunileb le̱ rechꞌalal, li ralal xcꞌajol laj Efraín. La̱in li Ka̱cuaꞌ ninyehoc re aꞌin.—

Q'eqchi Bible

¹⁵ Texwisi chi xnaq' wu jo' kinb'aanu junxil reheb' li ralal xk'ajoleb' laj Efraín, leerech'alal».

Jeremías 7:15 ပူးပေါင်းရင်းမြစ်များ

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Oseas 13:16

La̱in tebinqꞌue chixtojbal rix lix ma̱queb laj Samaria xban nak xineꞌxtzꞌekta̱na. Ta̱cha̱lk li ple̱t saꞌ xbe̱neb ut telajeꞌcamsi̱k riqꞌuin chꞌi̱chꞌ. Tenbileb chiru pec li cocꞌal nak teꞌcamsi̱k. Ut eb li yaj aj ixk jachbileb chi chꞌi̱chꞌ nak teꞌcamsi̱k.

Jeremías 52:3

Xban nak quijoskꞌoꞌ li Ka̱cuaꞌ saꞌ xbe̱neb laj Judá ut eb laj Jerusalén, joꞌcan nak queꞌxcꞌul chixjunil li raylal aꞌin toj retal nak li Ka̱cuaꞌ quirisiheb saꞌ lix naꞌajeb. Ut li rey Sedequías incꞌaꞌ chic quixqꞌue rib chixtakla laj Nabucodonosor lix reyeb laj Babilonia.

2 Reyes 17:23

toj retal nak li Dios quixcanabeb re nak teꞌchapekꞌ xbaneb jalan tenamit joꞌ quiyeheꞌ reheb xbaneb lix profeta li Dios. Joꞌcan nak queꞌchapeꞌ ut queꞌcꞌameꞌ Asiria. Ut aran cuanqueb toj chalen anakcuan.

Oseas 12:1

Chanchan yal ikꞌ nataklan reheb laj Efraín xban nak ma̱cꞌaꞌ na-oc cuiꞌ li nequeꞌxba̱nu. Chanchan li ikꞌ nachal saꞌ releb sakꞌe bar cuanqueb cuiꞌ laj Asiria. Nanumta li ticꞌtiꞌ ut li ma̱usilal li nequeꞌxba̱nu. Nequeꞌxba̱nu li contrato riqꞌuineb laj Asiria ut nequeꞌxtakla lix aceite aran Egipto.

Oseas 9:9

Kꞌaxal xnumta le̱ ma̱usilal joꞌ queꞌxba̱nu aran Gabaa. Anakcuan ta̱julticokꞌ re li Dios le̱ ma̱usilal ut aꞌan ta̱qꞌuehok e̱re chixtojbal rix le̱ ma̱c, chan laj Oseas.

Oseas 9:3

La̱ex incꞌaꞌ texcana̱k arin saꞌ li naꞌajej li qꞌuebil e̱re xban li Dios. La̱ex ralal xcꞌajol laj Efraín, texcana̱k rubel xtakl laj Asiria. Chanchan nak quexcuan chak Egipto. Ut te̱tzaca li tzacae̱mk li yebil e̱re nak incꞌaꞌ us te̱tzaca.

Oseas 1:4

Ut li Ka̱cuaꞌ quixye re laj Oseas: —Qꞌue aj Jezreel chokꞌ xcꞌabaꞌ li cꞌulaꞌal aꞌin xban nak chi se̱b tinqꞌue chixtojbal xma̱c li ralal xcꞌajol laj Jehú xban li camsi̱nc queꞌxba̱nu aran Jezreel. Tinsacheb xcuanquileb li ralal xcꞌajol ut incꞌaꞌ chic teꞌtakla̱nk saꞌ xbe̱neb laj Israel.

Jeremías 23:39

la̱at ta̱ye reheb nak la̱in tintzꞌekta̱naheb ut tintzꞌekta̱na ajcuiꞌ li tenamit li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ.

Jeremías 3:8

Laj Judá queꞌxqꞌue retal nak la̱in quintzꞌekta̱naheb laj Israel. Chanchan nak naxjach rib riqꞌuin li rixakil junak cui̱nk xban nak xtau xma̱c chiru. Abanan incꞌaꞌ queꞌoc xxiuheb laj Judá, usta queꞌril li cꞌaꞌru queꞌxcꞌul laj Israel. Queꞌxkꞌaxtesi ban ribeb chixlokꞌoninquil li jalanil dios.

2 Crónicas 15:9

Chirix aꞌan quixchꞌutubeb li ralal xcꞌajol laj Judá ut eb li ralal xcꞌajol laj Benjamín. Ut quixchꞌutubeb ajcuiꞌ li ralal xcꞌajol laj Efraín, ut eb li ralal xcꞌajol laj Simeón, joꞌ eb ajcuiꞌ li ralal xcꞌajol laj Manasés, li queꞌel saꞌ li naꞌajej Israel ut queꞌco̱eb chi cua̱nc Judá. Nabaleb li queꞌco̱eb Judá xban nak queꞌxqꞌue retal nak li Ka̱cuaꞌ cuan riqꞌuin laj Asa.

2 Reyes 24:20

Ut quichal xjoskꞌil li Ka̱cuaꞌ saꞌ xbe̱neb laj Jerusalén ut saꞌ xbe̱neb laj Judá toj retal nak quixcanabeb chi cꞌamecꞌ saꞌ jalan tenamit. Mokon chic li rey Sedequías quipletic riqꞌuin lix reyeb laj Babilonia.

Números 1:32

Queꞌajla̱c li ralal xcꞌajol laj José. Queꞌtzꞌi̱ba̱c xcꞌabaꞌeb li ralal xcꞌajol laj Efraín li ac xeꞌxba̱nu junmay chihab re teꞌoc chokꞌ soldado. Queꞌajla̱c aꞌ yal chanru xqꞌuialeb saꞌ li junju̱nk cabal.

Salmos 51:11

Mina̱tzꞌekta̱na taxak ut incꞌaꞌ taxak ta̱cuisi li Santil Musikꞌej cuiqꞌuin.

Isaías 7:16

Nak toj ma̱jiꞌ naxnau xsicꞌbal ru li us ut xtzꞌekta̱nanquil li incꞌaꞌ us li chꞌina al, lix naꞌajeb li cuib chi rey li nequexucua ru ta̱cana̱k chi ma̱cꞌaꞌ chic cristian chiru.

Jeremías 9:19

Toj aran Sión na-abi̱c li ya̱bac xban nak xo-osoꞌ. Numtajenak li kaxuta̱n xban nak tento nak takacanab li kanaꞌaj. Ut eb li kochoch juqꞌuinbil chic, chanqueb.

Ezequiel 23:31

La̱ex xeba̱nu joꞌ xeꞌxba̱nu eb laj Samaria. Joꞌcan nak la̱in texinqꞌue chixtojbal e̱ma̱c joꞌ xinba̱nu reheb aꞌan.

Oseas 7:13

Tokꞌob xak ruheb xban nak xineꞌxtzꞌekta̱na la̱in. Raylal ta̱cha̱lk saꞌ xbe̱neb xban nak xeꞌxkꞌetkꞌeti ribeb chicuu ut yal xcab rix xchꞌo̱leb nak xineꞌxlokꞌoni. La̱in xcuaj raj xcolbaleb, abanan eb aꞌan incꞌaꞌ xeꞌraj.

Oseas 9:13

Laj Oseas quixye re li Ka̱cuaꞌ: —Cꞌajoꞌ raj xchꞌinaꞌusal lix naꞌajeb li ralal xcꞌajol laj Efraín. Chanchan li naꞌajej Tiro. Abanan li ralal xcꞌajol laj Efraín tenebanbil ca̱mc saꞌ xbe̱neb.

Jonás 2:4

La̱in xincꞌoxla nak xina̱tzꞌekta̱na. Ut xinye: —Usta xina̱tzꞌekta̱na, abanan junelic ta̱julticokꞌ cue la̱ santil templo ut tintzꞌa̱ma intenkꞌanquil cha̱cuu.

Jeremías 23:33

At Jeremías, cui eb lin tenamit teꞌpatzꞌok a̱cue, malaj ut junak profeta malaj ut aj tij, ut teꞌxye a̱cue, “¿Cꞌaꞌru xye li Ka̱cuaꞌ anakcuan?” ta̱ye reheb, “Li cꞌaꞌru xye li Ka̱cuaꞌ, aꞌan nak la̱ex tzꞌekta̱nanbilex chic.”

Ezequiel 33:25

Ta̱ye reheb nak la̱in li nimajcual Dios ninye: La̱ex nequetiu li tib rochben lix quiqꞌuel. Ut nequelokꞌoni li jalanil dios ut nequexcamsin. ¿Ma naru ta biꞌ te̱re̱chani li naꞌajej aꞌin cui toj yo̱quex chixba̱nunquil li ma̱usilal?